مدونة خاتون...أول مدونة تتخصص في الكوميديا الواقعية بالشرق الأوسط *_^

تمنياتي لكم بالإستمتاع هنا

السبت، 20 مارس 2010

فوائد الضحك بأسلوب خاتون

~السلامـ عليكمـ ورحمة الله و بركاته ~



و يتجدد مسلسل التبسم و الضحك هنا
و ذلك اني أحب سلامتكمـ
فوائد الضحك
(طبعا دون تفريط فكثرته يميت القلب)


نتيجة للضحك فإن الدم يبدأ بالتدفق نحو القلب و يشد على منطقة المعدة و يمكنكم الاحساس بذلك
و كذلك بالوجه و الرأس

كل هذه الحركة الدموية العنيفة تقوم بالمساهمة في تفتح شراين القلب و تخفيف من التوتر و الإرهاق الناتج عن الأعباء اليومية
و كما يسهم في شد المعدة مثله مثل التمارين و تفتح الذهن و ارتفاع نسبة الحفظ لأنه يدفع الدم لمنطقة الناصية التي يرتكز فيها القلق و التذكر و يساعد تدفق الدم للوجه بوجود حمرة بالوجه و نظارة كما يسهم في تقليل عوامل تقدم السن و يرفع من المعنويات مما يساعد في جعل الانسان أكثر انتاج و طاقة
و قد وجد الاطبه أن الضحك لمدة عشر دقائق يساعد المرضى الذين يعانون من مشاكل بالعمود الفقري و ألم
أنهم بامكانهم الحصول على ساعتين من النوم دون ألم .

و هنالك المزيد ولكن آثرنا الاختصار و البدأ بمرحلة العلاج



على بالي مت ؟؟؟


وصل خبر لزين الزاد بوفات الدكتور "فلان الفلاني"

!!!!

حزنت كثيراً زين الزاد و احست بأن كارثة ألمت بها فهي تريد أن تأخذ أحد مقرراتها عنده (صج شريرة بس تفكر بنفسها)

المهم زين الزاد شالت شلايلها و يللا وين >>> اكيد على مكتب الدكتور الراحل علشان تتأكد من الخبر

المهمـ... وصلت زين الزاد للمكتب

وطبعا رهبت الموت حستها بالمكان المهم بدت تطل بالمكتب المفتوح بهدوء و شوي شوي

و كانت الصدمة @@

ما عرفت شتسوي قامت تدور بمكانها من الصدمة تروح و ترد

و فجأة جاء صوت من خلف باب المكتب

تعالي تبين شي ؟؟!!!

طبعا زين الزاد ارتبكت و ماعرفت شتسوي غير أنها توقف

و ترد على الدكتور اللي قالوا عنه ميت

فقالت زين الزاد: لا ما في شي دكتور بس على بالي مت

الدكتور: هااااااا !!!،،(أنتبه الدكتور و رد) اها أي هذا دكتور بقسم ثاني و الموضوع تشابه أسماء

أنزين يا المينونة ما تعرفين تسكتين لوووووووووول

عاد "على بالي مت" مرة وحده و طبعاً كعادة زيون تركت الدكتور و لا كأنها سوت شي

ترى في طريقة ثانية للإجابة ألا وهي "سوري كنت مضيعة *_^"



في بيتنا جحا


بعد الغدا ... مع استكانة جاي بالزعفران ...و قعدة حريم و سوالف و مواقف قديمة سابقة

أمي : أي عاد يا جنجر كنت أنا وقتها عندي أنتي و كرماري يمي ،،،وي لا ما كنت بعد ولدت فيج

تقاطع جنجر والدتي

جنجر: يما ووقتها كنتي يايبة(جايبة) خاتون ؟

(طبعا أنا أكبر منهم كلهم)

أمي : هاااااااااااا!!!!!!، يا حبيبتي يا جنجر صج لي قالوا خواتج أنج جحا و مقصة ما ينلامون ما أقدر أزفهم بعد

خاتون: يما ليس على المجنون حرج

أمي: بس عاد خلاص أختج جحا مو مجنون

لووووووووووووووووووووووووول

بصراحة جنجر أنتي نكتت هذا الزمن و على فكرة جنجر عمرها 17 و بنت شاطرة دراسيا عبيطة حياتيا



الخروف البري ؟!؟


الله يسلمكمـ ،،، دخلت المحاضرة ... قعدت بالمحاضرة ... حاولت أشارك بالمحاضرة ... و المحاضرة عن>>>

طريقة التغذية و السلاسل الغذائية

المهمـ

أثناء الشرح و إلا تعرض الدكتورة سلايد (شريحة)

فيه أرنب يتغذى على سنجاب

!!! حاولت أستفسر لكن الدكتورة الله يهداها ما تسمع إلا صوتها

المهمـ

عدت السلايد و قلت يمكن خطأ مطبعي ... دخلنا السلايد اللي وراه كان فيه

نبات و النبات يتغذى عليه غزال و يتغذى على الغزال الذيب و يتغذى على الذيب الأسد

و طبعا مستحيل هالشي يصير أنه الأسد يآكل الذيب

فرفع ايده واحد من الشباب و سأل الدكتورة

الطالب: شلون يتغذى الأسد على الذيب ؟

جان تقول الدكتورة: لا ... هذا مو ذيب

الطالب: دكتورة انتي قلتي و الصورة تقول جذي

الدكتورة: لا أنا غلطت و هذا خروف بري

(طبعا الصورة صورت ذيب حتى اللي ما يشوف يشوف)

الطالب: خروف بري!!!؟

الكلاس كله بصوت واحد: خروف بري !!!؟

الدكتورة:أي... و اهي مقتنعة

الكلاس: بس شلون يتغذى الخروف البري على الغزال

الدكتورة: لأنه الخروف البري يتغذى على الغزال

الكلاس:ههههها

لكن فجأة سكتو لانه الدكتورة طلعت تتكلم من صجها و معصبة تدافع عن الخروف البري

لووووووووووووووووووووووووووول

يا جماعة الخير صج رحنا وطي و لا راح نتعلم صح

بس أهي الدكتورة و كيفها لمن تقول الخروف البري يتغذى على الغزال يعني يتغذا على الغزال لا تقولون ما قلت لكم




متأثر بالحرم




شوفو عزوز أخو النملة يا حلوه عسى ربي يحفظه يحاول يخم الماي و الرغوة اللي كاتينها اخوانه

شكله متأثر بالحرم جيكو شلون يخم بس شكله مراقب حركتهم اكثر من الخم

شوفوا شلون يدور حوالين المكان و بعدين يستعد حق الحركة الكبرا اللي بالحرم

لكن غلطته كانت أنه رافع المخمة لووووووووووووووووول

لكن أهنيك على هالروح الايمانية و الانضباطية يا بو العز ملك ما شاء الله عليك

أستمتعوا بالمشاهدة ^_^




و نلتقي فيكمـ في بوست قادم يرضي ذوقكمـ

و أتمنى ما أكون ثقيلت ظل عليكمـ و أكون مصدقة نفسي *_^

دمتمـ بحفظ الله و رعايته ^_^

هناك 30 تعليقًا:

  1. خوش بوست ماشاءالله منوع..

    خخخخخخ ضحكتني زين مو خوش موقف :\

    وحرام جحا ساعات الواحد يتنح ..

    ووواي الدكاتره لا يتحون ع معلومه صاروخيه خخخ..

    الله يحفظه يارب عزوز ولد اختي ماشاءالله علمته يكبر والحين يصلي يقلدنا يضحكني لما يسجد يوصل لي القاع ويحببها خخخ..

    ومشكوره..

    ردحذف
  2. نملة النموله20 مارس 2010 في 11:03 م

    نعييييييييييييييييييييما نزل بوست جديد

    صراحه زين الزاد مبدعه موتت الادمي !!
    اتوقع للحين يفكر بكلامها @@ .. ليكون تقصدين الدكتور محمد الوكيل؟؟!!!
    ..
    جنجر ضحك
    من صجها !! اصلن لو انتي مو موجوده جان للحين ما شافت الدنيا
    بس على فكرة امثالها كثر
    ..

    وسالفة الخروف يبيله اسحب شهادتها

    اللي بالابتدائي يعرف ويفهم يمكن اكثر منها
    (الله يعين الخروف البري دام دش محاكم وسار في احد يدافع عنه )

    ..

    اما زوزو وريته الفيديو اللي حاطته .. قاعد يضحك على روحه بس معترض يبي نونه معاه
    يتشرط

    مبروك ع النيولوك للمدونه
    وصراحه ودي احط الفيونكه بشعري تشوق
    see u later

    ردحذف
  3. ههههههههههههههههه

    موضوعك رائع وممتع..
    الله يعطيك العافيه .. وعساك على القوة

    عزوز الله يحفظه ويخليه لااهله يارب

    تمنياتي لكي بالتوفيق والسعادهـ

    ردحذف
  4. السلام عليكم رحمة الله و بركاته
    خلاص بس مو قادرة أمسك بطني المرة الأولى قيرت و فطست ضحك قريته مرة ثانية و همن ما مليت صج إبداع ودي أكون بهالمجموعة الفاقدة صج مو طبيعين و لا إلي تقول لا حسبالي مت عاد هذا حدث و لا حرج المرة الياية بجربها مع أبلتي و بشوف شنو راح تعطيني أنا متأكدة من إنها بتعطيني كف على ويهي و تقول عسى الله يطول بعمري شايفه نفسها هالأبلة لو تدري إنا الكل يدعي عليها جان ما قالت إلي قالته جني طشيت عن الموضوع شوي سوري بس جنجر خطيرة ...
    (ترى مداح نسه يبيله رفسه) ^_*
    لكن الخروف البري أنا من بعد ما قريت الموضوع و لي يومج مو قادرة المعلومة تدخل أنا بس ودي أعرف إشلون كملت الشرح و لا في قمة الأكيدة يعني واثقة من المعلومة يعني هذا بروحها يبيلها يعني شقول لا تعليق..^_^
    بس عزوز ما شاء الله عليه عسى الله يخليه لأهله و يكثر من أمثاله لو ولدي جذي جان عمري ما إعتزت حق خدامة لا أتغشمر يا حلوه المخمة أكبر منا إشلون شالها ما أدري خليها على الله .

    دوما إلي الأمام خاتونة القلوب يا رب
    و مع السلامةو في حفظ الله ^_^

    ردحذف
  5. *_^ صوت القطوة

    اولا ستايل المدونه عجيييييييييييييب بناتي وايد حلو

    و كل بوست احلى من الثاني بس هالدكتورة امبدعا في دنيتها خرووف بري

    امممممممم يبيله اظمه لي خرفاني كااااااااااااااااااااااااك


    و زيون بعد شنو تسوي الصدمه و ما تسوي لووووووول


    و جنجر هذي على كثر ما اسمع عنها ما اصدق انها شذي عطيها دروس بالحياه


    و عزوز ربي يحفظه نظيف الولد بعد شنو قاعد ينظف الركضة عجيييبه ذكرني بنملتنا لووووووووووووووول

    ردحذف
  6. هالبوست قمة الوناسه
    يسلمو ياقلبي
    استمتعت بكل شي فيه

    كل الورد

    ردحذف
  7. ههههههههههههههههههههه

    والله زين الزاد هالبنيه مصرقعه اجل
    على بالي مت ..

    اوما جحا ياحلوهااا مثل اخوي الصغير دايم يستعبط


    مواااقف طريفه خاتونه كثري منها
    ربي مايحرمنا من سواليفك الحلوه

    ردحذف
  8. بسم الله الرحمن الرحيم

    مبروووك على اللوك الجنان

    اما سالفة على بالي مت ضحكتك عليها مرة

    الله يعطيك العافية خيتو

    ردحذف
  9. رورو الشخبوطة...
    حياج الله حبيبتي و أهم شي انه
    البوست بالنسبة لج خوش
    و عسى الله يخلي لكم و يطرح فيه البركة
    و العفو ^_^

    ردحذف
  10. نملة النمولة...
    الله ينعم عليج
    أي تصدقين أكيد يفكر فيها بس اتوقع انها كانت له منبه حق الآخرة مؤجورة ان شاء الله زيوووون
    صدقيني جنجر مامنها أثنين أهي بدعة في لها خوافي أعظم و اجل ...لوووول
    فيج خير روحي لها وسحبي شهادتها لا تهجم عليج و تقرمج و تقول صمونة برية لووووووووووول
    خوو اضطراب بالتفكير
    ما اقول غلا يحلو زوزو و ياحلوج و أنتي وياه بالفيديو و سلميلي على اللي معترض و قوليله ما يصير *_^

    تبين أقص لج شو من الشريطة ترى تآمرين عليها *_^

    ردحذف
  11. رندا الجنوبية...
    حياج الرحمن
    و عسى الضحكة دوم و يا جعلها عند باب الجنة
    و ما قصرتي على المرور الحلو ^_^

    ردحذف
  12. جنجر...
    و عليكم السلام ورحمة الله و بركاته
    لووووووووووووول
    المشكلة أنه شر البلية ما يضحك
    أهم شي أنه احنا فصلة و أنتي عيل شنو اسم الله عليج ؟
    تبين رفسة ترى ما عندي مانع جان بخاطرج هههههه
    يا معودة أنتي معلومات أردى من الخروف البري تدخل في بالج و إلا نسيتي الدورين و السرداب اللي في بيت الشجرة لووووول
    عزوز اسم الله عليه انسان مؤمن يحب النظافة
    و حياج الله كل يوم تعالي ضحكيني أنتي بدعه *_^

    ردحذف
  13. صوت القطوة...
    تكرا على الاطراء
    بس على فكرة لا تلوميني إذا اختفوا خرفانج لانه هالخروف مفترس و ياكل غزلان فما بالج بالخرفان لووووول
    زيون بدون صدمة جذي أهي كارثة جميلة
    و جنجر ما ينفع معاها دروس صدقيني أهي اللي معقدها بالرياضيات المسائل الحياتية لانه واقعية
    لو أقولج قصصي معها و مع الدروس اللي عطيتها ياها جان تطقين على راسج و تستسلمين هههههههه
    عزوز مبدع ياحلوه أشتقت حق هزاته بالمسنجر كله عافسني انا و نمولة هههههه
    حياج دوماً*_^

    ردحذف
  14. الغدوف...
    يالله حيها
    أستمتاعج و وناستج غايتنا عزيزتي
    حياج الرحمن ^_^

    ردحذف
  15. Kitkata...
    حياج الله حبيبة قلبي و أدام الله لنا ضحكة سنج
    و أفا عليج في كولكشن يديد بعد
    بما أني محاطة بهؤلاء الأشخاص المميزين و اللي يجلبون السعادة
    U R So Welcome ^_^

    ردحذف
  16. البرنسيسة ريماس...
    الله يبارك فيج
    زيون من أكثر البشر طرافة شفتهم بحياتي
    و الله يعافيج برنسيسة ^_^

    ردحذف
  17. نمله النموله1 أبريل 2010 في 7:30 م

    تكفين خاتون ابي اضحك
    ثم اضحك
    فاضحك
    حتى اضحك
    حايشني اكتئاب امتحانات وصداع نصفي
    من التفكير في مبدأ (لو ) هذا مبدا الله يسلمج خاص فيني

    تصدقين بعد حايشني قلق بالمعده ودوار بالكبد
    وزهايمر بالعين
    فمثل ما انتي عارفه محتاجه اضحك
    قبل لا يحوشني داء الخرف
    ..
    فتؤجرين على هالعمل الخيري الانساني

    ردحذف
  18. الأخت الفاضلة :: خاتون ::
    تحية عطرة معطرة
    وبعد
    ما شاء الله .. كل هذي فوائد للضحك :)

    تشابه أسماء :)

    مواقف طريفة وظريفة وخفيفة ..


    دمت في حفظ الله

    ردحذف
  19. صوت القطوة *_^4 أبريل 2010 في 7:33 م

    خاتون كنت اتجول في مدونتج كالمعتاد
    و طرت على بالي اغنية تحبينها حيييييييييل فقلت ما يصير احرمج منها

    "اليوم هده ليش الكوس ردونا .... رحنا المدارس و عند الباب ردونا"


    و بعدين دخلت اغنيه ثانية
    ترين ترين ترين..... ترن ترن ترن ( السنافر)


    بعد ما يصير احرمج من متعه الاستمتاع لهم


    كاااااااااااااااااااااااااااااااااااااااااك


    يالله متى موعد البوست اليديد

    ملينا من كثر ما نترقب


    نبي ما يوقف و لا يوقف

    ردحذف
  20. خاتوووووووووووووووووووون غاليتي

    وينج فقدتج

    ونااااااطره جديدج على نار

    طمنيني عنج يا عسى المانع خير

    ردحذف
  21. هههههههههههه
    خووش موااااقف .. ضحكتينــآ خـآتوون ..
    ويعطييه الف عافيهـ عزوز :p


    زين انه في للضحك فوائـد ^^

    تسلمين عزيزتي على هالبوست اللطيف ~

    دمتِ بسعادة

    ردحذف
  22. وايد حلو البوست خفيف ويضحك والله :)


    إشتقنا لكتباك لا تطولين علنا :)

    ردحذف
  23. النملة النمولة...
    أدري ناس حيت و ماتت و توني أدخل
    بس ما أقول إلا
    أبشري بعزج
    راح تضحكين
    و عسى الله يهنيج بالايمان و طاعة الرحمن حبيبتي *_^

    ردحذف
  24. محمد سعد القويري...
    حياك الرحمن
    أستاذنا
    و أدام الله السرور في قلبك

    ردحذف
  25. صوت القطوة ...
    ترقبي العقاب يوم الاثنين هذا
    و أنا الحين أعلنها Watch OuT
    ** ***** و** *****
    أنتي "بي بقايا"

    ردحذف
  26. Ƒiona H. Al- Ƨharekh ...

    حبيبتي ما تقصرين على السؤال
    الله يسلمج الموانع كثيرة بس ان شاء الله انها خير
    ما كان لي مزاج اكتب لأنه عندي:
    فاينلات
    استمرضت و طبت و استمرضت الحمد الله ،الله يحبني
    و تقارير و زيارات ميدانية
    موعد اسنان علشان اجيك نمو ضرس العقل
    اذا تبين بعد عندي *_^
    و قريبا بنزل ان شاء الله
    و حياج الله

    ردحذف
  27. ألوان التفاؤل...
    الله يسلمج و حيا الله هالمرور اللطيف
    و اسعد الله صباحك في كل خير
    *_^

    ردحذف
  28. كوكتيل...
    حلت دنياج عزيزتي
    و لا تحاتين أنا مليت من عدم الكتابة و ايدي بدت تحكني *_^

    ردحذف
  29. كاااااااااااااااااااااااااك
    لا هالبوست عجيب

    ضحكت لين قلت بس


    قواج الله

    زين الزاد

    ردحذف
  30. زين الزاد...
    ضحكاتج هي غايتنا
    فلا تحرمينا هالضحكة الحلوة *_^

    ردحذف

حياكمـ،،،