فــاصـلــــ،،، و راجعينـــــــــــــــ،،،
قصيدة أعجبتني سحرتني تقريبا منذ الللحظة الأولى من قراءتها
للشاعر ~فايق عبد الجليل~
بعنوان
~ممنوع نعيش~
دنيا يسردنيا عسر
يا بكم اللي ينكر
و باكر يعيش اللي يعيش
و باكر يموت اللي يموت
و أسمـ اللــه وحده ينذكر
هاذي الحياة
الواحد اقوى من العشر
و الألف يعادلهم صفر
لازم نعيش
لازم نشوف
و نمارس المد و الجزر
كل الشواطي اليوم بكت
خطت على الساحل شعر
لا تحزنـــــــــــون
باكر مراكبنا تمر
و يضحك رملنا و السدر
و أسمـ اللــه وحده ينذكر
ممنوع نعيش
لكن نعيش مثل القدر
نشرب قهر
نآكل صخر
و نحول الشوكة زهر
ممنوع نقول
لكن نقول
بكل حذر
الأرض محتاجه مطر
الأرض محتاجه مطر
و أطفال مدينتنا بكوا
تحت المرازم و الشجر
ممنوع نقول هذا>> صنم
ممنوع نقول هذا>> بحر
ممنوع نقول هذا>> جبان
ممنوع نقول هذا>> بحر
ممنوع نقول
حتى الكلام اصبح خطر
لكن نقول
نقدر نقول بكل حذر
الأرض محتاجه مطر
~~~
تصوروا ،،، قالت لي وحده من البنات أنه واحد من الدكاترة اللي خذيت عنده الكورس اللي فات و ظلمني بالتقدير(القريد)
أنه عطى واحد من الشباب اللي من فئة ثور و انهد على برسيمه و لا يدري الكرة مستديرة و إلا مسطحه
أعلى من قريدي و اهو طول الامتحان يحاول يغش مني و مسوي مصخرة بالكلاس
فلمن سألتها السبب شنو تتوقعون قالت
طبعا الدكتور أجنبي (سكوتلندي)
قالت: الله يسلمج،الشباب يرشونه
أنا: بشنو واسطه بعد ؟
قالت :لا يا حظي ببطل خمر
أنا: !!!!!!!!!!!!!!!!
استغفر الله ، و حسبي الله و نعم الوكيل
~ الله على الظالم و المظلوم له الله ~
دمتم منتصرين و إن كان لابد مظلومين غير ظالمين
~ في أمان الله ~
.jpg)
حلو الشعر ماشاءالله والله يرحمه يارب..
ردحذفوالله يعوضج يارب ..
شنهوووووووووو امبيه احنا وين قاعدين
ردحذفشنو هذا استعفر الله استغفر الله
عسى ربي يعوضج يا خاتون دنيا و اخر ان شاء الله
و الشعر حده عجيب تسلمين على النقل الحلو
و الله على الظالم
كانت معكم صوت القطوه *_^
الشعر من القلب الى القلب ,
ردحذفكلامه صحيح ,
اما بنسبة للدكتور , الدنيا عند بعض الناسر الحين..!
انعدم فيها الشرف والامانة وحسن الخلق
والاهم تقوى الله بالسر والعلن
خاتون , عارفه رايي طبعاً
بوستاتج لها طابع خاص بقلبي قداً قداً :d
لاعدمتج
الشعر عجيب
ردحذفاندمجت فيه
....
على طاري دكتورج العيب مو فيه العيب بالعاهات عيال العلوم
والا ناس ترش بخمر @@
شالسالفه !!!
الله يعينج عليهم مني لين تخرجين
شعر رائع وكلماته جميلة جداا سلمت يداك
ردحذفلاحول ولاقوة الابالله صاروا اغلب الناس لاذمه ولاضميرر
تمنياتي لكي بالتوفيق والنجااح
اولا السعر اكثير الحياة
ردحذفثانيا: نحن مازلنا في حاجه الي رايكم في رسائل القراء علي مدونة"دقات قلب بعد الخمسين"
بل بل !! لاحول ولا قوة إلا باللهـ =\
ردحذفلهدرجـة !! صدمة الصراحة !
الله يعينـج عزيزتي .. لعلها خيرة!؟ من يدري .. ولاتنسين دعوة المظلوم مستجـابـة ،، الله يعوضج بالاحسن يارب :*
أمـا الشعر رووعـهـ ، ومعبّـر ماشاءالله .. عجبنـي : )
دمتِ بسعادة وتفاؤل ~
الشعر :
ردحذفحلوو ولا تحرمينا من كتاباتجج
الدكتور :
استغفر الله !
السلام عليكم
ردحذفالشعر روعه
جزاك الله خير على النقل
...
اما الدرجات صدمة
مشكلتك مو بالدكتور مشكلتك بالمسلمين المتعلمين
حسبي الله ونعم الوكيل صرنا نحرص على الدرجات الفانية على حساب الاخرة
الله يثبتنا على الطريق الصحيح
ويعوضك ان شاء الله :)
بالتوفيق^_^
يعطيك العافية
ردحذفالكلمات جميلة ومعبرة
شكراً على النقل
والله يعوظك عن الدرجات إللي انظلمتي فيها بخير منها دنيا وآخرة
ولا تحسبن الله يغفل ساعة
ولاأن ما يخفى عليه يغيب
((ولا تحسبن الله غافلاً عما يعمل الظالمون ))
بالتوفيق يارب
رورو الشخبوطة...
ردحذفحياج الله عسوله
آمين يارب الله يعوظني
^_^
صوت القطوة...
ردحذفعاد أنتِ الله يعينج في عنده مقررين لازم تآخذينهم
كثر ما تقدرين بعدي عنه و الله يعينج
و مشكورة حبيبتي على التفاعل
و شعر فعلاً حده عجيب *_^
حياج دوماً^_^
نبراس...
ردحذفحياج الرحمن
و صاجه الناس بطلوا من موضوع الأخلاق
و تسلمين يا الغلا على الثناء *_^
نمله النمولة...
ردحذفشلونج نملتي أشتقتلج
و على طاري أندمجتي انا بعد قاعدة أردده لا و بألقاء صدعت روس اللي بالبيت أول ما قريته لوووووووووووول تبين أقرا لج لمن أشوفج نيهههاههاي
أي انا مسكينة الله يعيني اللحين المجتهد حتى ما قاموا يساونه بالكسلان قاموا يصنفونه تحته
See U later Alligator ^_^
رندا الجنوبية...
ردحذفحياكِ الرحمن
روعة مرورك تزيد من روعة مدونتي
عسى الله يجيرنا من هالناس و لا يبلانا فيهم
و بالتوفيق لنا أجمعين ^_^
قيس بن الملوح...
ردحذفلقد غبت كثيراً عن مدونتك أستاذي الفاضل قيس
و كل هذه البدليات تدل على أن أسنانك قد ذهبت أدراج الرياح ههههه
ساكون بمدونتك قريباً جدا و يسعدني الرد هناك ^_^
ألوان التفاؤل~...
ردحذففعلا أكيد فيها خيرة و زين
أنج ذكرتيني أنه دعوتي مستجابة
توصين على شي أدعيلج فيه *_^
يسعدني أتفاقنا على روعة الشعر ^_^
SHa3iRiYaa ...
ردحذفصاجه الدكتور
أستغفر الله!!!
حياج دوماً عزيزتي
ستكونين دوماً محل ترحيب
*_^
ابتسم^_^...
ردحذفو عليكم السلام و الرحمة
يجزيني و يجزيج الخير ان شاء الله
اي و الله ما فكروا بالاخرة و لا دروا
عنها كل همهم الدنيا
و بالتوفيق لنا جميعاً حبابة ^_*
الغدوف...
ردحذفمشكورة حبيبتي على المرور الراقي
و على التذكير الطيب
و بالتوفيق للجميع يارب
و حياج الرحمن
^_^
بسم الله الرحمن الرحيم
ردحذفالله يعطيك العافية على الشعر الجميل
اما على الدكتور الله موجود والله على الظالم
البرنسيسة ريماس...
ردحذفالله يعافيج حبابة
يسعدني مرورج برنسية ^_^
الشعر مرهـ حلو وكلماته فيها حكم الحياهـ
ردحذفوالواقع .. صح لسان قايلها
واوما الدكتور والشباب
الله يهديهم بسسسس
الله يعطيك العافيه خاتووووونه
جنات...
ردحذفحياج الله
و الحلوة طلتج البهية عزيزتي
^_^
قواج الله
ردحذفاختيارج للقصيده كان عجيب
*-*
تدرين شكثر فاقدتج
ردحذفاكبر من حجم السما
اكبر من بعد المدي
وين غطيتي عني
:**
Ƒiona H. Al- Ƨharekh ...
ردحذفالله يقويج عزيزتي
و العجيب الحلو مرورج*_^
الزين...
ردحذفيا بختي كاتبتي المفضلة مشتاقة حق ردودي البسيطة
الله يسلمج قصصج و كتاباتج حجمها كبير عندي فعلشان جذي أحب أخصص لهم وقت خاص و أكون فيه على رواء(رواق) و أتلذذ بقراءة اللي تكتبينه
و مازالت مدونتج بالمفضلة لكن بما أني غبت فترة فأبي أمر على كل شي
قريبا بتلاقيني حاشرة نفسي مرة أخرى هناك^_^
أهليين بالبعيدة القريبه ..
ردحذفحيالله الغااالية أخيراً نورتي من جديد ..
اشتقت لج .. :)
خاتون
أنا عكس كل اللي ردوا عليج على سالفة الدكتور ..
سؤال بسيط اللي عرفت ان الشباب مضبطين الدكتور ببطل شدراها ؟؟؟
شافت بعينها ؟ ولا سمعت ؟؟ ترى في فرق وفرق كبير ..
اذا شافت بعينها .. فالله المستعان وحسبي الله ..والباطل ولو انه استفحل لابد ويوم يهزم ..
و إما إذا سمعت فهي غلطانه و لا تنشر السالفة حيل ,,
أبوي الله يطول بعمره علمنا شغله مهمه في الحياة .. أن مانتكلم بشي ماشفناه ...!
سوري على الرد اللي حده داخل عرض .. بس نقطه بخاطري من اول ماقريت البوست :)
الأخت الفاضلة :: خاتون ::
ردحذفأسعد الله صباحك
وأيامك بكل خير ..
النص المختار جميل وأشكرك على هذا الانتقاء .. فبرأيي انتقاء موفق 100 %
"أنه عطى واحد من الشباب اللي من فئة ثور و انهد على برسيمه و لا يدري الكرة مستديرة و إلا مسطحه "
:)
هذي موتتني ضحك ^_^
وكان الله بعونكم
أعطر التحايا
"أنه عطى واحد من الشباب اللي من فئة ثور و انهد على برسيمه و لا يدري الكرة مستديرة و إلا مسطحه "
ردحذفأنا بعد .. فصلت على هالجملة ..
بالنسبة للدكتور .. الله ياخذ حقج منه
واما سالفة الطالب .. ياما سمعنا عن دكاترة وقالولنا عنهم .. بس لمن تعاملنا معاهم لقيناهم قمة في الأخلاق والذوق والأبوة..
^^
وجدان...
ردحذفأهلين بالقاطعة شخبارج وحشتينا
الله يسلمج الله قالت لي من فئة البنات اللي عادي تاخذ من الشباب نوتات و تتبادل و ياهم التشكي على الدكاتره
بس الدكتور بغض النظر عن نوع الرشوة اهو ظالم مشهور لأنه يبين من مغالطات في القريدات اللي يعطيهم للكساله و اللي يغيبون بالنسبة للشطار
و أبوج صاج لازم الواحد ما ينقل الشي بدون ما يتاكد
و بالنسبة للدكتور و كل اللي وياه بالقسم من فئة الظلام مشهورة قصصهم بس انا اللي طلعت جاهلة
حياج دوماً ... و نبي نشوفج قريب ^_^
محمد سعد القويري...
ردحذفأسعد الله مسائك
أضحك الله سن المسلمين و ابعدهم عن الهموم أجمعين
شكراً على المرور الراقي ^_^
she is me ...
ردحذفحياج الله عزيزتي دامت الضحكه الجميلة على المسلمين
و فعلاً في دكاتره ليسوا بأهل لأماكنهم
و في دكاتره ينحطون على الراس أبوه و أموه
و علم و أخلاق و توجيه و عسى الله يكثر من امثالهم
^_^