مدونة خاتون...أول مدونة تتخصص في الكوميديا الواقعية بالشرق الأوسط *_^

تمنياتي لكم بالإستمتاع هنا

الجمعة، 4 ديسمبر 2009

كل شـي(العيد)أي شي

،،،السلامـ عليكمـ و رحمـة الله و بركاته،،،
و بعد السلام يحلى الكلامـ

وايد صارت في أحداث هالجم يوم بس لوية الـM!d TermS حلت على جدول حياتي

فـالـ Stress is starting over

و ما قدرت أنزل بوستات منفصلة بس عن خاطري بنزل الصور الي صورتهم عن الحسافة
وايد صار أكشن هالجم يوم و تعلمت حكمـ وايد بعدين بنزلهم *_^

هاذي عفسة العيد


و هاذي عيدية غير شكل على قولة" دنيا أسعد سعيد "
و هذا الحسن اليوسفي بالعيد
هاذي ديرتي بالعيد الجو هالسنة بالعيد كان بديع و كله رحمة
ما بعد المطر

و هاذي شركة ككاو يابوها بكليتنا بمناسبة العيد "أنا مو من عشاق الككاو" لكن البنات حيل عجبهم و أسمه
"Crisp House"
تقدرون تختارون الككاو اللي يعجبكم و تدزونه للي تبون مع كرت أهداء حركه حلوة هذا موقعهم : http://www.crisphouse.com/

الوجه
الظهر

و هذا النوع الي شرته "صوت القطوة "و ذوقته للصبايا و كان خفيف و معاه جوكليت صوص

توقعته دسم بس عشاقه كانوا يقولون واااو باختصار

سين سؤال:بما أنه كل مدارس الكويت غابت الثلثاء و الأربعاء و الخميس و يدرون مسبقاً أن هالشي بيصير ليش ما عطوهم إجازة و ريحونا ؟؟؟!!!

لا و اليهال يوم الثلثا كل من مواعد أهله يآخذونهم الساعة 9 ص هذولا طبعاً الشطار اللي مداومين ليش مداومين ما أدري !!!

و قبل فترة سألت العزيزة "بنت جابر" عن كلمة كانت ترددها دايما بالإنجليزي فقالت : am very Sorry !

فقلت بأقتبسها و أقولها للعزيزات على قلبي قالوا لي نبي مدونتج تمثلج أكثر تكلمي فيها عن السياسة اللي تعشقينها و تتنفسينها

تكلمي بأسلوبج الثقافي اللي نعرفج فيه

am very Sorry !

ما أقدر أنا هني بس أبي أسترخي و أسخر هالجانب اللي يحب اللعب و المرح من شخصيتي في هالمدونة و ما أقدر أوعدكم لكن علشان خاطرج بحاول أفتح لي مدونة ثانية تذكرج بخاتون السياسية و اللي تآكل الكتب *_^ و ما يصير خاطرج إلا طيب

*و مسج توه يايني من زيون فديت قلبها حده عجيب فحبيت أشاركم فيه:

ليس تعبا في حفر الأرض ،لكنه تعب في حفر الكنز..

Catch your dream and run with it there is time

~و في الختام~

تعرف على شخصيات المدونة(معـ الصور؛)...

هناك 22 تعليقًا:

  1. السلام..

    موفقه يارب بامتحانتج ..

    وبالعافيه الاكل ..

    بس السايت حاطين كل شي الا السعر يقولون اتصلوا عشان تعرفونه عادي اتصل الحين عشان يتادبون ويحطونه خخخ ..

    و ميولج سياسيه لا حرام بتضيعين شبابج :\

    وبس ..

    مرسوو..

    ردحذف
  2. يعطيك العافية يارب
    فعلاً قالب المدونة المرح الخفيف هو الألطف
    أو بمثابة واحة استجمام

    أوففف حتى انتم طلابكم فالحييين وما خذين اجازهم من روسهم
    ترى من زود الفلاحة عندنا مأجزين من يوم السبت والعذر رايحين الحج يبون يستعدون راعي الحملة ما ينتظر أحد !!
    على بالبي الفلاحة عندنا بس P

    ورودي

    ردحذف
  3. ياحلو العيد بس السنه هذي ماعشته صح

    لان نومي كان خربااان :(

    والزم ماعلى الواحد وناسته

    والواحد شنو ماخذ من هالدنيا

    عيشي كل يوم بيومه واستمتعي بكل لحظه

    ويعطيج الف عافيه ..

    ردحذف
  4. ألو....السلام عليكم و رحمة الله وبركاته
    الله يالأكل شهيتيني إمممممممم
    و ممكن عيدية بس أبي أكثر وحدة أبي عشرين دينار دينار ينطح دينار$
    و من الناحية السياسية ليش لا حلو أن ينوع الشخص بين إهتماماته ولربما يدخل أحد السياسيين على المدونة التي يمكن تفتح قريبا و يأخذ في كلامج و نغير الكويت و نرجع عروس الخليج ونكون إيد وحدة ونقف في وجه الصعاب بمساعدة السواعد الشبابية مثلج طبعا .
    و ختاماإن شاء الله موفقة و إلى الأمام دوما.
    و دمتم في ألف خير ^_*

    SMILE ^_^ and don't forget(have fun)1

    ردحذف
  5. مشالله خوش صور تونس

    يعطيج العافيه اختي

    قواج الله

    =)

    ردحذف
  6. السلام عليكم اشلونك خاتونتي الحلوة اجاثا تقولج dont worry honeyوالحلويات اشوة اني اول من ذاقها وبالنسبة للتنويع انا اقول خليها خفيفة وحلوة جذي ولاتدخلين السياسة كافي علينا بوعيدة

    ردحذف
  7. الأخت الفاضلة :: خاتون ::
    كل عام وإنت بخير
    وعيدك مبارك
    وعساكِ من عواده
    ^^^ معليش متأخرة إشووي ^^^^

    وتدوينة لطيفة خفيفة
    كما عودتنا خاتون بأسلوبها الممتع

    تحياتي

    ردحذف
  8. خاتون ترقبي المفاجأ غدا باذن الله تعالى
    و على فكرة شهيتينا بالصور يمي يمي وين النمله تحب هالسوالف

    و اترقب مدونتج اليديدة على احر من الجمر اترقب خاتونية السياسة و على قولة جنجر يمكن ترد الكويت عروس الخليج


    صوت القطوة

    ردحذف
  9. السلام عليكم
    انا اعيش نفس حالتك حلت الاختتبارت على جدولي
    وعندي ميد تيرم يوم الاربعاء
    دعواتك ^_^
    .
    .
    يوه يوه حتى انتو اللي بالمدرسة يعطون نفسهم اجازة يومين قبل الاجازة الصدقية
    وانا احسب بس احنا *_*
    .
    .
    ما شاء الله عيد ومطر الجو هالايام خيال
    .
    .
    بالعافية عليكم الاكل كورماري سوت شيء من هالاطباق
    .
    .
    الله يوفقك ويسهلك الاختبارات
    ^_^

    ردحذف
  10. رورو الشخبوطة...
    زائرتي العزيزة *_^ و عليكم السلام و الرحمة
    الله يسلمج على الدعوة
    و بالنسبة للأسعار خلاص أسئل صوت القطوة أحطهم هنيه :) و ما يصير خاطرج إلا طيب ؛)
    شسوي السياسة تجري بدمي مجرى الدم بالعروق
    لكن ماخذه بريك ^_^و فديت الطلة

    ردحذف
  11. الغدوف...
    خلاص مدام الغدوف قالت المرح أحسن إذا يعيش المرح يعيش ...و الفلاحة و الشطارة وحدة بدول الخليج و لله الحمد هذا اللي توحدنا فيه الحمد الله في شي يجمعنا فضلاً عن النسب*_^

    ردحذف
  12. Mohammed...
    نصيحة راح أخذ فيها
    كل يوم بيومه ...و على قولة تمون و بومبا أضربها طبنقا
    و الله يعافيك و مرحبا بك

    ردحذف
  13. جنجر...
    ألو ..وعليكم السلام و الرحمة
    أنتي بالذات ما في عيدية أنتي اللي لازم تتصدقين علينا أنتي الغنية
    أما النصيحة السياسية فضحكتيني وايد
    بس إن شاء بالمستقبل راح أسعى لرقي بلادي الحبيبة و تطويرها و إن شاء اللهمحد يربطني و إلا يرقع الباب بوشي
    و شكراًعلى الدعم

    ردحذف
  14. Faith ...
    U R welcome
    و الحمد الله أنهم عجبوا متذوقة مثلج
    شكراً^_^

    ردحذف
  15. اجاثا...
    و عليكم السلام و الرحمة
    لقد أنارت المدونة و استنارت
    على قولتج ...عقدتج بوعيدة *_^
    حتى أحنا عندنا صوت بوعيدة يصدح *_^

    ردحذف
  16. محمد سعد القويري...
    و كل عيد و أنت بخير و على طاعة
    شكرا على الإطراء :)

    ردحذف
  17. صوت القطوة ...
    أنا هالمفاجأة معذبتني بشوف شنو
    تاليتها بس مدام مو مقلب فقبول
    و الله المستعان ... إن شاء الله بحيل الله ترجع الكويت لعهد الإنتعاش و ترجع لعقود الذهبية ^_*

    ردحذف
  18. ابتسم^_^...
    و عليكم السلام و الرحمة
    عسى الله يوفقج في متحاناتج و يسهل أمرج آميـــــــن
    الإجازات اللي فوق البيعة دايما متفقين عليها ؛)
    فعلا كان عيدنا جميل و الجو كان خيال بعد المطر
    و بما أني قاعدة أرد فهذا أكبر اثبات أن كرماري ما سوت شي من الحلو لوووووووووووووووووووووووول
    حبيبتي ما تقصرين على الدعوة ^_^

    ردحذف
  19. مرحبا خاتونه
    بوستج حلو مثلج اقصد مثلي لا .. نسيت مثلج
    لووووووووووول
    نشيدتج واااااااااااااو وحده تبجي ... والا يمكن تبجيني انا بس
    لووووووول
    النمله النموله

    ردحذف
  20. السلام عليكم ..

    كل عام وانتي بخير ... شهيتني من الجوكلت والله انا حارمه
    نفسي ما اكل عشان اخاف على بشرتي :(

    وعلى قولتك طلابكم مثل طلابنا لازم اخر الايام يغيبون
    مشتحيل حد يروح الدوام الا الدوافير هع ..

    صور حلوه خاتونه .. موفقه حبيبتي

    ردحذف
  21. النلمة...
    مرورج حلو و شوفتج على الطبيعة أحلى*_^
    أي حتىأنا أول ما سمعت النشيدة بجتني و الصوت بعد حلو ...و حياج الله دوووومز ^_^

    ردحذف
  22. جنات...
    و عليكم السلام و الرحمة..و أنتي بخير
    أفا عليج لا تحرمين نفسج و لا شي..الكاكاو أصلا مفيد للبشرة بالذات قليل الدهون و الطبيعي بس شربي قلاص ماي وراه و توكلي على الله *_^

    و حياك الرحمن عزيزيتي ^_^

    ردحذف

حياكمـ،،،