مدونة خاتون...أول مدونة تتخصص في الكوميديا الواقعية بالشرق الأوسط *_^

تمنياتي لكم بالإستمتاع هنا

الأحد، 30 مايو 2010

**We R a FaMily**

~ السلامـ عليكمـ و رحمة الله و بركاته~

دمتمـ و دامـ الخير مسعاكمـ


الفاينلات على الأبواب و بدأ وقت شحذ السيوف و تسرج الخيل
و سوف نهزم فاينالا فاينالا لن يهمنا حتى لو اضطررت أن أصارع إثنين في آن واحد
لن ندخر جهدا و لن نألو جهدا


Let me heAr YouR voice people
sAy
wE cAn DO iT
wE wIll roCK U
OuT oF My wAy

أتركمـ مع اسرتي

يخاف من ظله

في سهرة مسائية بناتية قررت جنجر أنها تزودنا بالمؤن More of Snacks فراحة باتجاه غرفة الثلاجات

و إلا فجأة نسمعها تصرخ ... آآآآآآآآآآآآآآآآآآآآآآآآآآآآآآ
أههيييه (هذا صوت تطلعه لمن تخاف و تقلب عينها جنها تبجي)
فكلنا قمنا ركضنا نشوف شنو صار علبالنا حرامي أو شي خطير
جان نلاقيها
تضحك و تقول: ما في شي
جان نلزم عليها و
نقول لها :مو بكيفج تخرعينا بعدين تقولين ما في شي
جان تقول : هووووهوووو لمحت ظلي جان أنط و أصرخ علبالي يني (جني) لاحقني

طبعاً بعدها متنا من الضحك عليها
فجأة عاد جان جنجر توقف
و تقول: توني فهمت شنو معناة اللي يخاف من ظله
طلعت أنا
ههههههههههههههههههههاههههاااي
مسكينة يا جنجر تكبرين و ما تنسين




!!كسر بالرجل !!

تمشي جنجر في أمان الله بصحن من الفلين يحوي دجاج ساديا يكسوه الثلج

فجأة تسمع هذه المسكينه اللي كله مخترعة و مخرعينها صوت شي يكسر لكنه قريب جدا منها و لا شيء حولها فدب في قلبها رعب من صوت الكسر العالي و لاأحد حولها ... فلوت رجلها و حست بالتواء فتاكدت أنه صوت قدمها فقامت ترجف و عرفت أن ريلها انكسرت

(أهي من النوع اللي يتوقع الفلعة و البلاوي )

لكنها لمن طالعت ريلها( رجلها) أكتشفت انها سليمة و من الخرعة اهي اللي لوتها و أصلن ليش تنكسر أهي قاعدة تمشي عادي لكن الصوت المرعب هذا جاي من وين ؟؟!!!

فقالت يمكن من وراي فقامت تلتفت شوي شوي و بطرف عين جان تسمع الصوت مرة ثانية و تنط من الخرعة يمااااااي وااااااي

و من الخرعة قامت تضغط على الدجاج اللي بيدها و قامت تضحك عرفت أنه الصوت طالع من الثلج اللي قاعد يتكسر من على الدجاج و أهو اللي مسوي لها الرعب هههههههههههاي

المشكلة و الميزة في هالبنت أنها تخرع نفسها و تضحك على نفسها يعني أهي مصدر الرعب و الضحك لنفسها

سندريلا

كلنا نعرف سندريلا و فئران الناطقة و الليلة الاسطورية و الساحرة و الحذاء الزجاجي و مرت أبوها و بناتها درية و نفيسة و معاناتها و الكنس و الطبخ و النفخ
طبعا أنا طلعت مصادقة سندريلا و أنا ما أدري
في ذلك اليوم تحكي لي صديقتي صوت القطوة
كيف أصبحت سندريلا
تخبرني قائلة :
لمن كنت صغيرة كنت أنام مع أختي في نفس الدار فيعني ثنتيناتهم كانوا يهتمون بترتيب الدار و نظافتها و بما أنه أخت صوت القطوة كانت كبيرة و ما لها خلق تسوي هالأشياء و صوت القطوة كانت صغيرة و بسرعة ينقص عليها خطر في بالها فكرة شيطانية ألا و هي
أخت صوت القطوة: صوت القطوة شرايج تصيرين سندريلا
صوت القطوة:هااااااه ، وناسة شلون
أختها: هاج هاذي المخمة كنسي الدار و راح تصيرين سندريلا
صوت القطوة: أممم ، إن شاء الله <<< بكل براءة الطفولة

و ظلت المسكينة سندريلا أقصد صوت القطوة ترتب و تنظف ...و ملت و لا طلعوا لها الفيران و لا الساحرة و طبعا كان الزمن كفيل أنه يخليها تكتشف مؤامرت أختها نفيسه ، مسكينة أكبرت صوت القطوة و أهي حاقدة على أختها و تتوعدها انها بتسوي في بنتها اللي سوته فيها

أي حيلج فيها صوت القطوة يريها من عنقوصها و خليها ترتب بيتج خخخخخخ

مسكينه يا سندريلا مش حتروح الحفلة *_^

دجاجة بستت أرجل
قبل فترة أبوي قاعد جان يلتفت علي و يقول لي
بابا : تخيل دجاجة بستت أرجل
انا:هووو ، شلون يا حافظ يصير
بابا: أي و بروح بعد شوي أيب وحده
أنا : لا يبا أخاف مهجن مو زين يضر بالصحة
بابا: لا بروح بيبهم و ما راح تقعد بتاكلونها يعني بتاكلونا اليوم امكم بتسوي عليها طبخات
أنا: لا ما يصير هالكلام انا بروح أقول حق أمي عن المضار و ما راح تسوونها
بابا: أنا عاد بروح اللحين أيبها
عاد لهيت شوي جان يدخل أبوي
و إلا بيده دياي (دجاج) ساديا
أنا: هااا وين الدياية اللي بست ريوول
بابا: كاهي
طلع قاعد يقول لي صيغة الدعاية و اللي يسمعها بالراديوا
و عاد هب فيها هبة كل ما شاف أحد حب يطفره يقوله
" تخيل دجاجة بستت أرجل"




الوراثة
زيوووون أنتي طالعة على منو سؤال سألته لزيووون
قلت لها أكيد على أمج جان تقول لأ بس أنا أقول أي
فقد جاءنا الجواب التالي من خلال حديثها
تحكي زيون عن أمها في المدرسة و تقول :

أمي علت قلب أمها كانت معقده المدرسات بإجاباتها
أنا :شلوووون
زين الزاد:أنا اقو لج ، الله يسلمج أمي مرة زار صفهم موجه و سأل سؤال
الموجه: مين تطلع تكتب على اللوح سبعمائة و خمسون
أم زيووون:أنا أنا أستاذ
الموجه:اتفضلي يا بنتي
أم زيون :أستاذ سبعمائة و خمسون يعني نص و ربع صح ؟؟!
الموجه: ........!!!!!!.......... <<< مسكين سكته قلبية

...و مرة سألت المدرسة من أين يأتي البترول و كان أبو أم زيون يشتغل بالنفط فجاوبت أم زيووون بكل برائة من انابيب البترول أتوقع أفحمت المدرسة هههههههاي

لا و ختمت زيوون كلامها لا أنا مو طالعه على أمي...

في 26-5 الفائت كملت زيون الـ22 سنة
و ضاق خلقها لأنها صارت عيوز فراحت حق أمها و أهي زعلانه و تتحلطم
و حطت أيد على رقبتها و إيد تحت إركبها في قعدة خضوع و تبجي تقول حق أمها
ليش يبتيني حق هالدنيا علشان أتعذب بهالدراسة و المواد الصعبة و أشقى و أتعب
..طبعا زيون و أمها نولدوا في نفس اليوم يعني يقطعون أشواط العمر مع بعض و يتشارركون في نفس الكيكة ..
فقالت لها جم صار عمرج ألحين زيووون
جان تقول: يما صار 22 سنه
جان تقعد ام زيون تبجي

جان تقول لها زيون يما شفيج <<< جنه السالفة صارت كلها جان و قلبت القصة فلم هندي المهمـــ جان ترد عليها أمها كبرتيني كبرتيني و تبجي (زيون أهي جعدة البنات عندها ) و قلبوها مناحة و يت زيون تبجي بجو عليها هههههههاي

أتوقع أمها سوت هالحركة علشان تخفف من ضيقت زيون لانها صج قاعدة تتعب هالأيام بالدراسة و المشاريع و البحوث.

و كل عام و أنتي أحلى وردة شافتها عيوني زيووون

I luv U as My soul

Keep on smiling at lest for me

أتركمـ أنتوا الحكم من خلال اللي تعرفونه عنها طالعة و إلا مو طالعة على أمها *_^؟

تعرف في هذا الرابط على شخصيات المدونة مع الصور ؛)

http://arshafa.blogspot.com/2009/06/blog-post_21.html


دربكمـ خضر ...

هناك 39 تعليقًا:

  1. كاااااااااااااااااااااك
    جنجر انتي مو صج
    الحين صدقت كلام خاتون عنج
    لووووووووووووووووووووووووووووول

    اي و الله سندريلا

    حسبي الله و نعم الوكيل

    اراويج في اعيالها خاشتها لهم

    بس لا سندريلا راحت الحفله

    الله يسلمج تكمله القصه

    كانت عندي لعبه طوولي و لابسه نفنوف مثل نفنوف سندريلا مال الحفله

    و انا كنت عصقوووله يوم كنت طفله

    قامت اختي و لبستني اياه
    و قالت هذا نفنوف الحفله مالج

    وانا مصدقه

    صج ياهل


    دجاجه بست اريول وناااااسه في شي اعقد اخواني فيه
    لوووووول

    زيون بعد عمري كل عام و اهي بخير ان شاء الله

    فديتها و الله

    تشبه امها 100%


    خاتون ولهت عليج حييييييييييييييييل

    موفقه *_^

    ردحذف
  2. صوت القطونه30 مايو 2010 في 7:06 م

    وناااااااسه انا اول وحده اعلق على مدونتج اقعد

    لا تحرمينا شوفتج بليييييييييييييييييييييز < لا تتعقدين ترى بالانقلش > الترجمه: رجااااااااااااااءً

    ^_^

    ردحذف
  3. ههههههههههههههه جنجر وش سالفتها مع الرعب والضحك
    انا خوفي عليها تجن فديتها ^^

    وزين الزاد مع امها اجوبتها ههههههههههههه
    قسم بالله رهيييبه .. عاد انا احب اجاوب اجوبة غبيه بالمدرسة عمدا عشان اجنن ابلاتي @_@

    ردحذف
  4. اشتقت لهالبوستات ..

    خخخخخخ يونسون البنات ..

    ام زيون الله يخليها لها بدعت بطفولتها خخخ والعمر كله لبنوتتها والله يوفقكم بامتحانتكم يارب..

    وتاثير الدعايات كبير وناسه من جذي احبها :)

    ومرسي :)

    ردحذف
  5. ههههههههههههههه جنجرروعه والله ..

    اما السندريلا واختها بموت عليهم من الضحك صوت القطوة اجل انتي السندريلا اللي يحكون عنها خخخخخ

    ام زيون وبنتها يهبلون والله .. ههههههههههههه

    الوالد الله يحفظه لكم دمه خفيف ماشاء الله ..

    افرحتي ارواحانا بعطاءتك الجميله .. الله يوفقك ويسعدك يارب .

    ومنتظره جديدك يالحبوبه.

    ردحذف
  6. ههههههههههههههههههههه

    ههههههههههههههههههههههههه

    وربي طحت من الكرسي خخخخخخ


    جنجر هذي رهيييييييييييييييبه

    ^.^ فديت بوستاتج

    ردحذف
  7. السلام عليكم و رحمة الله و بركاته
    جنجر يا ختي عليها و اسم عليها
    بس صج ضحكتني ....
    شكرا لك معجبيني و إن شاء الله راح أسوي مواقف أكثر بس عشان عيونكم.
    و إلي تبي توقيع تدق على 112 الرقم الجديد لـ777
    .
    أما يا صوت القطوة فها يا بنتي دير بالج من إختج نفيسة أخاف تييب درية و عاد إنتي إكليها.
    "مسكينة يا سندريلا مش حتروح الحفلة"
    لا تخافين إذا تبين حفلة فراح أسويها لج بس ها ترى سر.يعني سوربرايز بارتي حقج؟
    ألاه ودي أذوق الدياية أم ست ريول بس مابي ست أبي مادام.
    أما زيون فـ stop stop د22سنة إلي يسمعج صاك عمرج الـ100 سنة لو تسمعين كنتاكي شقول توني إصغير ما شاء الله عليه ماخذ عمره و عمر خيره قلبه خضر.
    أما أمج فهذه البنت من هذه الوالدة.

    ومع السلامةو في حفظ الله ^_^ (*)

    ردحذف
  8. "آآآ أههيييه" <ههههههههه ذكرتيني باختي
    موفقه فالفاينلات يارب

    ردحذف
  9. استمتعت جدًا بقراءة البوست
    كأني أشوف توم وجيري يتناجرون..
    يعطيج العافية

    ردحذف
  10. ياحلوج وياحلو سوالفج ;)

    اكسرت خاطري جنجر يعني مسوية خير "وتبي تزودكم بالؤن" جذي يصير فيها p;

    اما اخت صوت القطوة شرييرة ههههه
    بس يبيله انقص على اليهال جذي :)

    ردحذف
  11. الله ما تصدقيين اشكثر كنت ناطره أخلص الفاينل و احدر مدونتج واقرى بوستاتج ...

    يالله بالتوفييج لكم و إن شاء الله تخلصووون شراتنا
    (;

    لوووولز حلوة جنجر وحلوة سوالفها ...
    صوت القطوه حليلها والله ..لازم تنتقم من بنت إختها
    (;
    وكل عاام و زيوون بخير ..

    بلغييهم تحياتي :)


    دمتِ بوووود

    ردحذف
  12. لوووووووووووووول

    شكرا يا ام الفضايح

    جنجر...لا مو صج خخخخخخ كككككككككك لوووووووول
    هاهاهاها

    ابوج عجيب .....وانتي العيله ذابحتج :)


    شكرا لرواد مونتك على تعليقاتهم لموقف الوالده ..حبتكم العافيه


    ساندريلا ......ههههههههه انزين اتسوي فيج


    زين الزاد

    ردحذف
  13. السلام عليكم ورحمة الله و بركاته
    looooooooool >"< موفقة يا رب ربي يفتحها عليكِ

    يخاف من ظله صارت معي مرة هههه^_^ دمتي بخير

    ردحذف
  14. هههههههه
    بوست أروع من الروعة
    الله يسعدك دايم تونسينا
    وياقلبي على سندريلا

    سلمتي غلاي
    الود

    ردحذف
  15. مواضيع مشربكة مرة بس حلوة تحياتي لك

    ردحذف
  16. ربي يسهل عليج وGoOd LuCk

    حللوه سواليفج..
    وعسى أيامج كلها وناسه وفرح..

    ردحذف
  17. صوت القطوة...
    جالك كلامي عن جنجرووو
    و الحمد الله يوم أنج رحتي الحفلة ههههههههههه
    هاااا زيون ما تشبهين أمج ياج العلم اللحين
    توله عليج العافية
    *_^

    ردحذف
  18. لا تخسريني ردود كتبي حجيج برد واحد
    اممممممممممم ما عليه مقبولة منج الحركة و ترى فهمتها ؛d

    ردحذف
  19. صوت قطونة...
    لوووووووووووووووووووول توني انتبه صوت قطونة
    ليش قطونة روحي اتسبحي خخخخخخخخخخخخخخخخ

    ردحذف
  20. HeRmOsO ♥ ...
    اي و الله صاجة حتى امي خايفه عليها من هالشي بس أنا أقول اهي مجنونة خالصة هههههههههه
    زيووووون تحفة صاغها الرحمن من أحلى التحف
    عيل قلتيلي مسوية ازعاج أقول بس علميني وين تدرسين علشان أبلغ الأبلة و إن شاء الله محد يسوي فيني هالسوالف
    ^_^و حياج يا بعد شبدي ^_*

    ردحذف
  21. رورو الشخبوطة...
    تشتاق لج العافية
    ونسج الله بالايمان و طاعة الرحمن
    يو آر سو ويلكم
    *_^ حياج

    ردحذف
  22. رندا الجنوبية...
    حياج الرحمن و أدام الله ضحكة سنك
    و عسى دوم نستدر ضحكاتكم العذبة
    كل الود ^_^

    ردحذف
  23. متهورة بلطف...
    حبيبيتي و الله أستانست لوناستج
    و عساج دوم مستانسة و الضحكة مالية ويهج دنيا و أخرة
    حياج الرحمن
    ^_^

    ردحذف
  24. جنجر...
    قريت ردج و أظن انج محششة اذا ما خاب ظني
    بدلياتج لي الستار ترى وايد واثقة من نفسج
    تبي تسوي حفلة سبرايز تقول صدقيني يا صوت القطوة جني أشوفها مسوية الحفلة و مخترعة خخخخخخ خو عادتج ما تشترينها
    عيل قلتيلي هذا رقم التوقيع هههههاااهههااااي *_^
    في وداعت الكريم
    زورينا كل يوم بس غيري الصنف أوكيك *_^

    ردحذف
  25. Coïncidence...
    حياج الله زائرتنا الجديدة
    و ان شاء الله
    تلقين عندنا وساعت الصدر و الفرفشة
    ^_^ موفقة في مدونتج *_^

    ردحذف
  26. قلم و مساحة...
    توم و جيري ملح الببايات
    حياك الرحمن
    و الله يعافيك
    ^_^

    ردحذف
  27. BookMark...
    إلا يا حلو يياتج و طلاتج
    ونسج ربي بالعافية
    و ونسينا بضحكتج *_^
    و حياج الله دوم
    ^_^

    ردحذف
  28. سمو الأميرهـ ..ツ ...
    أقول بس يا بختي
    و يا حلو رمستج الايماراتيه
    وي فديتج و فديت الايمارات
    وا حلاتكم بس
    اذا في بدلايات بالرمسة طوفي خخخخخ
    يبلغ و الود موصول لج عزيزتي
    حياج او مرحبا الساع *_^

    ردحذف
  29. زين الزاد...
    وي فديت هالطلة البهية
    و فديت توأم روحي
    فديتج و فديت كلمن يحبج *_^

    ردحذف
  30. أبو حسام الدين ...
    الجميل حضورك
    حياك الرحمن
    ~*~

    ردحذف
  31. آلاء العساف...
    و عليكم السلام و رحمة الله و بركاته
    الحمد الله جنجر لقت من يآزرها في هذا العالم
    ضحكتك تسر قلبي
    حياك الرحمن
    ^_^ يو آر سو ويلكم ^_^

    ردحذف
  32. الغدوف...
    انت من أدخلت الانس على قلبي بمرورك
    الرائع عزيزتي ادام الله الانس رفيقا لك
    حياك الرحمن
    ^_^

    ردحذف
  33. أم الخلود...
    تحلى أيامك عزيزتي
    حياك الرحمن
    ^_^

    ردحذف
  34. !؟!؟...
    مرورج الاحلى
    و يجعل ايامج بعد سرور و فرح
    حياج الرحمن ^_^

    ردحذف
  35. عسى الله يطوّلكم بعمر الوالد. صج ضحكني عيّل ديايه بست ريول؟ ;P

    كل عام وزيون وأم زيون بألف خير إن شاء الله :")

    أنصح جنجر تسويلها فلم! ...قمة الكوميديا استانست عليها :")

    أما سندريلا فما قول غير يا ويل اختها من الله على اللي سوته فيها! ;P

    ردحذف
  36. حبيبتي انا اشتغل على قالب وحابه جد اهديج اياه
    وخجلانه منج لانو هذا اقل شيء
    اقدمه لحبوبه مثلج لكن وين ارسلج رابط التحميل بتعليق هنا يعني

    لج الغلآ

    ردحذف
  37. Seema*...
    ههههههههههههههههه
    ما ننحرم من هالطلة الحلوة
    و بصراحة بخاطري اشوف شنو سندريلا راح تسوي في بنت نفيسة
    و جنجر عندها ترى فلم اسم جكن رن ترى هالفلم يمثل كل معتقداتها و مبادئها خخخخخخخخخخ
    حياج الله عزيزتي
    ^_*

    ردحذف
  38. متهورة بلطف ...
    مشكورة أنت الحبوبة ما ننحرم من لطفج
    تقدرين تدزينه على ايميل المدونة موجود فوق و هذا اهو بعد
    arshafa@hotmail.com
    و غراسيس سنيورة *_^

    ردحذف

حياكمـ،،،