*!*مبارك عليكمـ الشهر*!*

،،،السلامـ عليكمـ ورحمة الله وبركاتهـ،،،

مباركـ عليكمـ الشهر

شهر القرآن

فيهـ ليلةٌ خيرُ من ألف شهر

أوله رحمهـــــــــــــ

وأوسطه ــــــــــــــــمغفرةــــــــــــــ

وآخره ـــــــــــــــــــــــــــــــــــــــعتق من النار

من مثلك شهر انزل فيه القرآن

و شهر تصفد فيه الشياطين تغلق فيه أبواب النيران

و تفتح ابواب الجنة الثمانية

وقد فضلتَ شهراً و فضلتْ فيك ليال ثم فضلتْ فيك ليلة

وقد خصص للصائم فيك أجراً لم يطلع الله عليه أحد

وباب في الجنة هو "الريان"لا يعلم مافيه إدخره الله لمن صامك بحق

و من صامه إيمانا و أحتسابا غفر له ما تأخر من ذنبه و ما تقدم

فيا باغيا للخير أقبل و يا باغيا للشر أدبر

رمضـــــــــــان شهـــــــــــر

~القرآن~
~قيام الليل~
~الدعاء~
~صلة الرحم~
~الود و الحب~
~الصدقة و الجود~
~المبسم والوجه الطلق~
~حلقات إيمانية وكلام طيب~
~لا مكان للتباغض والتلاعن فيه~


حتى تنجز في رمضان
*أنهي زياراتك العائلية في 5 أيام الأولى
*أجعل لك ورد يومي
(بعد صلاة التراويح جزء ونصف، عند قيام الليل جزء و عند صلاة الفجر نصف جزء)
و إن إستطعت ان تقرأ بين فترة و اخرى صفحات خلال اليوم فخير و بركة
و تكون ختمت القرآن 3 مرات في شهر رمضان و ربما أكثر إن زدت
(الجزء=10 صفحات ويه و ظهر)
*تخصيص برنامج ديني
*يا حبذا لو قاطعنا المسلسلات
*نقرا شي من تفسير القرآن اللي الله يقدرنا عليه


لكمـ ملة ثريد هديه
وجدر هريس اماراتيه
و حلى كبسة سعودية
وصينية مندي يمنية
وأحلى تشريبة كويتية
وكريم كراميل ومهلبية
وطاسة حلوى عمانية
وصحن حلاوة بحرينية
وسلة جبن سويسرية
وأحلى سمبوسة هندية
و أكبر سلام وتحية
بس تعبت
مبارك عليكم الشهر
ملاحظة هامة :لا تنسون ترجعون الصحون ملوتنا عليهم علامه..!

أم فيصل: خخخخخZzZZzzهريس..مرق بامية..فتوش..يريشZzZzخخخ..أممممممم
بوفيصل: قومي يا مرة زتاتج..مو كافي اليوم حارمتني من الدوانية لا و نايمة
أم فيصل: منو شنو وين..شالنجرة ياي بخناقك
بوفيصل: يللا مو أنتِ اللي تبين تجيلين اليوم حق رمضان..يللا خل نلحق خو اللحين ما نلاقي مصفط
أم فيصل: زين زين بس أنت هد أعصابك ما عليه بنلحق إن شاء الله
بو فيصل: ليش ما جيلتي أمس ما عندي شي
أم فيصل: أمس عندي قريش
بو فيصل: إنزين ليش مو قبله توج
أم فيصل: الله يسلمك و يا محفوظ السلامة (وهي تلبس لفتها و حاطه دبوسها بحلجها)
كنت ألف كبب و سنبوسه ويا خواتي
بو فيصل: مرة ثانية جيلي قبل أسبوع بدال هالدربكه و الدبجة اللي أحنا فيها خلي أمورج على سعة يا مرة
أم فيصل: شسوي لهيت و دلهت و بعدين التشري دوم يحلى هالفترة
بو فيصل: طوفتي علينا التراويح اليوم
أم فيصل: ما عليه إن خلصنا أمبجر حاول تلحق
و ينزلون على السلم و تطل أم فيصل على الصالة
أم فيصل: مريمو قومي جهزي اللي قلت لج عليه..أي و صج في مسلسل حق حياة الفهد برمضان نبي نبجي و اللي يعافيج
مريم: قاعدين نجهز لنا جدول مسلسلات يما
أم فيصل عفية على بنيتي
بو فيصل يهز راسه يمن يسار و اهو منزله و يتوجه للسيارة مع زوجته
"بالسيارة "
بو فيصل: أتقي ربج رمضان ومسلسلات جنه فرحتكم بالمسلسلات غطت على فرحتكم برمضان نفسه
أم فيصل: شفيك ليش تنكد علينا بشوف محمد العوضي
بو فيصل: وينج انت هالحزة تنجبين
أم فيصل: أسمع و انا أنجب لا تحاتي
بو فيصل: ماشاء الله عليج و المسلسل تشرعين له عيونج ومجابلته حتى جدرج تنسينه
أم فيصل: تلوي بوزها و تقول خلصت حرك حرك
بو فيصل: الله يصلحج إن شاء الله...الحين وين؟
و هذا أغلب الناس في رمضان اليوم



~رمضــــــــــان كريــــــــــــم~


عبدالله الملقب بــ"عبود" طفل بالسادسة من عمره
و جاسم الملقب بــ"جسوم" طفل أيضا بالسادسة

جاسم:عبوود وخر عني أحسن لك
و مهددًا بسبابته
عبدالله:يتبسم و ينغز
جاسم: اللهم اني صائم (بصــراخ)أصلن أنت جذي فطرت
لأنك تأذيني يعني إنت جلب رمضان(يتخصر و يخز و يجدم جسمه)
و يتكرر هذا المشهد الرمضاني الظريف *_^




~و عساكـــمـ مــــن عـــــواده~
~رمضـــــــــــان كريــــــــــــــمـ~