مدونة خاتون...أول مدونة تتخصص في الكوميديا الواقعية بالشرق الأوسط *_^

تمنياتي لكم بالإستمتاع هنا

الخميس، 4 فبراير، 2010

؟؟؟ليـش؟؟؟ أو ليشااات؟؟؟

~ السلامـ عليكمـ و رحمة الله و بركاته~

شلونكمـ ؟ شخباركمـ؟

عساكمـ على طاعة الله
و بالهنا و العافية متنقعين
ياللا صار وقت نخليكمـ شوي تتبسمون


ليش حطوا زل ؟

كعادتنا أنا و زين الزاد أخذنا نتجول بين مكاتب الدكاترة
بين تسليم هوم ووركHome Work و بين سؤالQuestion
المهمـــ يا محفوظين السلامة و إلا نلاحظ شي كدر خاطرنا ألا و هو
أنه الجامعة قرر تحط زل على الممرات اللي بقسم الدكاترة لأنه
الأرضية خشبية و تسويsqueaks و علشان جذي ضاق خلقنا لأنا كنا نحب هالصوت
و أكتئبنا مو عارفين شلون نوقف هالشي و أصلا ما في مجال فقررنا نستسلم للأمر الواقع
فقلت حق زيوووون "هاااا شرايج" و ألقيت نظرة شريرة على الطريج اللي لحد اللحين ما نفرش
و زيووون وافقتني فقمنا نمشي بخطوات سريعة رايحين رادين و على شكل دوائر
على كل الممرات اللي ما حاشها النفط (أي لم يطالها الزل= السجاد)
و ظلينا نسوي هالشي كاليوم لين أكتمل الفرش و قمت آخذ بنات بعد غير زيون إذا كانت مشغولة
و إذا أي أحد بيروح مبنى الدكاترة ما عندي مانع أكون مرافقة
وداعاً أيها الازعاج الطفولي البريء
حاولت أسوي أزعاج مع الزل بس ما ضبط يللا ندور بدائل
أي و صج في دكتور أجنبي شايب مسكين طلع يطل من مكتبه شسالفتنا علباله ضايعين هههههه


ليش طفلة هههههاي!!!!؟

كانت زين الزاد تمشي مع قروب من بنات خالاتها و خالاتها و فجأة يلتفتون و ما يلاقون "شوشو"
وينها وين راحت وي لا و مو معاها موبايل ألحين تعال دور وين بنلاقيها كله آخر الناس
و إلا تلمح زيون و "بشبش" مكان الاستعلامات جان تروح لهم زيون و تقولهم

زين الزاد: تكفون عندنا بنت ضايعة
رجل الاستعلام : شسمها شوشو الفلاني
فقام الريال و ما قصر ينادي بالمايك: الطفلة شوش الرجاء التوجه لمكتب الاستعلامات
هني زين الزاد حطت أيدها على راسها و نزلت راسها وقامت تضحك
و كل البنات و اليهال قاموا يضحكون
طبعا مال الاستعلاامات!!!!!!!!!>>>شالسالفة مو خوش عايلة
و يكرر رجل الاستعلامات:الرجاء من الطفلة شوشوأو من يجدها التوجه لمكتب الاستعلامات
و جلس رجل الاستعلامات لتلقف الطفلة الباكية
و في هذه الاثناء دخلت فتاة بسم الله ماشاء الله طول بعرض تعد طويلة جدا يبدوا من ملامحها انها بالثانوي
جان تقول: خير أنا شوش بغيتو شي
كاااااااااااااااااااااااااااااااااااااااااااك
هههههههههههههههههههههههههه
خخخخخخخخخخخخخخخخخخخخخخ
لووووووووووووووووووووووول
مسكين الريال أنصدم صدمت عمره كلش مو نفسة الصورة اللي رسمها
و طبعا هني زين الزاد ما مسكت نفسها غشت من الضحك من هول المنظر
و زفوا شوشو أنتي وينج دورنا عليج ما لقيناج
شوشو:شسوي مالي خلق امشي بسرعة
و تركوا الرجل المسكين في ذهول و صدمته
و الله العالم هل سيعود للنطق من جديد
لووووووووووووووووووووووول
طبعا مو أسمها شوشو أسم مستعار *_^ههههه


ليش أختار ما أبي ؟

هاذي مقلمة صوت القطوة مالت الجامعة >>>>صج فشيلة

المهم صوت القطوة لمن طلعتها من الجنطة جان كل البنات ينون عليها وااااي نايس كيوت

زين الزاد طبعا ما تقول جذي كيوت كول تقول وي يا حلوها و يا زينها شغل ما لأول

و اللي تقول اللا أنا الخروفة الوردية و الثانية تقول انا الزرقا و كلمن قام ينقي

جان تقولي صوت القطوة و أنتي ما نقيتي يللا اختاري

جان أعترض و أقول لاااا و ألف لاااا >>>اعصابج حجية

لا أخفيكم سرا أتهموني بالغرور و قاموا ينقون خروفه حقي

لكن أعترضت و برطمت قلت انا أن كنت فبكون الذيب اللي بالمقلمة جان أسحب كلامي

و أقول أنتوا الخرفان اللي بالمقلمة و أنا الي أشيل المقلمة

الكل بهاللحظة كان بيقتلني لكن كيفي

ماااااااااااااااااااااااااااااااااااااااااابـــــــــي

اللي يبي يصير خروفة خل يصير مابي يعني مابي يعني مابي >>> من صج يومها عصبت لوووول صج ياهل

ليش نرضى!!!


ليش نرضى بنصف التطور(طبعا ربع بس للتمليح) و الحضارة و العدل

يقولون لي أهلي اللي من دول خليجية أنتوا يا الكويتين طماعين شتبون أكثر من جذي

أسكت و أطالعهم

أسمع بالتلفزيون ناس يرفعون من شأن المشاريع و المنشآت اللي تحت عيونا و ندري أنها فاشلة و بالية

أسكت و أطالعهم

أسمع دكاترتي بالجامعة يقولون لنا حمدو ربكم أنتوا تدرون شكثر يكلف الراس فيكم جامعة الكويت

تدرون المبالغ الضخمة الي تنصرف عليكم جم تدرون و تدرون لو أنتوا بأمريكا و إلا بما ادري وين و ين..

أسكت و أطالعهم

و بعد سكوت دام و تفكير عميق و طويل و بعيد عن التحيز للشارع و الفقراء

أكتشفت التالي

أي بنظل نطالب بأفضل من جذي لأنه نصف الظلم عمره ما راح يكون عدل و لو رضينا راح يصير ربع العدل = العدل

آسفه الموضوع مبدأ شمعنا لمن الطالب ينقص عشر واحد ما يخلونه يدخل الجامعة اللي يبيها

و بعدين يطلبون منا نرضى و أهم نقصوا منا أعشار كثير

لمن يقولون أن الطالب الكويتي كرسيه أغلى من كرسي الطالب اللي بجامعة هارفورد

أقول لا جذب غلط لأنه لازم المدخلات تساوي المخرجات و بقوانين الرياضيات الحسبة تطلع غلط

مو أحنا اللي نهتم بالاعشار أقصد بالعشر *_^

و الغلط غلط ما ينسكت عنه و لمن باجي الدول أوصلت للي وصلت له لأنهم سكتوا

طبعا أكيد أحنا أحسن من غيرنا لأنه المنابر لنا مفتوحه و علشان جذي

ما راح نقطع الآمال

لأنه الكويت الأمل فيها كبير

و في حمل و غلط كبير كله علا عاتق الشعب لأنه

ما أخلصنا بعملنا .. لأنه ما دورنا طريج المال الحلال .. لأنه رضينا بالهدية(الرشوة) .. لأنه نخاف نجرح شعور وايد من طقة طال عمرك و نبههم على غلطهم يظلون بشر يرحمون على الاقل ممكن تقدر تحمي جم مليار من الضياع و توفرهم للأجيال القادمة

و هاذي الكويت و صل على النبي


يقول المثل الروسي:

إذا كنت ديكا فارفع عقيرتك بالصياح

أما إذا كنت دجاجة فضع بيضتك و اصمت


* أنا ما أفعل *

مع السلامة و مع الجمال الأزرق^_^

تعرف على شخصيات المدونة(معـ الصور؛)...

هناك 32 تعليقًا:

  1. لووووول استانس على مواقفكم :)

    هههههههههههههههههه تخيلت شوشو واهي داخله على الاستعلامات ,,

    الناااس اللي تقوولي طلبة العلوم كله درس خل يشووفونكم تكفيين خخخخ ،

    و مقلمة صوت عجيييبة من زمان شايفتها للحين ماغيرتها :p
    شحلاته الخروف كيوت ,, بس اسمه مو خوش خخخخ

    تدرين .. قبل كنت اقول ليش خاتووون ماتحط مقالات جاده في مدونتها .. بس الحين أأيدج .. تدرين ليش ؟

    تخيلت لو بعد 5 سنين تردين تقرين هالسوالف .. تصير ذكرى طيبه وجميلة :)


    ربي يسعدج ونستيني ؛)

    ردحذف
  2. مساء الحير عزيزتي

    خوش ليشات والله

    أحب هالسوالف

    عجبتني سالفه الكلية

    شكلج بالعلوم الأجتماعيه

    جني شفت هالزل هناك=p

    قواج الله

    ردحذف
  3. السلام..

    -وي زل ماحب امشي بجوتي وانتي بكرامه ع الزل خخخ..

    -شوشو ذكرتني باختي ورفيجتي باردين انا اوصل اخر المجمع عقب ارد لهم :\

    - اي تطور اي بطبخ اذا الجامعه من سنة الطفح ومايتغير شي فيها الا النسب تزيد يحطون تخصصات بس يذلون الطلبه ع المواد واكبر دليل كلية البنات و وتخصصي الاعلام و الفرنسي..

    اخر مستشفى من قبل اكثر من 20 سنه ..

    التغيرات كلها سلبيه وفاشله ..

    والمنابر مفتوحه ؟؟

    لعيال الفلوس واللي عندهم واسطه :\

    احنا لنا الله ..

    ومرسي..

    ردحذف
  4. أزال المؤلف هذا التعليق.

    ردحذف
  5. رووعة
    الله يعطيك العافية

    ما أدري أش علق عليه ؟
    أستمتعت بكل جزئية

    يسلمووو يا عسل

    ردحذف
  6. صوت القطوة تتكلم
    خاااااااااااااااااااااتون
    مو عيب عليج ناشرة خرفاني بالنت
    عيب عيب فضحتيهم
    هذا و انا اخشهم بجنطتي و احافظ عليهم القاج ناشرتهم ويح قلبي ويح قلبي

    بس الصراحة زين ما سوو لين افرشو الزل سببتو ازعاج موطبيعي و هذا مو يديد عليج انتي و زيون


    بس هم يظل ازعاجكم غير و حلو

    بالتوفيق
    و اترقب اليديد في تدوينج *_^
    *_^

    ردحذف
  7. السلام عليكم
    مساء النورة حبوبة
    يا للقهر حتى انا احب هالصوت لو اني بدل هالدكتور كان طلعت ودرت معكم الين ينفرش كل القسم :)

    لوووووووووووول يا حليها شوشو ابصم لك بالعشرة ما راح يرد يتكلم

    يا حليلها زيون انا مثلها شغلي مال اول *_^
    ههههههههه يا حليلك شكلك صدقتي انك بتصيرين خروفة
    طيب انا الخروفة الوردية ^_^

    لأنه الكويت الأمل فيها كبير
    الله يحفظ الكويت وانا متاكده بما ان انتو اهلها بتلاقون اللي يسركم

    وه بس يا ناس احب الاطفال

    الى اللقاء
    ^_^

    ردحذف
  8. لووووووووووووووووووول
    يا حلاة الزل ...؛)
    لزوم التسدح كااااااااااااااااااك





    اليوم يومي ...البوست لزيون فديتها ويازينها زيناه :)

    واي كليتنا تونس ...ويا حلاتها وهي فاضيه ...يوم 10 محرم ...ستجدون علامه ..علامة السكون ..انه بيتك ..بيت التمويل الاخضر ..كااااااااااك



    زين الزاد

    ردحذف
  9. Orkid1...
    ونسج الله بالايمان و طاعة الرحمن
    موزين الواحد يتخيل شوشو و أنا أكتب البوست و أتخيل قعدت أضحك يمكن حول نص ساعة لوووووووول
    صوت صامدة على مقلمتها و بعد عندها نوت نفس الاستايل لووووووول
    أي فعلا المقالات الادة ما راح تنفعني أنا على طول جادة لازم شوي اتحرر من قيودي و أأرشف للمستقبل
    ديما تسعدني زيارتج لأنج تهميني ^_^ Take care^_^

    ردحذف
  10. Ƒiona H. Al- Ƨharekh ...
    مساء الحيرات عزيزتي = just joking=
    مساء الخيرات عزيزتي
    مرورج اهو الخوش (لا بيني و بينج هذا زل كلية العلوم الخالدية مبنى واحد بس بيني و بينج لا تعلمين أحد ششششششش p؛)
    الله يقويج
    و حياج الله دوماً *_^

    ردحذف
  11. رورو الشخبوطة...
    و عليكم السلام و الرحمة
    تهقين نقط جواتينا و نمشي حفاي يصير ترى إذا سويتها و انتقدوني بوجه لج أصابع الاتهام
    (بيني و بينج ما اسويها بس حجي فمحد راح يتهمج رقدي و آمني P؛)
    يا سلام أنتي نفس وضعي بالمشي عدادج ضارب فوق ال300
    ما أقدر أضيف أكثر من التطرات اللي تفضلتي فيهم أخاف أبجي من الفرح
    ليش و جريدة آفاق مو مفتوحه للكل وجرايد أخرى أقل قراة منها مثل جريدة الوطن أظن مفتوحين لج منابرهم و إذا رحتي بلغيني عندي جم مقال لهم *_^
    Wish U the Best
    ويلكمـ ديموزيل ^_^

    ردحذف
  12. طموحة...
    الروعة بمرورج ^_^

    ردحذف
  13. الغدوف...
    الله يعافيج حبيبتي
    ماله داعي تعليق مرورج كفاية
    و الله يسلمج يا عسل أيضاً*_^

    ردحذف
  14. صوت القطوة...
    عادي أنشر خرفانج محد يدري عنج منو ههههههاي
    أكيد تخشينهم بالجنطة سواد وي عيل انتي ياهل عيب عليج تروحين حق ولد أختج آخر شي يصير لج لوووووول
    حبيبتي يقولج مشتاقين حق ازعاجنا >>>اي يصير خير
    قلتي ازعاجنا غير و حلو هااااا عيل ترقبي المقلب اليديد على بداية هالكورس نيهههاهههاي
    اترقبي يديد التدوين و المقالب *_^ أعجبج*_^

    ردحذف
  15. ابتسم^_^...
    وعليكم السلام و الرحمة
    مساء النور و النوير و الخير
    تصدقين وناسة عاد الدكتور كبر يدي شايب عادي خل يدور ويانا هههههههههه
    انا كنت متوقعه انه ما راح يرد يتكلمك بس أنت الحين قطعتي الشك باليقين *_^
    خلاص ابلغ صوت القطوة انج حجزتي لج وحده هههههههه
    حبيبتي الكويت تقولج مشكورة ياذووق يا أصيلة
    عسى الله يعطيج من الاطفال 12 فما فوق *_^
    بحفظ الله و سلامته
    ^_^

    ردحذف
  16. زين الزاد...
    خو أنتي عادي كلشي يا حلاتهعندج بس ينفع لمن نتربع و ننطر شكلنا كان يضحك ذاك اليوم اهم شي اذا سمعنا صوت الهوا وقفنا على بالنا احد لووووووووول
    صج سلميلي على بوجسوم و لا تخلونه يطلع
    الحوش بدون جوتي و دلاق هالايام برودة و
    يفضل انكم ما تطلعونه بالبيت ادفى *_^

    ردحذف
  17. نمله النموله8 فبراير، 2010 9:02 م

    خاتووووووووووون
    خاتوووووووووووووووووووووووووووووووووووووووون
    خااااااااتوووووووووووووووووووووووووووووووووووووووووووووووووون
    انشق حلجي وانا اناديج ...
    ههههههههههههههههههههههههههههههههههههههههههه
    ترى انا فاصله ..
    خاتون الله يهداج مصورة الممر شحلاته ,,يهون عند الكافتيرياوالبراتقاله ام سجينه لو حاطته يسير دعايه انتحار ..هههههههههههههههه.
    مااوصيج صوري الادميه اللي صرخت عليج ع استبيان
    .
    خاتون وانا اكتب تذكرت اشياء : تذكرين يوم تنهاوش انا وياج وركض بممر الاحصاء تبي تشوفين تلفوني
    ههههههههههههههههههه. فشلتيني !!!!!!!!!!!
    اشتقت حق قفزاتج بالمشي

    افضل نمله بالدنيا

    ردحذف
  18. نملة النمولة...
    وناسة نملتي هنا شكثر اشتقت لج و اكيد
    اشتقتي لي دام مريتي >>> جكو
    يا الله يمعتنا الحلوة بدت تتعرض حق عواصف
    التحويل و التخرج بس أحنا لها راح نعيد بناء
    البيوت بعد استقرار الاعاصير بشكل أقوى و أحلى
    تصدقين نسيت هلسالفة مالت الاستبيان و الديكور
    خلاص علشان خاطرج بكتبها جم نملة مثلج عندي
    راح تبقين أكبر نملة و أحلى نملة حبيتها بحياتي دايما راح اتذكرج لمن أشوف أسراب النمل و يمكن توصلج أخبار مني عن طريقهم *_^
    و أيام الجري و التزلج و الوثب العالي
    راح تظل تذكاراتهم دايما في بالي ينفعوني
    وقت الشيخوخة *_^ ان عشت
    و أنا ما انقز أنا مشيي سريع
    و طايرة عن الارض من حبكم *_^
    U'R always going to be my Best Ant

    ردحذف
  19. افضل نمووووله فديتج والله اشتقتلج


    خاتون يوزي ترى شبعت مقالب منج يوزي عني احس لج تذكرين يوم تركضين دار مدار مبنى فايزة الاخرافي
    امبي يومها بدعتي


    لا يمه مو سواد وي يحلاتهم و الله


    اترقب تدوين بس و مقالب بلييييييييييييييييييييييز

    ردحذف
  20. طبعا عرفتيني ماله دا اقول انا صوت القطوة

    ردحذف
  21. نمله النموله9 فبراير، 2010 8:47 م

    تصدقين بدش موقع الجامعه الجميله بسجل موادي السعيده
    لا شعوريا والا انا بمدونتج
    هع هع هع
    قاعده اطالع وافكر
    امبيه احس متنحه مع شفاحه الشعب والمقاعد
    عموما انتهت العواصف
    واستقرت الاوضاع لاتخرعيني اروح اكدش روحي ملابس عشان مااطير <<اثقل الوزن *_^

    هع هع كشفت ضحكتج
    هع

    ردحذف
  22. لوووووووووووووووووووووووولزْ..
    خلآص بنفجر ..

    مت من الضحكٍ ع الطفلة العوووووووودة :p


    و ممر الكليةٍْ
    وآي يآشين الزل ثقيل طينهْ لامشتي فيه مايجاملً
    لوووووووول يعني مايونس ..
    بس مالومهم والله شغاليْنٍ تقحيص عندهم o-O

    والخروفه . وآي انا من شفت رسوم ذآ شب ع
    ام بي سي 3 وانا زآد تقديري للخرفان لووولز

    ويعطيييييييج العافيه
    خذيتي فيينا اجر :)

    اي صجْ :$
    ابشّرج جبت بيبي لوووووول
    غيرت مدونتي
    http://oxjen-h.blogspot.com/

    اتشرف فيجْ ياغلاتي

    ردحذف
  23. صوت القطوة ...
    ذكرتيني تصدقين بجم موقف

    نملة النمولة...
    موقع الجامعة يعل لاعت جبدي ماني
    مسجلة و خل يستانسون
    أما بالنسبة للملابس أنا ملاحظة
    أنه عندج رهاب من البرد تلبسين وايد *_^

    ردحذف
  24. نبراس...
    حياج حبيبة قلبي و الحمد لله يوم أني
    ضحكتج و ساعدت قلبج بشوية تمارين
    فعلا الرسوم يونس أنا و أبوي أنتابعه
    احيانا ههههههه
    على البركة البيبي و عسى الله يطرح فيه البركة
    و يجعله من الذرية الصالحة و يرزقج بره ^_^
    سررت باطلالتك ^_*

    ردحذف
  25. زين الزاد

    ابتسم
    فديتج والله....

    ردحذف
  26. السلم عليكم ..

    هههههههههههههه والله عليكم سوالف موتتني
    من الضحك ..

    اهم شي شووشو ورجال الاستعلامات
    تخيلت الموقف ^_^

    ردحذف
  27. جنات...
    وعليكم السلام و الرحمة
    ضحكتج أهي غايتنا حبيبة قلبي *_^

    ردحذف
  28. هذا الدكاترة بكل مكان نفس الشي :D

    ردحذف
  29. الأخت الفاضلة :: خاتون ::
    تحية عطرة مباركة
    ثم
    ليش أو ليشات ظريفة وخفيفة ..)
    لا تخلو من الشقاوة ^_^

    قلمك قادر على رسم البسمة وأكثر ..

    استمتعت كثيرًا بقراءة هذا النص ..)

    ودمت بود

    ردحذف
  30. محمد سعد القويري...
    حياك الرحمن أخي الفاضل
    رضاكم عن النص شرف لنا

    ردحذف

حياكمـ،،،