مدونة خاتون...أول مدونة تتخصص في الكوميديا الواقعية بالشرق الأوسط *_^

تمنياتي لكم بالإستمتاع هنا

الاثنين، 16 أغسطس 2010

FooD رمضان FooD

~ السلام عليكم ورحمة الله وبركاته ~
رمضان شهر نحرم به من الطعام
ولكننا دوما نتفنتق به بأصناف و أرناق الطعام
و الكل يتشهى ...ولكل بلد أكلاته الرمضانية
التي اصبحت واجب و فرض على كل بيت و البيت الذي يخلو منها يكون البيت العجيب
أختي جنجر تعز الأكل دوما تتغنى فيه دايما أسمعها وأهي نازلة على السلم تقول:
..Food..Food..Food..Food..Food
تنغمها بعد على الرغم من انها عصلة
و من صديقاتي اللي يعزون الطعام و يعترفون في هالشي و دايما يصرحون فيه
صديقتي :بطه ضعيفة..زين الزاد..صوت القطوة..النملة النمولة
فيما عدا مسز نظارة (Mis science) و أنا اللي ما يشغل تفكيرنا
بس أهي يشغل تفكيرها السلطة وأنا السوائل
نرجع لصلب الموضوع و اللي أبي أعرضه كمادة أساسية في هالبوست ألا وهي
مجموعة طبخات تنفع لرمضان و خذيتها من المدونات الصديقة
سموا بسم الله وياي...طبعا أحنا بيتنا لازم يسمي بعدين يصلي على النبي
بسمـ الله الرحمن الرحيمـ
اللهم صلي على سيدنا محمد و آل سيدنا محمد
أول طبق من الأستاذ "قلم ومساحة"
تلاقونه على الرابط أداناه هذا الطبق ينفع للسحور و للي ما يحب يكثر
و تقدرون تلاحظون أنه الخبزه قامت تنفخ زعتر ولايعة جبدها
بس كنت مسويتها ووراي أمتحان علشان الذكاء و الذاكرة

أما هذا الطبق فخذيته من "Fishah"

http://fishah-q8.blogspot.com/2010/06/blog-post_28.html

بس أنا رقيت التوست بعدين قطعته بس لا ترقونه وايد

و مرة رقيت التوست و حطيته في بايركس وحطيت التوست طبقتين و حطيت بين طبقات التوست الصلصة البيضة

تلاقون الطريقة في الرابط أعلاه

أما حمسة الدياي فسويتها من عندي Fishah ذاكرة انه ممكن تحطون حميسة شوارما

جان أألف وحدة و الحمسة كالتالي

*نص قلاص عصير لليمون (يفضل الليمون اصفر من الحجم الكبير)

*ملعقة و ربع حجم وسط كاري و نفسهم بهارات دجاج أو تذوبون نص مكعب ماجي بشوية ماي

*و 3 أو 4 ملاعق حجم كبير لبنه (بينار أو تركية) و مثلهم زيت زيتون

*جم رشة فلفل أسود و و ملح حسب الرغبة او ملعقة الشاي

طبعا تخلطون المكونات اللي فوق و يصر عندكم صلصة

و تقدرون تضيفون لها صويا صوص بس ملعقة وحدة كبيرة إذا بغيتوا

وبعدها تيبون دياية(دجاجة) كاملة و مقطعة و تنقعونها بهالصوص

و تخلونها نص ساعة أو يوم كامل حسب الظروف

*بصلة مقطعه على شكل شرائح + فلفل خضر او أصفر على شكل شرائح+طماطة أيضا على شكل شرائح

نقلي البصل حتى يحمر ثم نرفعه ...ثم نقلي الفلفل حتي يذبل ثم نرفعه

ثم نقلي الدجاج حتى ينضج و نضيف عليه البصل و الفلفل و الطماطم و ما ان يذبل الطماطم يعني خلصة الحمسة

و ترى حدها سهالات و ما اتّعب

و صدقوني سويت أكثر من 80 قطعة ما ظلوا أكثر من نص ساعة بدون مبالغة و خيال

و كررتها أربع مرات لأنه عليها طلب واللي يذوقها يبي طريقتها

هــــــــــــااا شفيك تنحت من الأكل

بس اكيد تبي تحلي ما يصير أكل بدون حلى

اللـــــــــــي بعدوووووووووووو


أما هالحلو الحلو و اللي حده لذيذ خذيته من عزيزتي المدونة "أقصوصة"
وهذا الرابطـ

http://storyuae.blogspot.com/2010/02/blog-post_5395.html


شوفوا التفنتق
الكل عجبه شي في هالحلو أنه لمن يقطعون أول قطعه في شي يسيح لي بره
يعني شغل فندقي


و لمن تسون الصوص اللي داخل لا تكثرون جلاتين حده 3 قفاش وسط


التزين... ديروا بالكم تزينون بالصوص اللي داخل
للتزين: يبوا قوطي قيمر كي دي دي و حطو عليه شكر و حركوه لين يصير سائل تقريبا
قسموا جزئين جزء خلوه ابيض و الجزء الثاني ضيفوا له ككاو و قهوة قولد تعرفونها مالت الرجيم
و خلطوهم برى القيمر و ضيفوا لهم سكر علشان المرورة و بعدين ضيفوها للقيمر و بعدها صبوا على الحلو
و تقدرون تستخدمون الجوكلت جبس و الفليك و هرارشي صوص


وطبعا في بكلامي أهني أشياء مو مفهومة لأنه مو كل الأكلات طريقتها هني
بس هالحلو في عجينة بسكوت أنا أسخدمت بسكوتين دايجستف و بتي بور
و لا تخلونها يابسه و تكثرون بسكوت و لا تشكون فيها لمن تشوفونها تلزق
عادي بس إن خفتوا ضيفوا بتي بور لأنه أنشف



و هنـــــــــــــي و عافية على قلوبكمـ

آثار الغزو و اللحس هههههههههههه

هذا الله يسلمكم نوع من انواع الفاكهة يسمونه كعب الغزال شكله بشع و طعمة لذيذ
أختي جنجر يت (جت) تسألني خاتون هالطعامه تنوكل
شرد عليها ؟؟؟
أنتوا جاوبوا هالبنت عله

خـــــــــــــو بعد كل هالاكل لازم نهضم
شوفوا الله يسلمكم هذا جاي اخضر من فرنسا
من بعد ما شربناه طاح من عينا اللي بالكويت ريحة النعناع تضرب بالخشم
و ما قمنا نقدر نشم اللي بالكويت


فيه ميزة حلوة غير عن مال الكويت الكويتي على اليمين و الفرنسي على اليسار
ألا و هو انه اهم ما يحطون على الجيس دبوس لانه معدن و يضر الصحة
و يستنزف الموارد المعدنية فيربطونه ربط بينما أحنا دبوس حلي
و نقطه ثانية أهم حاطينه بشاش قطن و احنا جيس من ورق معاد تكراره و الله العالم من وين

هذا وضع الواحد لمن يكون مثقل و مو عارف شيسوي بنفسه و إلا شرايكم
ديروا بالكم على معدتكم و رشاقتكم
رمضان آل قوعوه مش أكلوه
في ظاهرة غريبة بعد المرضان الكل متنان فالبنات حلوها ما يشرون هدوم العيد إلا بأواخر رمضان
ههههههههههههههههههههههههه
و رمضان شهر طاعة و إن شاء الله ما تضيعونه بالمطبخ أو السوق
و عسى الله يتقبل منا و منكم صالح الاعمال
في إستفسار بسيط شلون نحط رابط بالمدونة بشكل مرتب يعني من خلال كلام
مو بهالشكل المبهذل و لا عليكم أمر أدري أميـــة بهالمواضيع بس فيكم الخير و البركة
أعجبتني و هي تمثل احد مبادئي فأحببت أن أوردها لكم
"الألقاب ليست سوى وسام للتفاخر و الرجال العظام ليسوا بحاجة لغير اسمهم "
~ فـــــــــــــــي وداعــــــــــــــة اللــه ~

هناك 40 تعليقًا:

  1. أزال المؤلف هذا التعليق.

    ردحذف
  2. نمله النموله18 أغسطس 2010 في 12:30 ص

    ههههههههههههههههههههههههههههه
    هههههههههههههههههههههههههههههههههههههه
    ههههههههههههههههههههههههههههههههههههههههههههههه


    خاتون
    ضحتيني ب ((في إستفسار بسيط شلون نحط رابط بالمدونة بشكل مرتب يعني من خلال كلام
    مو بهالشكل المبهذل و لا عليكم أمر أدري أميـــة بهالمواضيع بس فيكم الخير و البركة ))

    فصدج ارتباط يا حظي ؟؟ ولا تزعلين راح اعلمج
    ان شالله



    حرام عليج تحطين صور اكل وانا حاليا ما اقدر ادب
    لان الاكل طافح عندي ودي والله اكل بس ماكو مكان

    واللي قاهرني قاعد افكر بالسحور


    ..
    ما ألوم جنجر اذا تسال عن قدم الغزال ,, شكله صج جنه طعم مال التمر


    و لا عليج امر انا مالي خلق اشم ريحه الطباخ بس احب اكل
    اذا تقدرين فطوري انا وجيش النمل عندج باجر
    :)
    .
    مادري شفيني ياربي .. اذا قريتي كلام غريب لا تستغربين انا مصخنه وقاعده اهذي
    ,,
    حرة جنجر انا قبلج خخخخخخخ

    ردحذف
  3. ههههههههه
    أول شي عليييج بألف عآآآفيه،
    ثآني شي، بدعتي بتعليقآتج
    هالقعده أقعدهآ أنآ بس الصبح بالفرآش لمآ نتعيز
    وعد باجر بعلمج عن الرابط :)

    تحيآتي و بلوقج تبآرك الله
    خآتون كل ماله و يحلو
    عسآآآه بيتِ عآآآمر ;)

    ردحذف
  4. السلام عليكم

    والله طبخات حلووووهـ باين عليها من الصور
    <== مع اني متسحره سحور ومحلية واصل الاكل لفوق راسي
    الا اني اشتهيت اذوقها

    تسلم ايدك خاتونه ^^
    مشاءالله عليك


    وعلى طاري الشاي الاخضر احنا كل يوم نسويه
    عشان امي وابوي مايشربون الا اهو
    وانا ودي اشربه بس ماااحبه وهذا المشكلة


    ايوا صح خايفة يزيد وزني من رمضان
    تري انا ابد ابد مايزيد ولاينقص بالايام العاديه مهما كلت بس برمضان خايفه والله يزيد انا من النوع
    الاكيله <== تاكل كثير
    شسوي ......؟؟؟؟

    ايوا اذا تبين الروابط تطلع بشكل مرتب
    رح اعلمك حتى لو احد علمك <== لازم ارز فيسي

    اذا بتكتبين رسالة جديده وبتحطين رابط
    كتبي مثلا [ دخلوا على هالرابط ] كمثال
    بعدين حددي الكلام وروحي لأيقونة ارتباط شكل دائرة
    جمب المحاذاة وحطي الرابط وموافق

    وانشالله فهمتي علي =)

    ردحذف
  5. يا سلااام تسلم الأيادي

    ومنو ما يحب الأكل يا خاتون
    آخ بس
    انا متعتي وسعادتي لما آكل p;

    هني وعافية :)

    ردحذف
  6. اهي اهي اهي..

    شنو هذا ابي ..

    الحلو اجرام وطبق فشه يشوق ماشاءالله من زمان ناويه اجربه..

    بالعافيه يارب اخيتي وتسلم ايدج..

    وحتى جاي فرنسا غير اهي اهي..

    وبالنسبه للطعامه اذا غثتج خل تاكلها خخخخخ << شريره ..

    والرابط تحطينه بهالطريقه..

    تكتبين الكلمه اللي تبينهاوتظللينها وتكونين ناسخة الرابط اللي تبينه (عنوان السايت) وعقب تضغطين ع كلمة ارتباط بشريط الادوات اللي فوق واذا التصميم القديم صورة مثل نظارات شي جذي يم ايقونة الصوره ..

    ضغطتيها سوي كوبي للرابط وخلاص ..

    << شرح يبجي ادري..

    بس ليش تحريني بالاكل خخخ..

    انا طبق واحد واعابل فيه الا اضبط وانزله بالبلوق الحين ياست بحط اللي اسهل منه بس ماراح يعجبونج لانه شغل رفلات خخخ..

    ومشكوره..

    ردحذف
  7. السلام عليكم ورحمة الله و بركاته
    تسلم ايدك و ايدين المدونين التانين
    صحة وهنى أكلات طيبة

    بالنسبة لـ سؤالك ==> اكتبي كلمة تدل على دخول إلى الرابط من ( من هنا ) و بعدين ضلليها و بعدين ضمن ادوات التنسيق في اشارة بس تحطي عليها الماوس بكتب ارتباط اشارة دائرتين ,, بطلعلك رسالة تحكي العنوان الرابط فيها و موافق

    دمتي بالف خير غاليتي و رمضان كريم عليكم 3>

    ردحذف
  8. مبارك عليكم الشهر

    وكل عام وانتم بخير

    ردحذف
  9. نمله النموله...
    صج ما تستحين على ويهج بدال ما تقولين صديقتي المسكينة جاهلة و أعلمها تضحكين علي يا مال العافية :d
    ما أبي زعلت هزأتي عيشتي...بس بسامحج علشان رمضان

    حرام عليج معدتج رحميها تركي لها ثلث
    للهواء...لازم يعني فل ههههههههههههه
    أنا بعد أنقهرت مو أنتي أنا إذا تعشيت أقول حق أمي يما لو سمحتوا باجر ما نبي غدا وإذا أحد كلمني عن الغدا تحوشني بجوة

    حسبي الله على بليسج و ليش أنتِ تاكلين طعام التمر
    يما يا مجرمه

    أنتي و جيش النمل مقدور عليكم أحط لكم فليك و نتفوه بعد ليش أطبخ و أنفخ هههههههههههههههه

    سلامات سلامات يقولون فايروس منتشر هالأيام
    سلامتك سلامتك نود لك سلامتك
    لأنك الأنسان تعمر الأوطان
    نود لك سلامتك نود لك سلامتك
    ,,
    جنجر منقهرة عاد أحلى شي عندها
    التحدي والسباقات
    لوووووووووووووووووول
    أشوفج على خير ومو تنسين
    تدعين لي ترى أنا أدعيلج
    *_^

    ردحذف
  10. Princess Sara...
    الله يعافيج حبيبتي
    حتى أنا نفس وضعج الصبح ههههههه
    تسلمين
    عيونج الحلوة
    تسلمين وحياج الله البيت بيتج والمكان مكانج
    ورمضان يجمعنا*_^

    ردحذف
  11. нẽямờsờ ♥...
    وعليكم السلام والرحمة

    أي لذيذه حدها وتنفع للزورات
    واليمعات إذا محتارة
    لا تستحين مدي أيدج خيرته
    العلم بيخلينا نذوق الصور
    الله يسلمج و يسلم حبايبج
    أنا قبل ما كنت أحبه بس حبيت اللي
    بنكهة النعناع لأنه يذكرني بعلج بوسهم

    سوي رياضه قبل الفطور أنا هذا تكنيك مالي وزيادة السوائل ولا تهملين التمر يهضم و يحلي

    فهمت يا فندم مشكورة وايد
    خلاص بحاول أعدل الروابط
    ماقصرتي...تشكرات جزيلات
    *_^

    ردحذف
  12. BookMark...
    الله يسلمج حبيبتي
    أحبه بس مو مهوسة فيه نفس رفيجاتي
    خلاص بنضيفج للقائمة هههههههههههه

    الله يا عفيج و يخليج
    *_^ حياج دوم

    ردحذف
  13. رورو الشخبوطه...

    يقولج الحلو ما يحب الا الحلو *_^


    بالعافيه يارب اخيتي وتسلم ايدج..

    اي طبق فشه هذا كل من يذوقه يطلبه حده لذيذ
    لا يطوفج

    شفتي شلون الله وكيلج ما عدت اشم
    ريحة النعناع بجاينا من شميته

    لاالمرة الياية بقولها تطحنها و تآخذها لهوم هههههههههههه

    تسلمين على الشرح الدقيق
    أنا اللحين في مفهوم..كابيش
    لا يبجي ولا شي واضح

    عاد وأنا أصور قلت وين
    رورو صورها أحلى من صوري

    حطي و أنا أحكم
    العفو حياج الله البيت بيتج
    *_^

    ردحذف
  14. ʚϊɞ آلاء الْعَسَّاف ʚϊɞ ...
    وعليكم السلام ورحمة الله وبركاته

    الله يسلمج حبيبتي
    الله يعافيج ويخليج

    شكرا جزيلا على الشرح وتسلمين وماقصرتي*_^

    علينا و عليج يهل الخير عزيزتي
    وحياج الله الدار دارج
    رمضان كريم ^_^

    ردحذف
  15. صوت القطوة ^_*19 أغسطس 2010 في 2:18 ص

    السلام عليكم و رحمه الله و بركاته

    خااااااااااااااتون
    الصراحه ما قدرت اقرى كل شي بالبوست على شان لا انزل و ابسط في المطبخ خصوصا اني معلنا الرجيم و الرياضه القاسية من 3 يوم رمضان


    بس صور الاكل
    يمي يمي شكلها يشوق
    بس ابدا

    انا اول ايام رمضان كل يوم اطلعلي اكله يديده ما ادري شلون بالنهاية تطلع حلوه المهم

    من تعليقات ام سلوم على تزيني الي يسمعها يقول اهي تعرف تسوي شي

    كل اتعيب و تقول ليش ما تحطين شذي
    و منو بياكل هذا
    و ليش شذي
    واااااااااااي

    تعل الي ما ينعل
    المشكله ان اطباقي اهي الي تنوكل و اهي لا و هذا الي حاره

    بعدين يوم ما شاقت في شي تقثني فيه شان تقولي
    شنج صرتي مثل مقاسي

    انا لااااااااااااااااااااااااااا
    انهرت
    و على طول رياضه
    ضغط معده يوميا نص ساعه و انا قاعده مع امي و خواتي و ساعدني بالضغط عقله العبه و بنفس الوقت ضغط معده بس و الله يابت نتيجه

    و انط حبل نص ساعه ثانيه

    و الدرج تكسر من كثر ما اصعد في صاعده و نازله

    و الفطور ماكو فطور
    يا سلطه
    او اكل فواكه
    و اذا شوقني الفطور
    اكل 3 قفشات بس

    تعالي
    ترى بمرج بعد جم يوم بيتكم اكفخج تكفخ
    مو من عوايدج تاجلين الواجب شذي
    بالله متى بتحلينه ها قاعده اترقب ترى

    نزليه بسرعه

    و على فكرة انا لي الحين ما شريت للعيد تصدقين يمكن على قولتج يتغير وزني لوووووووووووووول


    بس لا املج البس اكبر من مقاسي اموووت تصير البطه ان سلوم مثلي ابدا
    يا اصغر منه و لا ما كو

    و رمضان شهر عباده شحقه البلعه بالله
    ليش ما نتفطر تمر و لبن بس
    ابي اعرف ليش التفنن و يفتحون نفسنا على الاكل
    يعني الا يزيد وزنا

    سوري على التحلطم بس من القهر اشوف اكل و ما اكل
    ابي برد

    من زمان ما اكلت كاكاو انجاز

    تقبلي تحلطمي بصدر رحب مثل ما تعودت عليج ^_*

    ردحذف
  16. Seema* ...
    الله يعافيج و يخليج
    و حياج الله
    ^_*

    ردحذف
  17. اقصوصه...
    علينا و عليج يتبارك

    وأنت بخير وصحة وسلامة
    حياج الله عزيزتي
    ^_^

    ردحذف
  18. no
    mo chethe
    ana 89dy ena 6are8tech tha7ekatny
    مو بهالشكل المبهذل hhhhaaaaaaaahhhhhhaaaaa

    7assteny ena mlabes mo kalam

    sorry if i confuse u
    my pc cannt write arabic

    :(

    ردحذف
  19. وعليكم السلام
    واااااي حدي داشه موضوعج بالوقت الغلط.. اشتهيت كل شي قاعده اشوف وابلع ريجي:P ..

    عليكم بالعافية يارب

    ردحذف
  20. سلا من الله عليكم
    اللهم آمين.
    ههههههههه ضحكتني جنجر احلى لحن ونغم ..

    تسلم يدينك ع الوصفات الروعه اللذيذه .. الله يخليك حبيبتي..

    الشاي الفرنسي اجربه ان شاء الله .

    تراتيل دعواتي لك بالتوفيق .

    ردحذف
  21. عليكم بالعافيه بس اتوقع بعد الحلو الواحد خلاص ما فيه حيل يمشي
    شكله عجييييب !
    هههه صراحه شوقتنا عليه
    هه بالنهايه اللهم اني صائمه p:

    ردحذف
  22. السلام عليكم

    والله من كثرة ما شاهدت من اطباق هنا وأنا صائم شبعت..ههههههههه
    الله اعطيك العافية أختنا الكريمة، دائما تتحفينا بخفة دمك ومرحك.
    أشكرك وتقبل الله مني ومنك ومن جميع الإخوة والأخوات.

    ردحذف
  23. اي غزو الا دمار شامل ...
    سويت الدياي ...والكل استجن عليه ,,,:)

    اما الحلو ..اشكرج و شكري فشه نيابة عني ..و اقترحوا احط برد بدل الخلطه البيضه :)


    واطلبوا الحلو مني يوم الاثنيين حق حفلة القرقيعان مالت بو جاسم





    زين الزاد

    ردحذف
  24. يضحكون اليهال تحسين من كثر ما أهما ماكلين ما يشوفون جدامهم.. استانست وايد إني شفت طبقي موجود في القائمة.. وما توقعت إنه يعجبج.. يعطيج العافية وتسلم إيدج وعليكم بالعافية، ورمضان معروف أنواع الأكل والمشهيات.. بس بالنسبة لي شهيتي تقل برمضان أكثر من الأيام العادية

    ردحذف
  25. عليكم بالعافية:)

    صور الأكلات تغري وشكلهم وايد حلوين
    بس آنا عن نفسي ماراح أجرب الحلويات لأن مو ناقصني شي يرفع السكر :p
    بس اللي فيها زعتر شكلها حلوة وتنفع وقت الإمتحانات لأني ولله الحمد من كثر ما موادي دسمة مخي يقفل والذاكرة كلمالها تتراجع !

    تسلم إيدج وقواج الله *-*

    ردحذف
  26. قياديه طموحه...
    ما في confusing ولا شي بس حبيت أضغطج و أحسسج بالذنب يعني نحاسة هههههه
    ؛d
    حياج الله

    ردحذف
  27. alB6h...

    هههههههههههه
    لا تبلعين ريجج أفا عليج سمي و مدي ايدج
    ههههههههههه
    الله يعافيج يارب

    و حياج الله دوم عزيزتي
    ^_^

    ردحذف
  28. رنداالجنوبيه...

    أفا عليج حق كل أكله في لحن مع النط بعد
    ههههههههه

    الله يسلمج و تستاهلون الوصفات أفا عليج بس
    الشاي الفرنسي للأسف مو موجود بدول الخليج
    لازم احد أييبه لج من بره

    ودعواتي لك ايضا بالتوفيق ورضا الله والوالدين
    ^_^

    ردحذف
  29. AMJ ...
    الله يعافيج
    هذا الحاصل يوخيتي ما شفتي اليهال انقلبوا
    يستاهل التجربه فعلا

    ههههههههههه

    حياج الرحمن عزيزتي
    ^_^ سعدت بمرورك العذب ^_^

    ردحذف
  30. أبو حسام الدين...
    وعليكم السلام والرحمة

    أهم شي بس ما فطرناك هههه
    الله يعافيك ... وتسلم واتمنى اكون كذلك
    العفو...و آميـــن يا رب العالمين
    حياك الرحمن دوما

    ردحذف
  31. زين الزاد...

    هههههههههههههه

    أي حده الدياي حلو و من أيدج بيصير أحلى

    يا حلوة الحلو لازم تطبقينه بحذافيره وبطلي لعب هههههههههههه

    عاد بيضيها وقولي لهم أني أنا اللي معلمتج
    أحم أحم أقصد مو بروحي بعد باجي المدونين وياي

    وعليكم بستين ألف مليون عافيه ومطرح ما يسري يمري
    ^_^

    ردحذف
  32. قلم ومسّاحة...

    أي وعليه مو بس اليهال حتى الكبار وبالذات الريايل

    طبقك تم تكراره كذا مرة و لاقى استحسان كبير وعليه طلب في اليمعات ..تسلم ما قصرت والله يعافيك

    أحنا ممنوع أحد يقول شهيتي مسدودة في حكم وفرمان
    لا يمكن تعديه
    حياك الرحمن
    ^_^

    ردحذف
  33. Amwaj ...
    الله يعافيج يارب:)

    الحمدالله الصور عجبتكم بس فعلا الصور هضمت حق الأكل على الطبيعة
    اهم شي عندنا صحتج
    اللي فيها زعتر حدها لذيذه و لمن امتحنت بعدها يبت A أكيد للغذاء تأثير بعد الدراسة و دعاء الوالدة

    الذاكرة تتراجع من الهم علشان جذي أبعد عن الهم دوم
    الله يسلمج...الله يقويج و يعافيج
    حياج الله دوم أمورة
    ^_^

    ردحذف
  34. الأخت الفاضلة :: خاتون ::
    تحية رمضانية عطرة معطرة
    سائلا الله لنا ولك التوفيق لعمل الخيرات وأن تتقبل منا جميعًأ ..

    تدوينة دسمة وشهية ..
    وما شاء الله عليك باين عليك طباخة ماهرة .. والدليل النصايح الجانبية مع كل طبق :)

    أطيب الأمنيات

    ردحذف
  35. محمد سعد القويري...

    آمين يارب العالمين يتقبل
    منا ومنكم صالح الاعمال
    لا طباخة ماهرة ولا شي
    مجرد طباخة عبثية
    ونبي نكسب أجر في الصيام

    وحياك الرحمن أستاذنا الفاضل

    ردحذف
  36. هني و عافيه

    شوقتيني عليهم

    تحياتي

    ردحذف
  37. Katkoota xD ...
    الله يعافيج حبيبتي
    حياج الله
    ^_^

    ردحذف
  38. السلام عليكم

    ولا احلى تسلم اليدين ويعطيك الف عافية بالنسبة لفكرة المبتكرة للتشيز كيك حلوة ورائعة وحنجربها بعون الله

    دمتِ بالف خير وسلامة يارب

    ردحذف
  39. ღ♥ღّنسيــمــ ليبياـــღ♥ღ...
    وعليكم السلام والرحمة

    الله يسلمج يارب ويعافيج أتمنى لج
    لتوفيق في التطبيق

    ودمت كذلك على خير وألف صحة وعافية
    حياج الرحمن عزيزتي دوما
    *_^

    ردحذف

حياكمـ،،،