مدونة خاتون...أول مدونة تتخصص في الكوميديا الواقعية بالشرق الأوسط *_^

تمنياتي لكم بالإستمتاع هنا

الجمعة، 1 يناير 2010

*Stuff & More*

~ السلام عليكم و رحمة الله و بركاته ~



من بعد غيبة قد طالت أشتقت فيها لمدونتي و أشتقت للفوائد اللتي أقتطفها من مدوناتكم
لقد سلبت الإمتحانات Mid terms وقتي و ها أنا في حالة شبه هدنه معهم *_^


This week ! feel like this man but ! a womany way
*_^but at the End ! survived & achieved
Thanks Allah on the stregnth



*The feild Trip*

هالأسابيع اللي فاتت قضيناها رحلات أي "field trip"

طبعاً أنا ما احب الرحل بس هالكورس وايد أستمتعت بالرحل لأنها كلها بنات و ما فيها شباب و خذينا راحتنا
و كنه فاهمين شنو ينقال و الدكاترة كانوا يبون يعلمونا (هذا البوست رحلة و الياي رحلة ثانية *_^)

و هاذي بعض الصور

[منطقة الخيران وما حولها من مناطق تنفع الطلبة الجيلوجين لأنه فيها مظاهر السطح متنوعة و مكشوفة]

دريولنا عاش عاش .. دريولنا بيب بيب *_^

أحد مصادر التلوث القريبة من منطقة الخيران في بلدي حيث الحياة البحرية و البشرية تتضرر So I obJect

أحد مرتفعات الخيران حيث أن الواقف عليها يستطيع رؤية مساحة شاسعة من الشاليهات

و قد تمت مطاردتنا بركاب البقيات و البانشيات لأنه شكلنا غريب

لكن الدكتور سفل فيهم كااااااااااااااك زفوهم ويك ويك ويك

و قال الدكتور : الازعاج البشري راح يوجهنا

و بالتالي في سبيل العلم لازم نطنش

بعد بكل وقاحة يقولون للدكتور انهم يبون يورونه منطقة أحسن هههههاهههاي ما شاء الله طلعوا دكاترة ^_^

و طبعا الشي اللي ما تعرفونه عن "خاتون" أنها شاطرة و إذا ما جاوبت كل الاجابات تموت و الحمد الله جاوبت تقريبا 99% من الأسئلة لين بديت أحس أنه في ناس نقهروا مني فتركت 1% لوووووووووول و بالنسبة للصورة اللي فوق سألنا الدكتور ليش جزء منها أدكن من الثاني هل أهو تحول بنوع الصخر طبعا الكل ألف من مخه بس أنا قلت يمكن organic matter مواد عضوية و كانت الأجابة صح Yes طبعاً جاوبت إجابات أذكى منها بس كانت الإجابة مهمة علشان أحطم رقم قياسي أدري Nerdطبعا الدكتور منعنا ننزل و نصور هالصورة ما كنا نري بس لمن شفنا الشريبcrab يركض نطينا قبــــــــــــــــه لوووووووول

و هذا طبعا ماي طالع بوسط اليابس شكله عجيب و فيه كائنات بحرية داخلة و حواليه بعد طبعا شلون تكون ؟
الله يسلمكم هذا الماي مهاجر من البحر (خاصية شعرية) و صعد على سطح اليابس بالاضافة للأمطار و طبعا بيوض الحيونات تنتقل مع الماي فنلاقي في حياة بهالمكان و حده كان شكله آسر على الطبيعة

و هذا دكتورنا و هو يشرح

و هذا على ما أظن أعلى مرتفع بالكويت ياما شهد طيحات و طبعاً

غير نقوش الطلبة و السواح بس النهاية بصراحة الشخابيط معطيته شكل


و هاذي الصخرة وروني ياها البنات و قالوا سألي الدكتور لأنها عمرها ما مرت علينا من قبل بس قالوا تشبه Conglomerat
أنا بصراحة قلت لهم أنها مو صخرة لكن سألت و أحس عصب علينا و أسمها !Artificial إن شاء الله السبلينق صح
و هذا يعني أنها حصى مع سمنت و يمكن هاذي أثر لشاليه أو طوفه كانت مبنية منه ! يعني مو صخرة ^_*

و هني باص الرحيل قد آن أوانه ^_^

~بالختام أشكر تلفوني جدا على تحمله لأكوام الرمل و التقاط هذه الصور الجميلة~




*كريبو بستايل شتوي*

طبعا أول ما شفت هالكوب عجبني فعلى طول رحت أطلب و إلا اللي تشتغل طلعتلي واحد أحمر جان أقولها ما أبيه عطيني هاللون و اللا ما أشتري و طبعاً لانه أهو الحجم الأكبر فالتوصيات تقول لهم بيع الاغلى و طبعا سوت لي شو لأن الكوب بعيد و صار تحت ما لها خلق تطلعه و قامت تقول: يعني ما تبين هذا ليش ما تحبين الأحمر؟ و في طالب واقف و على قولة صوت القطوة كان يضحك علي ...أنا أقول ما عنده سالفه كيفي أبي هاللون طبعا على بالي بنفسجي طع رمادي مو مشكله أهم شي عفستها سويت اللي براسي هههاهههاي





*بالعكس*


هذا الكتاب عجيب لازم ينحط كمرجع للتحفيز

المؤلفين أهم : محمد الفوزان ~هيثم المحيميد

الكتاب بالعامي أنا أصلا دايما ما أحب العامي وايد لكن الكتاب كان مشوق جدا

نصيحتي ~اشتروه~

طبعا هالكتاب عرفتني عليه زين الزاد و قام يتنقل بين أيدين بنات قروبنا لكن أنا أشوف أن كل وحده لازم تشتر نسخه

من أجمل العبارات "لو أننا فعلنا ما نحن قادرين عليه لصعقنا انفسنا"

توماس ايديسون





* بمناسبة الكريسماس *







بمناسبة الكريسماس !



أحب أقولكم











"كل عم و أحنا شكو :-P



*_^



*Gastropoda*


هاذي صورة للرسمة اللي رسمتها علشان أشرح المحاضرةClass Gastropoda شرايكم برسمي؟

و صج كان شرحي بيرفكت و الدكتورة مدحته الحمد الله.



*محول زين مو زين*



زين الزاد و هل تعرفون من هي زين الزاد ... هاذي البنت خطرة على نفسها و على المجتمع

كنا قاعدين بالكلية و الا زيون تطلع لابتوبها تبي تشتغل على موضوع بالبور بوينت و إلا تطلع محولها و أسلاكه مكشوفه جان تنبها

صوت القطوة و تقول لها :زيون هذا أسلاكه مكشوفه لا تتكهربين

زين الزاد:لا عادي متعودة يبي لنا لزاق علشان يصير عازل

~جان تركب البلاك~

و تقول(حق صوت القطوة): ها طلعت شرارة

صوت القطوة:!!!!!!!!!

أنا:!!!!!!!! هيو أنتي شفيج

زين الزاد:أهو لمن يطلع شرارة يعني اشتغل

~ما أخفيكم سرا كل اللي على الكرسي وياها و حواليها اخترعوا لأنه الكراسي معدنية و متصلة

صج بدعت هالبنت بالأوادم و الأدهى و الأمر أنها فخورة بنفسها و لمن رحنا نقعد يمها

تقول رفعوا طرف هدومكم لاتحترقون و ابتلش فيكم !!!!!

و لغاية الآن زيون ما فكرت تشتري محول يديد و تنطر الشرارة تطلع علشان تعرف اشتغل و إلا لأ؟!!

؟!؟شنو الدبرة معاها ما أدري مينونة خالصة ؟!؟

و لمن نزفها تقول : هو علامكم ما في شي عادي عادي !!!!

آسفه على الإطالة و

Hope U enjoy !T

تعرف على شخصيات المدونة(معـ الصور؛)...

هناك 26 تعليقًا:

  1. السلام..

    ولكم باك..

    حسبالي انتي طالبة شريعه خخخ..

    خوش رحله ماشاءالله ..

    وموفقه يارب بامتحاناتج ودراستج ..

    بالنسبه لكاريبو احنا منزل 3 الوان تشوق ازرق وبنفسجي وفوشي..

    بالعكس شاريته قريت جم صفحه وحذفته بس شوقتيني ارد اقراه بس ماشاءالله الصبيان حسبالي كبار مو كتفكير لا الشكل خخخ..

    وانا اقولج بمناسبة السنه اليديده الميلاديه والهجريه كل عام وانتي بخير ..

    والرسمه نايس ماشاءالله تسلم ايدج ..

    ولاب توب زين مثل بلاكي خخخخ ..

    ومشكوره..

    ردحذف
  2. زين الزاد

    الصوره خطيره (الباص + السحب )
    وعليه هالهضبتيين الي ما كو طالب جيولوجي ما حفر فيهم!!
    من كثر التحفر و جمع العينات ..اختفت الهضبه
    صج ليه قالوا (بدو طاحوا بهريس)


    محولي بحاله ممتازه ابوي صلحه لي :)

    التنوع مطلوب ...ماكو كب اصفر


    على الوعد عقب باجر اوريج الصور (عصر السرعه
    )كااااااااااااااااااااااااااك

    ردحذف
  3. رورو الشخبوطة ...
    و عليكمـ السلامـ
    أنا طالبة علوم سابقاً تربية تخصص علمي حاليأً
    إي و الله خوش رحلة عندي صور وايد بس المشكلة راح يصير زحمة
    وين نازلة هالألوان بآداب ؟
    حتى زيون بالنسبة حق كتاب بالعكس قالت نفس كلامجو توها قرته و عجبها و خلته يدور بين ايد البنات
    ثانكس على الاطراء على الرسمة لأني وايد فرحانة بنفسي بعد ما رسمتها
    طلعتي طرة مثل زيون الله يحفظكم بس هههههههههاي
    عفوا حبيبة قلبي ^_^

    ردحذف
  4. زين الزاد...
    أكيد الصور خطيرة منج تعلمنا*_^
    لوووووووول ضحكتيني على سالفة الهضاب
    محولج الله يخليه لج و يشافيه
    لا أنتي نبي لج كب أخضر فسفوري لونج المفضل لوووووول
    بانتظار الصور اللي ما أدري شنو وراهم *_^

    ردحذف
  5. لوووووووول حدي استانست بهالبوست ..
    من زمان أنطر لج موضوع تعرفين يعني وحده فااضيه ؛)


    هههههههههههههه أما سالفة الكوب البنفسجي ماتوقعت يووصل عشقج للون لهدرجة ؛)

    و زيــن فديييتها خلوها تحرق العلوم حلال عليها ؛)


    الكتاب شكله يشوق ؛)



    ويـــدان

    ردحذف
  6. ويدان...
    يا عيني على الحضري وجدان صارت ويدان لووووول

    أفا عليج أنا راح أشغل أوقاتج عيل مدام فاضية *_^
    و عشقي للبنفسي وصل ابعد مدى*_^
    زين الله يسلمج لو تنترك يصي 2012 قبل وقته لووووول
    الكتاب اذا ما تبين تشترينه طلبي من زيون حاطته سبيل قاعد ينتقل بين كل بنات القروب *_^
    U R always WelcoMe^_^

    ردحذف
  7. الأخت الفاضلة :: خاتون ::
    صباحك ورد
    وبعد
    الحمد لله على قيام هدنة الميد تيرم
    والرحلة ما شاء الله ..) أهم شيء إنك سويتِ على الإجابات حصريا على قناة خاتون ..)
    كتاب "بالعكس " عادة الكتب في السعودية .. ما توصلنا إلا متأخر .. وبعض الأحيان .. تجي مع معرض الرياض السنوي .. وباقي له شهرين تقريبا .. يعني ننطر .. بس فكرة كتاب كامل بالعامي والله أحس إنها قوية .. وأنا ضدها - مع احترامي لشخصك الكريم يا خاتون - .. يعني لو يكون الكتاب باللغة العربية .. وتتخله قليلا من العامية ممكن أقول لك أوكي .. بس كله عامي .. أظنها فكرة ليست موفقة .. إلا إذا كان المؤلف يخاطب فقط أهل الكويت والخليج ..
    أختي .. إطالتك متعة
    أحلى الأماني
    وأصدق الأمنيات لك بالتوفيق

    ردحذف
  8. محمد سعد القويري...
    حياك الله اخي الفاضل دوما
    بالعكس كتاب "بالعكس" مو كله بالعامي العبارت و اغلب الكلام لغة عربية لكن بعض الكلمات و المقاطع فيها العامية واضحة اجمل ما في الكتاب قصص النجاح اهو كتاب بسيط لكن في فايدة و أنا أأيدك بموضوع انه العامي غير مقبول حتى أنا ترددت باخذه لأني من مؤيدين اللغة العربية و بس لكن هالكتاب اثبت نفسه .
    و شكرا على المرور المثري و الراقي ^_^

    ردحذف
  9. ماشالله خوش صور وخوش رحله

    شكلكم بدعتوا فيها مع الدريول مالكم =)

    اهم شي استانستوا وغيرتوا جو بهالجو الحلو

    يعطيج العافيه

    تقبلي تحياتي
    واييييييييييييي

    happy new year
    مع انه واحنا شكو لوول

    لكن كل عام وأنتي بخير غاليتي
    دمتي بود

    ردحذف
  10. والله استمتعت هنا
    والرحلة فلللله جمعت كل الفوائد
    والصور خلتنا نعيش الأجواء

    من كل قلبي الله يوفقك ويحقق أمانيك
    وأيام عامك سعادة ونجاحات يارب

    أماسي وردية لقلبك

    ردحذف
  11. هههههههههههههههههه
    انا ضحكتني لما قالت رفعو ملابسكم لاتحترقون خخخخخخخخخ

    عجيبه هالبنت .. والرحله باينتها حلوه

    خاتون اذا شفتي نفس الكوب مره 2 حسبيني بواحد :$

    عجبني لوووووووووول ..

    تصويرك حلو .. وربي يوفقك يارب بدراستك ..

    وكل عام وانتي بألف خير

    خيتك

    متهوره بٌلطف

    ردحذف
  12. السلام عليكم ..

    رحلة حلوهـ وممتعه مشاءالله .. تصويرك مرهـ شي
    الله يوفقكي خيتي وداومي على شطارتك وتفوقك

    وعلى سالفه زيون الزاد .. هالبنت من جد ختيرهـ
    هههههههههههه

    ثانكس خيتي خاتونه

    ردحذف
  13. Faith...
    بدعنا من قلب بالرحلة و أحلى
    شي الختامية الدكتور ما قصر
    ودانا مطعم الفايز
    و أنتي بألف خير حبابة ^_^

    ردحذف
  14. الغدوف...
    حياج الرحمن عزيزتي
    و مشكورة على الدعوة الحلوة
    و الصافية اللي مثل راعيتها
    و مساج الله بالايمان و طاعة الرحمن ^_^

    ردحذف
  15. متهورة بلطف...
    يا الله حيها
    زين الزاد اذا ضاعت منا ندور روب يضحك نعرف انها بالنص
    أفا عليج كوبين إن بغيتي مو واحد مع إكسترا كراميل بعد*_^
    يسلموا على المرور الراقي ^_^

    ردحذف
  16. جنات...
    وعليكم السلام و الرحمة
    شكرا على الإطراء ما كنت أدري أني مصورة ناجحة *_^
    أما زيوون فهي ختيرة ختيره بشكل إجرامي ^_^
    ^_^U R always welcome sweet heart

    ردحذف
  17. عزيزتي خاتون
    وحشتني لم ازورك من فترة بس اعذريني
    احلي حاجة في تدوينتك دي رائحة السعادة الجميلة و الاستمتاع برغم الامتحانات و المذاكرة هما الشاطرين كده :))))ربنا يوفقك عقبال ما شوفك الدكتورة خاتون

    ردحذف
  18. السلام عليكم
    من طول الغيبات جاب الغنايم
    ماشاء الله رحلة موفقه والصور حلوة ان شاء الله استفدتوا
    اذا لقيت الكتاب على طول باشتريه
    ..كل عام وانتو شكو..
    وانتي شكو ..صح كذا الرد؟ ^_^"
    والله طلعتي رسامه الله يوفقك وعقبال الدكتوراه يا رب
    ..تقول رفعوا طرف هدومكم لاتحترقون و ابتلش فيكم..
    هههههههههههه لا الحمد لله خايفة عليكم ^_^
    الى اللقاء

    ردحذف
  19. صوت القطوة تتكلم
    ونااااااااااااااااسة و اخيرا شبكت بالنت كله منج خاتون خليتيني اخرب عقابي كنت بحرم نفسي من النت لين اخلص امتحاناتي بس كلامج عن البوست شوقني و قلت لازم اقراه قبل لا تنزلين غيره و الحمد الله قريته *_^
    ما شاء الله عليج خاتون بدعتي بال field trip
    اما عن كريبو واي كان شكلج يضحك و انتي مصرة على الكوب و لا ما اشتري تهددينها و ما تبينها تعطيج كااااااااااااااااك
    و محول زيون حده عجيب اهي يوم قالتلي يطلع شرارة علبالي البنت تتغشمر و اهي تقولي حركي حركي لين يطلع شرارة انا احركة و اطالع الاب توب يشحن و لا لأ ما وعيت الا شرارة صجية و الله صجية و لا لونها ابيض مثل ليت النيون و طلع صوت تصرقعت بمكاني و نطيت و يوم وخروا البنات عن الكرسي الي احنل فيه حسيت ان احنا مصدر خطر عليهم الحمد لله ان ما تكهربنا
    بس هم وناسة زيون يبي محولج وايد معاج لا تغيرينه مسويلنا اكشن لوووووووووول

    و الكتاب يبيلة نشتري و الله خوش مرجعبس احلى ما في الموضوع ان دار علينا كلنا
    و يبيلة نقول شكرا زيون على الكتاب و الاكشن
    و شكرا خاتون على النقل السريع للمدونه

    ردحذف
  20. كل عام وانتي بخير حبوبه :)

    وخوش رحله وصور ماشاءالله .. بس احساسي يقول ان السايق ابتلش فيكم لووول

    والرسمه نايس مبين الشرح شي شي .. موفقه يارب :)

    وزين حبيتها ههههههههههههه سلمي عليها :))

    تشكرات خيتوو :**

    ردحذف
  21. أم أحمد المصرية...
    يا أهلا و سهلا البوست منور بوجودك
    ما يوحشكيش غالي يا حبيبة ألبي
    أصلا أنا أفتتحت المدونة علشان أفكر
    العالم بطعم المرح و الفرح ...
    و د.خاتون من بوأك لباب السما :)
    دمتِ زائرةً محببةً على قلبي ^.^

    ردحذف
  22. ابتسم^_^...
    وعليكم السلام و الرحمة
    يا هلا فيج و إن شاء الله أصير دكتورة
    و اعزمكم على الحفلة*_^
    الحمد الله أنه اله رزقني صديقة نفس زيوون
    تخاف علي لا احترق بمحولها الحول هههههههه
    لقاءج الطيب عزيزتي ~*~

    ردحذف
  23. صوت القطوة...
    و ينتقل لي المايك ~خاتون~ تتكلم
    عادي دخلي النت وقت الامتحانات باجر وراي
    مد تيرم<<أشكره أأرخ لنفسي لوووووول
    أنا أقول أنه موقفي بكريبو يدل على أني أنسانة ايجابية لأنه من حقي أطلب الكوب اللي أبيه و أستخدمت حقي لا غير P:
    Be open minded
    أقول حجية لاتشجعين زيون على الدمار خو أهي خاربتها خاربتها علميها تهم بشروط الأمن و السلامة اللي عمرها ما طبقتهم
    شكرا زيوووووووون...و حياج الله قطوتنا دائماً ^.^

    ردحذف
  24. Fishah...
    أهو من ناحية السايق كان منصدم الله العالم شالسبب!!!
    لووووووووووووول
    الله يسلمج يبلغ أفا عليج ...
    و حياج الله AnY T!Me
    ويلكمااااااات خيتو :**

    ردحذف
  25. زيد الزاد تتكلم :





    صوت القطوه

    كااااااااااااااااااااك
    وناسه حسافه ما تكهربنا ...جان الاسعاف يت شالتنا و صرنا مشهورين بالكليه



    ويدان ...عاشت عاشت ....شلون العطله !@
    ويدان ...على قولتج بلعب و بسبح و بقحص العلوم لي؛)


    خاتون ...اموووووووووووووووواه

    ردحذف
  26. زين الزاد...

    شهرة و انا محترقة ما أبيها لوووووووووووول
    دايمن تخحليني ..(اموووووووووووووووواه)
    ميزتج أنج دايماً تمسحين تكشيرتي و تلبسيني أعرض أبتساماتي ^_^

    ردحذف

حياكمـ،،،