أنا كويتي أنا

~السلامـ عليكمـ ورحمة الله وبركاته~

...خاطرة في حب الكويت...

الكويت

هي روحي و دمي

هي أرضي وطني

و كيف بي إذا ما الحب أعتلى

غير أن أكتب

على الصخرِ و الشجرِ

حبا أبدي

ليس حبي لها عابثٌ لاعبٌ

و لست أكتب

حبي بالقلمي

بل اكتبه فعلا و أنا له فاعلٌ

فالصخر أحيله بنيانا شامخا أعتليه و أصرخ

هذا إهدائيَ الوطني

رأيت فيما يرى النائم خير اللهم جعله خير

منامًا غريبًا

أن الجارة الشمال تعيد محاولتها ورأيت أن سطح البيت الذي نحن فيه مكشوف

و رأيت طائرات مكسورة الأجنحة و كان الدم يتقاطر من جناحها و بدأت الطائرات تسقط

على الأرض و سمعت اصواتا تخبر بأن وضع البلد آمن و إنما هم المتضررون

و بعدها فتحنا التلفاز على قناة الكويت الأولى و لم نرى شيئًا ثم حولنا على قناة الوطن

و إذ بهم يخبرونا عن الوضع و ان الجارة الشمال تهاجم و لكن لم يطلنا أذى و كنا خائفين

هالحلم شفته فجر 1-8 2010م

ويقلون بالأحلام أنه من خاف سلم و هالحلم مو خيال حقيقة ... تهقون في شي راح يصير ؟؟؟

يقولون في نائب قال أنه في غزو ما ادري منو هالنائب بس قالوا لي أنه الكل هاجمه

و بصراحة استغربت أن أحد هاجمه لانه هالشي متوقع

و لا تلوموني إذا ذبت بهواها..أو تماديت بمحبتها و غلاها
القمر وده يسمونه الكويت..و النجوم تغار حتى من حلاها
يا بعد عمري و قلبي الكويت

افرحوا يا أهل الكويت بأرضكم..والله جنة مو بلد ماشالله

يا بعد عمري وقلبي يالكويت
حببتني فيها هالديرة العجيبة..كل يوم تصير لي أكثر قريبة
حب من أول نظرة حبي للكويت

يمكن تقولون شفيها هاذي مينونة أحنا اللحين بذكرى الغزو بس

قلت أنا بخفف عليكم شوي و بخاطري أتغزل بالكويت و هذا الوقت المناسب

أحب سماج أحب أرضج أحب هواج

تنفستج طفل يحب ريحة البحر أو الرمل الرطب

عرفتـــــــج في

هاذي الكويت و صل على النبي هيا ديرتنا و فيها كل اللي نبي

و عرفت نفسي في

أنا كويتي أنا .. أنا قول و فعل و عزومي قوية
و من هني عرفت شتصيرين لي

عرفت أنج مو أرض

عرفت أنج "روح"

كل إنسان عنده بلاد عليها يعيش إلا الكويت مثل الروح فينا تعيش

علموني من أول ما عرفت أن الأرض أرض و السما سما

أني لازم اعطي بدون ما أسئل لازم أبتسم في ويه الكل

لازم اسولف و أرحب بكل اللي أعرفه و اللي ما أعرفه

و لمن سألت ليش يت الإجابة لأنج كويتية

أحنا نولدنا نتنفس هالطبع

حنون أنتِ يا بلادي

يعضون إيدج و تقولين ما عليه يهال

مثل المرأة الحكيم

عرفتج جميلة أنيقة متعلمة و مثقفة سياسية غنية النفس قبل الإيد صديقة مخلصة و جارة ما منج ضرر

أصيلة يا كويت

عروس بليلة زفاف إنتِ في جمالج و في حسنج و دلالج

بعدسة صديقتي المدونة"كوكتيل"

آآآه يا بحر الكويت
صوتك أغنيتي
ريحتك عطر
جمالك سحر رباني
فيكـ شي يبجي..فيكـ شي يخليني أتبسم..فيكــ شي يخليني أفكر وأبحر

فيك شي يخليني أبي أصرخ
أحب هالديرة .. فديت هالديرة
و أسمع صدى صوتي على البلاجات
بس أبي لمن أصرخ ما يرجع صدى صوتي بروحه
أبي يرجع بصوت قوي وياه و أحنا بعد وياج نحب هالديرة

الكويت بعيني دمعة حب و اعجاب صافية
ياليت الواحد يقدر يحضن بلاده

كل إنسان طبيعي يحب وطنه
لكن أنا أحب وطني حب مو طبيعي

~~ دربكمـ خضر ~~

و كل عام و إنت بخير جنجر (مواليد2-8-1993)