مدونة خاتون...أول مدونة تتخصص في الكوميديا الواقعية بالشرق الأوسط *_^

تمنياتي لكم بالإستمتاع هنا

السبت، 16 يناير، 2010

~X~سوالف~X~

~*~السلامـ عليكمـ و رحمة الله و بركاته~*~

إن شاء الله كلكم بخيرو صحة و سلامة
عندي فاينلات ادعولي بودع مدونتي شوي بهذا البوست


يلا حياكمـ



كنابل(بطانيات) يشبون ضو


تقول لي الراوية أغاثا كما نلقبها
رحت لج ذاك اليوم الجمعية (السوبر ماركت) لأنه يقولون منزلين
خوش كراسي باخذ لي جم واحد حق طلعت البر
و آخذ العيال معاي ...
سفطت أغاثا ..أنزلت.. عتبت باب الجمعية
و إلا بدخلتها مع مرة عيوز عاد أغاثا تموت على شي أسمه سوالف أول
والعيايز و كل شي من التراث و الماضي
عاد تلاقوا عند مستلزمات البر و التخيم
CAMping StuFf
لغير الناطقين باللغة الفرنسية>>>يكون أنكت يعني
المـــــهــــــــمـــ
العجوز:ها يا بنيتي .. جنج ياية اتشرين غريضات حق البر
أغاثا:إي و الله خالتي
العجوز:يا بنيتي ..ليش يايبة عيالج وياج اللحين يشوفون
هالبقيات و اتشفق قلوبهم عليهم
أغاثا: بعد شسوي
العيوز:يقولج عاد ناس ماتوا و ناس حيو و صار و
استوى (قرقرقرقرقرقرقرقر)
أغاثا(بداخلها): شلي بلشني و يا هالعيوز ..لا حول و لا قوة إلا بالله
تعال فلان تعال فلان
العيوز :قرقرقرقرقرقر لي اللحين ...أي عاد سمعتي يا بنيتي
أغاثا :أي أي الحمد اله بعد شنسوي اي أي >>ما تدري شتقول

المهم تهرب أغاثا و تروح عند قسم ثاني عن طريق التسحب
لكن هيهات هيهات لا مفر
و تتلقى مع العيوز مرة ثانية

أغاثا(بقلبها): هووووه ما نخلص يعني اليوم
العيوز: ها أنتي هني عاد أقولج ......قرقرقرقر
أغاثا: حجية يقولج في هناك ذااااااااك القسم أقول تشوفينه
العيوز: أي ها وين؟ أيــــه
أغاثا: يقولج في كنابل تخليج من الدفا تشبين ضو
العيوز:وين أهووووصج ..عيل من رخصتج يا بنيتي
أغاثا: Yes..Yes..Yes
bel!eve !cAn flY!
و من هذه الحادثة نستفيد أحدالطرق المئة
للهرب من العيوز اللي بالعة راديو
و شكراً




كشته بالكلية


باختصار هذا قروبنا كاشت بأحد حدائق الكلية اللي محد يقعد فيها
غيرنا فاستغلينا الفرصة و قلنا نسويلنا picnic
على قدنا و نتريق على هالجو و الخضرة و بالمرة نطلع من مووود الدراسة
و الحلو فيها أنها صديقاتنا اللي ما شفناهم من زمان شفناهم
و اللي مو حلو أنه أنا أنهز برستيجي
لأنه مو متعودة أشيل شي "بابا" حبيب ألبي مدلعني ما يخليني أشيل شي
و يو صديقاتي النحيسات شيلوني جياس جني حمالي لي درجة لمن شفت سيارة مارة
جان أتعومس و ألف ويهي علشان محد يشوفني و أهم غشيانين ضحك علي اهم متعودين أنا لأ

أهي أهي أهي :(

و الادهى و الأمر أنه الطاولة ما كفتهم و قاموا شالوا طاولة ثانية
مصنوعة من الحديد و حطوها يم طاولتنا صج يفشلووون الحمد الله أني ما كنت واقفه وياهم

امبدعين بدنيتهم ماشاء الله ...؛)



الكتاب




و محبوبي من الدنيا كتابي فهل أبصرت محبوباً يعارُ

أيا مستعير الكتب دعني فإن بإعارتي للكتب عارُ



الإغماء و الحريم

(1)

الأولى:

في أحد الأيام كنت زعلانة مع زوجي حسيت أني بالغت الكبرياء يا وخيتج و ما يسوي

المهم حبيت أراضيه بس بطريقة غير مباشرة فقلت

ما يبيلة خطة الإغماء اللي صارت نفس جودة حفظ الأموال تحت المخدة

لوووووووووووووول

المــــــــهــــــــــمـــــــ

و حاولت أطيح بدون ما أتعور فقمت مسكت واير التلفزيون اللي بالصالة اللي يم الدار علشان أتمسك فيه

و أطيح و أطق بريلي(برجلي) صوب الباب عشان ينتبه

المــــــــــــــــهــــــــــــمــــــ

يه وقت التنفيذ و ياك الموت ياتارك الصلاة

و أنا أحاول أنزل مو بس أنا اللي نزلت إلا نزل علي شي ثاني

و إلا و إذ بــــــ التلفزيون فوقي

لووووووووووووووووووووووووووووووووووووول


مسكينة بغتها طرب

جان يطلع ريلها يصرخ شصار شصار

و يها معترض "لا حول و لا قوة إلا بالله " شسويتي كسرتي التلفزيون

طبعا مسكينه أخنقتها العبرة من العوار و من الريل اللي يفكر بالتلفزيون و نسى المسكينه اللي تحته

لووووووووووووووووووووووووووووووول


(2)


اخرى تقول:

كنت مزعلة زوجي شوي فقمت قلبتها عليه و أنا اللي زعلت

و صرنا أحنا الأثنين مطنقرين قلت ما أبي أطول الزعل

فلجأت لحيلة الإغماء

كنت حامل لكن ضحيت شوي المهم طحت بنعومة و شويش علشان الحمل

و إلا تركض الخادمة ماما ...ماما

لا اخفيكِ سراً يتني الضحكة لكن أبيت إلا أن أكتمها و أطرف عيني لأرى النتيجة

و إذا به مسكين حايس و ما يدري شنو يسوي و يحاول يقعدني فلانه فلانه

المــــــــــــــــــهــــــــــــــــمــــ

سويت نفسي صحيت و الضحكة بتنفجر لكن أبلعها رغما عنها

و بدأت باتهامه انه أهو السبب في أغمائي فنسى الزعل

هههاهههههاهههاي ما يجيبها إلا حريمها



فديت قلبك و كلمن يحبك

يا ختي يا زين هالوي و هالضحكة

عسى الله أن يجعله من الذرية الصالحة و يعينه على بر والدينه و يطرح فيه البركة

و أيي اليوم اللي أخطب له فيه و أشوفه أحسن مهندس

"أشتقت لج كبر الكون بطة ضعيفة "


هناك 20 تعليقًا:

  1. السلام..

    موفقه يارب بامتحانتج..

    ياحليلها اغاثا الكويتي..

    وخوش بكنك ماشاءالله..

    ذكرتيني يبيله احترم نفسي واقرا ..

    وع الطيحه غشيانه الله يهداها مالقت الا اتل التلفزيون ماتعرف تفكر خخ..

    انا من الحين بتدرب ع هالحركات خخخ..

    مشكوره..

    ردحذف
  2. الأخت الفاضلة :: خاتون ::
    صباحك ود
    وبعد

    أتمنى لك التوفيق في الفاينلات ..

    وما شاء الله على سواليفك ..)

    رهيبة ولطيفة :)

    والله يحفظ لكم هالحلو هذا


    أصدق الأماني

    ردحذف
  3. السلام عليكم ..

    الله يوفقك بالفاينلات وشدي حيلك
    ...
    اوما اغاثا والعجوز هههههههههههه نكته واللهي

    وعليكم بالعافيه ع الكشته .. وناااسه والله
    ولو انها حوسه شوي هههه


    والحريم والاغماء .. إن كيدكن عظييييم
    شاطرات في التمثيل


    خاتونه .. سواليفك روعه حبوبه

    دمتي بخير

    ردحذف
  4. الله يسعدك دوم
    سوالف حلوة وتونس

    بالتوفيق يارب
    باقات ود وورود

    ردحذف
  5. الســـلام
    شخبارك خاتون
    العجايز يهبلون صح انهم اذا لصقوا ما فيه امل تفكين عمرك منهم
    حلوة تصريفة اغاثا *_^
    ما شاء كشته انما ايه والجو هالايام حلو
    الحريم ما ينخاف عليهم
    والله يخلي لكم هالزين الجميل ما شاء الله
    بالتوفيق بالفاينلات
    ^_^

    ردحذف
  6. زين الزاد

    كااااااااااااااااااك
    بوست يجنن ...
    يا لاة سوالفج يا خاتون ...:)
    شرايج بالمقلب الي سويته فيج كااااااااااااااااك
    شكلج زعلتي وسكيتي الجهاز
    بس لازم تتقبليين (من سوى سوي به ) على قولتج ؛)



    ويا لحاة يمعتنا و يا حلاة هالوجوه السمحه :)

    فديت بطه و لو بطه يا رب نفرح بعرسه ؛)


    أغاثا ( داهيه )

    ردحذف
  7. شكلهم بعض الناس بيصكون علينها بانجازاتهم ..
    من شاف هالكتب ...رحنا و طي



    زيوووووووووون

    ردحذف
  8. ياحلوها اغاثا ههههههههههه

    وخوش خطه مالت الاغماء .. كسرت خاطري ام التلفزيون :<

    سوالفج اتونس خاتووون :**

    ردحذف
  9. رورو الشخبوطة...
    و عليكم السلام و الرحمة
    يا هلا يا هلا بمن حبى و دبى
    و انارت بنور تعليقها المدونة
    العفو و شكرا على مرورج الراقي دوماً^_^

    ردحذف
  10. محمد سعد القويري...
    عسى الله يتقبل دعاءك الطيب
    و شكراً جزيلاً على الثناء
    على تدويناتي المتواضعة جـــداً

    ردحذف
  11. جنات...
    وليكم اسلام و الرحمة
    أغاثا أهي ديماجذي سوالفها تضحك
    و هاذي أذرب كشته غالباً الوضع أردى هههههههه
    عاد كلتا الحريم يصيرون لي من قريب جداً
    الأروع مرورج...أدام الله الخير على الجميع *_^

    ردحذف
  12. الغدوف...
    أسعدني و أسعدك بدول الجنة يا رب ^_*
    و حياج الله مدونتي دائما تأنس بكمـ ^_^

    ردحذف
  13. ابتسم^_^...
    و عليكم السلام و الرحمة
    أخباري أخبار الخير
    عاد أغاثا تحب العيايز لكن هاذي غير ههههههه
    و الكشته حدها عجيبة حياج ترى وايد قمنا نكشت خخخخ
    و لك مثله و يحفظ مزاينكم مع مزيونه ^_^
    و باي ذا وي الحمد الله خلصت فاينلاتي *_^

    ردحذف
  14. زين الزاد...
    ماشاء الله معلنه عن نفسج من أول التعليق باديتها كااااااااااااااك >>>لووووووووووووول
    أنا فهمت المقلب اليوم سويت اعادة لصق بيانات المج مع صوت القطوة و فهمت شالقصة مرة ثانية لا تفكرين تسوين مثل هالمغالب فااااااااااااااااهمة ترى عصبت
    و المرة الياية ا أرد مدة شهر p؛
    مرورج دايماً ينعنشني *_^

    ردحذف
  15. ترقبي مقروءاتي القادمة يازيون
    Play with the Best
    Die lie the Rest
    So watch it Up
    مو تحطين كلامي بالوافي علشان اترجمينه
    جاكتج مـــــو ؟*_^

    ردحذف
  16. Fishah...
    اهمـ شي أنه البوست عجب وحده
    دمها خفيف مثلج
    وإن شاء الله ما تكون كل
    التعليقات مجاملات و أصدق نفسي
    لووووووووووووول *_^
    حياج و بياج دوماً ^_^

    ردحذف
  17. ربنا يوفقك في الاختبارات إن شاء الله

    أما بالنسبة للموضوع فللأسف لقد تحسرت على حالنا و حالكم , فنحن عرب لكن لا نفهم بعضنا البعض :( إذا تكلم كلٌ بلهجته ,
    و للأسف فأنا أيضا أكتب بالعامية و لا أكتب بالفصحى ..
    ربنا يرحمنا برحمته .
    بالتوفيق إن شاء الله

    ردحذف
  18. TIMMY!!...
    الحمد لله خلصنا اختبارات
    سوف أزيد من اللغة العربية
    حياك الرحمن

    ردحذف

حياكمـ،،،