مدونة خاتون...أول مدونة تتخصص في الكوميديا الواقعية بالشرق الأوسط *_^

تمنياتي لكم بالإستمتاع هنا

الأحد، 21 يونيو 2009

تعرف على شخصيات المدونة(معـ الصور؛)...

تعرف على شخصيات المدونه (معـ الصور؛) ...



الشخصيات الموجودة بالمدونة مع صور تمثل شخصية نفسها :


*خاتون (حسب راي غيري):

مرحة و تسوي مغالب..بسيطة..تهتم بالموضة..كل شي عندها فشلة و أتكيت..حرشية..مزعجة و تطفر اللي جدامها..شريرة أحيانا و طيبة غالبا..مغامرة..تحب تثبت نفسها..لا تستسلم بسهولة..اجتماعية Over..تآكل علج وايد و علمت رفيجاتها عليه بعد..من عشاق الفراولة..حكيمة و مرجع للأهل و الأصدقاء في حل المشاكل..حسنة الظن..ما تعرف تبجي لازم ورى البجي ضحك..حقانية و ما ترضى بالظلم ..وتحب تنصر المظلوم و أتناجر لكن بصوت واطي و بالحسنى لكن بالنهاية تعفس أبو الذرابة..تحب الدرنفيزات و اللواسع الكهربائية و الحشرات بس الألعاب..وايد تحرك عيونها و حلجها نفس الرسوم المتحركة..و تقول كلمة صج وايد أو من صجج..طالبة بجامعة الكويت مواليد1989..


*زين الزاد ( ألقاب أخراى :تحفة -مغناطيس الكوارث):




مرحة جدا..فوضة..أصيلة بأخلاقها..و قلبها طيب..تحب تسوي مغالب قاتلة..محد يقدر يزعل منها لأنها تقدر تقلب السالفة عل اللي زعلان منها..قوية شخصية..و عند المواقف الصعبة تطلع حقيقتهاو معدنها الغالي..مزعجة للدكاتره و دايما تضبط نفسها عندهم علشان يقدمون لها بعثات.. كلامها كويتي عتيج(قديم)..كله ناسية و مضيعة شغلها و بالذات موبايلها مضيعته 8 مرات تقريبا..و كل موظفين الاستقبال ينفجرون ضحك لما يسمعونها تتكلم لأنه الصوت مو راكب على الصورة(الصورة شباب و الحجي حجي عيوز)..من مفرداتها الشهورة (هوو علامه -يا حافظ-غبراه-ويح قلبي -هلموا علي التراب -طيبة طاب حالج...إلخ)..شقردية و هبت ريح..تقول كلمة الحق حتى لو فيها ضرر على مصلحتها..ولد أختها يدلعها بكلمة حولا..عاطفية و حساسة..فنانة و تعطي دروس بالحيلة و المكر لكن تسختدمهم بالخير..تعرف تقلي بيض و تقص طماط و خيار..كاتبة سابقة في مجلات تفيد الأسرة و المجتمع و تكافح المخدرات..و كله تسألني عن اشياء شبه غيبية تعتبرني ساحرة..علمتني شلون أطلق العنان لمرحي و علمتني الشجاعة و علمتني معاني كثيرة للصداقة و علمتني شلون اعبر عن مشاعري..طالبة بجامعة الكويت مواليد1988..







*بطة ضعيفة (أم محمد):



مرحة و عفوية..شخصيتها حديدية..حيوية..مصدر طاقة للي حواليها..صادقة لأبعد حد..لو في لون أفتح من الأبيض فهذا أهو قلبها..ذكية..و ملامحها و تصرفاتها بريئة..عزيزة نفس و كريمة..تحب الأكل..فوضة بعد نفس زين الزاد أحيانا..من عشاق السلطة ..و من عشاق اللون الأحمر..متفائلة و قوية بالحق..شعلة من النشاط..رياضية و حاصلة على المركز الأول بالجري أيام الثنوي..طباخة مبتدأه لكن لغاية الآن كل شغلها حلو..أنسانة تمشي بهدف..مثقفة و سياسية..تعرف تقنع اللي جدمها و محاورة من الطراز الأول..أنسانة بسرعة تغير رايها إذا حست الحق كان في راي غيرها..كله دايخة و تهتم لنومة الظهر..أجتماعية و تعرف أكثر من 300 بنت بالكلية تتنتظر مولودها محمد و هي بالشهر السابع حاليا عسى الله يقومها بالسلامة..استمد منها قوتي و بوجودها احس بالاتزان و تتنظم مشاعري و علمتني شلون اكون واثقة من نفسي و اكون مبدعة و اتحدى نفسي..دفعة 2003و حاليا خريجة من أحد الكليات بالكويت مواليد 1985..



* مسـZنظارة:

دمها خفيف..و تنكت و هي متشنجة و متيبسة..كل مالها و تضعف..من فئة المجترات لأنها أكثر وحده تآكل سلطة..ما تقط النظارة الشمسية غبار مطر الساعة 5مساء(و الدكاترة بعد زادوها و وصوها ما تقط النضارة لأنه عينها فيها جفاف)..دموعها مرتبطة بضحكها..سيئة الظن (لا مو صج بس أحنا نحب نضغطها)..وايد تتحلطم و كله تقول باين علي تعبانة..شريكتي في بعض الجرايم..و كله تقول كلمة ما أحبها (انجبي)..و كله تاكل مواقف محترمة من زين الزاد..هي "الرمز"..في لها أعداء بالكلية يتحدونها في مواعيد الامتحانات..أحيانا تثبط العزائم و أحيانا ترفعها ما عرفنا لها..كله يتهمونها بأشياء أهي بريئة منها..لما تضحك حنجها يرتجف بشكل غريب يأست أقلدها ما ضبط (تريد مارك)..و إذا تبي شي و طرت أسمه فجأة و دون سابق إنذار تلقى بويها (عرج سادة)..طيبة و نيتها صافية..و تلقاها عند المحن و المنح..تختار صداقاتها بدقة و صديقاتها أغلبهم غريبات..تسعى للمثاليةو الناس تحبها..و مناشبة ماما عودة و مسوية البيت ملجأ..علمتني الاصرار و المثابرة و التحدي و شلون أتحلطم على أصول و تعلمت منها اللسان الطويل و النظرات التهزيئية و ذكرتني أنه أنا شاطرة و أحب الدراسة..طموحة و واقعية..طالبة بجامعة الكويت مواليد1988..

*******


الحين نيي لدفعة 2008في جامعة الكويت كلهم مواليد 1990 (يعني بنات صدام)فيما عدا أنشتاين تم تزوير مواليدها لأنها مولودة بعد الغزو 1991م-تم ترتيبهم على حسب منو تعرفت عليها أول و هذا كله تم في خلال أسبوع إلى أسبوعين :)


*صوت القطوة :

كله اكسايتدExcited ومتحفزة..و لمن تشوف احد تحبه تبتسم و تطلع صوت غريب يشبه صوت القطوة..و الجندي الخفي في تطبيق جرايمي..و مساعدة من الدرجة الأولى..تحاول تتحداني بالكرم..و لما احنا نفصل تكون اهي اللي لحد اللحين تحاول تحافظ على برستيجها..عيونها تدمع لي فوق تغطي الدموع عينها بعدين تطيح لأنه مسالكها الدمعية ضاربة..و شكلها غريب لما تبجي و تقول انها لما تشوف عيني تبجي و هذا يجرنا الى انه زين الزاد تقول صوتي يبجي (شلون ما ادري )..كله مستعيلة و تحاول تتحدى الكل بسرعة المشية..دايما تعاملني على أني قدوة و معطيتني اكبر من حجمي تذكرني بنفسي قبل لما كنت اهتم لأشياء (لا تستانسين ما راح اقول شنو)..طفولية و تحب تلعب أكثر من اليهال..طباخة شاطرة..و تحب الأغاني تراثية(مثل:اليوم هدة ليشن كوس هدونا رحنا المدارس و عند الباب ردونا)..بسرعة تبجي(يعني أم دميعة)..حقانية..تحب تصمم فوتوشوب..تحب تنط و تلعب حيلة(لعبةكويتية قديمة)..أقصر مني؛)لكن ترفض هالحقيقة ..حركية و شغولة..طيبة وايد و على نياتها لكن أنا علمتها شوي الشر (لا أتغشمر بس علمتها توقف و تآخذ حقها بإيدها).


*انشتاين:


عبقرية جدا بالفيزياء و ان شاء الله بيوم من الايام راح تشوفونها بلقاءات علشان اختراعاتها الفيزيائية..نكتة من نكت هذا الزمن اللي غرق بدموعه..على انها فيزيائية الا انه ما تعرف تقدر الوقت يعني تقول خمس دقايق و يايه وما نشوفها إلا اليوم الثاني هذا بأي منطق أو قانون طبيعة يا جماعة يصير..كله ضاغطة نفسها بالدراسة..و ملوعة جبد الدكاترة (الدكتور يخاف يفتح الباب تكون وراه مسكين)..ابوها مكبرها بالبطاقة المدنية سنة زيادة و فوق جذي كاسبة سنة.. اشتبهوا فيها شي؟؟! راح تعرفونه جدام بالارشفات الياية (الجاية)..عليها سوالف تخلي الكل ينتقل من لحظة السكون الى الانفجار من الضحك..كله تضيع شغلها يا ناسية جاكيت يا بالطو (طبعا ممكن تقولون شكو جاكيتات مو لأنها شديدة الضعف فتخاف الناس يخافون و يخترعون كله تزيد نسبة الملابس و لما تحتر تقط منهم شوي )..باب الكلية الكهربائي ما يفتح لها لأنها غير مرئية و أبلة اأحياء تشرح عليها الهيكل العظمي..كاتبة ممتازة و عندها حس فني عالي..عفوية و طيبة جدا و ما تعرف تكره..نشيطة و محبوبة .



*بنت الشيخ:



بنت تحب اسمها و تمشي و تكتبه أو تكتب أول حرف من أسمها..و كله تلبس جواتي طولها من 12سم الى 20 سم (و طبعا بو 12 سم هذا عندها شحاطة)..يعجبني فيها ثقتها بنفسها.. كله مخترعة و وايد تشرع عينها لكن محد ينتقدها كثري لما أشرع عيني..لما تعصب لا تفكرون تمرون يمها (البنت كاسرة لمبة بيدها و ما حست الا و الدم يقطر و على الرغم من ذلك نعومة و دلوعة)..و اي شي اجنبي وراه مع الحفاظ على اساسيات العادات و التقاليد.. و أحسن وحده تقلد صوت القطوة و أكثر وحده تخاف منها..و عندها قلادة تحبها وايد على شكل علامة استفهام ؟.. كله تردد كلمة (مابي ) و تطق الارض بريلها.. راح تحول و يا نملتي(بعد شوي تتعرفون عليها)..و طبعا نسميها بنت الشيخ لأنه هالكورس قليل ما نشوفها و دايما تقول يللا رحبو فيني و لأنها بدوية تتحجى حضري (ما ادري شكو ) فأقول اول ما تيي :هلا ببنت الشيخ..كريكرية(اي تحب تضحك)..نكرت فيها بنت أختها بعد ما ربتها و تعبت عليها و هالشي أثر بنفسيتها..عنيدة و راسها يابس و إذا تبي شي تحن لين تآخذه يعني تآخذه.



*النملة (The Ant):


أنسانة غريبة و تشبه النملة لأنها مو طويلة و ضعيفة و منقبة و تشيل جناط اكبر منها 3 مرات تكسر خاطري احيانا بخاطري اشيلها اهي و جنطتها..و مكافحة و مصممة و تحب تخطط و تنفذ نفس النمل.. تحب الأكل لكنها ضعيفة تشبه هالطفلة..تخترع من عيوني لما اشرعها نتيجة صدمة و ما تحب اطالع عيونها..تحب اللون البرتقالي..و تكره السوالف البناتيه مثل اللون الوردي و توابعه..قعدتها حلوة و تحب السوالف و عندها كل الأخبار(كونا الجامعة)..وأخوها عزوز فديت قلبه يآخذ القلب و مزعجنه بالمسجر كل شوي داز اشارة تنبيه..و تحب شي اسمه قلوب حب بس ما تحس..واي أحد تسلم عليه تيره(تجره) من حيزه لي حيزها و بقوة ؛)..و تبين شخصيتها عند المواقف المصيرية..و لما تضحك تطلع أصوات واطية و بشكل بطيء و متقطع..و كله تحط أيدها على خصرها و تحرك أيدها الثانية لما تبي تسولف ..و تمشي نفس الزواحف ببطء شديد..ما تعرف تعبر عن مشاعرها تموت علي لكن تنكر هالشي..بتحول لكلية ثانية مع "بنت الشيخ "و هالشي راح يقطع فيني لكن هاذي الدنيا و الاستاذ مسنجر و التلفون مايقصر و اللقى الأكبر تحت ظل الرحمن ان شاء الله .


* باربي تقليد:

هادية جدا حسها ما ينسمع و تتكلم بالقطارة.. بطيئة بالمشي و كله أكسايتد بس بهدوء..اللي ما تعرفهم ما ترد عليهم بحرف واحد بس تبسم من اليوم لي باجر..بس قروبنا خربوها و طلع لها لسان.. لا و أول ما بدت > بدت علي هذا الي يقول علمناهم الطرارة سبقونا على البيبان)..بس فرحت لما قدرت اطلع مواهبها و اطلع الطفل القابع في اعماقها..و كله تقول : منو بيي يروح الكفتريا و ياي..و لما يكون عندها سالفة تفر جسمها فجأة و توطي راسها و تفتح عينها و و تحرك ايدها و تحطها على خدها مدت ثواني بعدين توخرها و تقول ما قلت لكم شصار و تبدأ بسرد الحكاية..مسكينة تصير معاها مواقف وايد و كله مخترعة..طيبة و حساسة.. هي مصدر الهدوء بالقروب..و تحب تضحك و كله توزع ابتسامات..و اهي بعد بتحول مع عيال خالتها لكلية أخرى.

*******

بنات الثنوي..؛)


*كرماري أحمر:

عفوية فوضة..طيبة تقط الكلام قط بالوي..مزعجة جدا..عاطفية و حساسة..تحب تطبخ و تطالع قناة فتافيت..أكبر من جنجر بسنه..كله ساكته لكن لما تنطق تنطق..و حافظة كل الافلام الاجنبية..و عصبية و هادية بنفس الوقت..تضخم الامور..عنيدة و تجاوب اي سؤال حتى لو ما تعرف اجابته يعني نظام مصرية..طويلة..اليوم تحب الحار باجر تكرهه عادي يعني حالتها حاله..و ليش اسمها كرماري احمر لأنه هاذي اول كلمة قالتها و كل ما تبي شي تكررها و حتى لو ما تبي شي تقولها و إلى يومنا هذا محد عارف شنو معناها..و تكلمت باللغة السيلانية بسن صغير لكن الان لا تعرفها..كله تسوي أشياء من باب العناد و بعدين تتندم..و كله مواقفها عمي و ما تتبرر..قيادية و واثقة بنفسها..ماتحب تدرس لكن شاطرة و و بالشة البنات بكل أحتياط تبلغ الأبلة و كلا تقول شفيكم خل نخلص المنهج أقول وين هالشطارة في البيت (نحاسة متأصلة)..و لما تجذب فجأة تركض و تطب على فراشها و تضحك حتى لو من الدور الارضي لي الثالث شرط تدور فراشها و تطب عليه (أي فاشلة بالجذب)..طالبة بالثنوي ثالثة رايحه رابعة الله يعينها 1992م..


*جنجر:

انسانه ذكية..و قوية الشخصية..و أمتيازات بالمدرسة ( بالثنوي) لكنها كله فاصلة و تسأل أسأله غبية مما يدهشني شلون شاطرة بالمدرسة و غبير(اي غبية) بالحياة العامة..و بدعة من بدع هالزمان..مادية..و ما تعرف تتكلم كويتي مثل العالم و الناس ( على بالي = عربالي /و همبرجر =همبنقر/ و كوريكتر =كلوكتر/ مالي خلق= ماني خلق) هذا بسبب الأفلام الأجنبية..و كل ما تسمع كلمة كويتية تطلع نوتتها الصغيرة (جنها عييز) و تكتبها و تسأل عنها من ثم تكتب المعنى..كل محد يسألها عن فزورة و إلا لغز تجاوب فقاعة أو بيض أو حفرة أو ملاس(ملعقة كبيرة لنجب العيوش) ما عندها غيرهم ..عندها عقلية تجارية..طموحة و تحب الألكترونيات و الرفاهية ..وجبتها المفضلة البرد ثم البرد..كله معترضة..خوافة ما تسكر الليت إلا لمن أحد أيي ينام وياها(تشوف أفلام رعب الصبح علشان ما تخاف)..ما تعرف تعبر عن مشاعرها..تحب اللون الاسود..و تبي تعيش بجزيرة نائية بس فيها حريم و يهال.. ما راح اتكلم عنها وايد تشوفونها بعدين..طالبة بثانية ثانوي رايحة لثالثة مواليد1993م..


***و ترقبوا بعدها قروبات جديدة و شخصيات جديدة :) لكن حاليا بنكتفي بهالقدر و أبتدي بسرد قصصهم المضحكة جدا جدا قريبا***

هناك 24 تعليقًا:

  1. صوت القطوه

    وناااسة وصفتي الكل وصف صحيح 100 %
    بس انا اعترف انتي اطول مني بجم سانتي
    و انتي قلتي و خلصتي ليش بعد لا تستانسين ما راح اقول
    و انتي علمتيني اشياء وايد مو بس اوقف و اخذ حقي و منهم علمتيني الشر
    ( قدوتي بعد شسوي )
    و بانتضار العديد من الشخصيات
    شكلها بتكون احلى مدونة
    و المفروض تسمينها بخور السوق

    ردحذف
  2. :)لووووووول أصلا البخور ما في أحلى منه يا بعدي ؛)
    تسلمين حبيبتي عيونج الحلوة...ترى أنا مسكينة مو شريرة؛)
    حياجــ

    ردحذف
  3. زين الزاد
    الثانيه.............هيا

    يه يه يه اقعد وصفج ليس مو طبيعي و الاحلى اني ذكرت في السي في لاخواتي الاخريات نيهااااااهاااا(مقتبسه من فوز)

    مرحة جدا..فوضة..أصيلة بأخلاقها..و قلبها طيب..تحب تسوي مغالب قاتلة..محد يقدر يزعل منها لأنها تقدر تقلب السالفة عل اللي زعلان منها..قوية شخصية..و عند المواقف الصعبة تطلع حقيقتهاو معدنها الغالي..مزعجة للدكاتره و دايما تضبط نفسها عندهم علشان يقدمون لها بعثات.. كلامها كويتي عتيج(قديم)..كله ناسية و مضيعة شغلها و بالذات موبايلها مضيعته 8 مرات تقريبا..و كل موظفين الاستقبال ينفجرون ضحك لما يسمعونها تتكلم لأنه الصوت مو راكب على الصورة(الصورة شباب و الحجي حجي عيوز)..من مفرداتها الشهورة (هوو علامه -يا حافظ-غبراه-ويح قلبي -هلموا علي التراب -طيبة طاب حالج...إلخ)..شقردية و هبت ريح..تقول كلمة الحق حتى لو فيها ضرر على مصلحتها..ولد أختها يدلعها بكلمة حولا..عاطفية و حساسة..فنانة و تعطي دروس بالحيلة و المكر لكن تستدمهم بالخير..تعرف تقلي بيض و تقص طماط و خيار..كاتبة سابقة في مجلات تفيد الأسرة و المجتمع و تكافح المخدرات..و كله تسألني عن اشياء شبه غيبية تعتبرني ساحرة..علمتني شلون أطلق العنان لمرحي و علمتني الشجاعة و علمتني معاني كثيرة للصداقة و علمتني شلون اعبر عن مشاعري..طالبة بجامعة الكويت مواليد1988..



    يااااااااااالاهو.........الحين الي ما يعرفني عرفني....
    صاجه (صوت القطوه) بخور السوق :)

    عن التطنز الطماط و الخيار قصهم يعد فن من فنون الطبخ....

    كافي فيه لمسة (زين الزاد)

    وبعدين نسيتي تقولين ان (النمله ) تلميذتي في فنون المكر و الخداع و المنصب و الاحتيال كااااااااك


    حولا ....الله يسامحج...ترى الحول جمال!



    شكرا خاتون ...امبيه بدعتي:)
    ولا يوقف لا يوقف لايوقف

    ولي رجعه لنرى ما قد تضيفه صديقاتنا و اخواتنا..للرد عليهم

    اقعد نظام جات :)

    ردحذف
  4. الصقر........وينج .....ابجي من الفراق ...اليوم حضنت نمله و وبنت الشيخ........اشتقتلج

    ردحذف
  5. خياااااااانه
    اليوم داومتي انا داومت بس ما شفتج ليش ؟؟؟
    بس عندي لج خبر سويت الي وعدتج فيه و اخذت في نصيحتج
    شكرا اخيه

    ردحذف
  6. أزال المؤلف هذا التعليق.

    ردحذف
  7. على طاري طباخة شاطرة
    من ضغوط الدراسة و الامتحانات قررت اني ادخل المطبخ و اسوي شي اول مرة اسويه
    شان اسوي ذيج الطبخة الي بعد ما ذاقوها طلبو مني اسويها 3 ايام و لا و ابوي يبيني اسويلا للدوانية
    اقعد وناااسه
    و صاجة زين الزاد قص الطماط و الخيار يعد فن من فنون الطبخ

    ردحذف
  8. زين الزاد :
    يا هلا باللي لفاني يا هلا به عدد الحروف اللي أنكتبت في غيابه هلا باللي لفا و البوست اليديد يابه عليم الله ما طاب غيابه ؛)
    (جات ها..بطلوا أقول )
    يا طباخة*****قالوا الحور جمال مو الحول؛)

    صوت القطوة:
    بالله شنو زيوون ناصحتج فيه ،مو شين أبوج طلب طيعيه فرصتجبالبر ،و بعدين أنا نسيتيني ما راح تسوين لي الطبخة سويها بجمعة البنات يمكن أمر علشان أذوق مو علشان شي ثاني ؛)بعدين لا تكبرين راس زيون و تخلينهاتصدق انها طباخة*_^
    و ترقبوا بعد شخصيات و القصص المضحكة بإذن الله و إن شاء الله ترضي كتاباتي الذوق العام ؛)
    ***و دمتم بحفظ الله و رعايته***

    ردحذف
  9. ااول شي مبرووووك على افتتاح المدونه

    وبعدين احنا شنو اتفقنا عليه هاااا؟؟

    انا مســz نظارة يا(v) ;)
    عل العموم نتحاسب بعدين ؛)

    انا معاج في اشياء وايد بس في اشياء" مو صج "

    وصدقتي في part اخذت مواقف محترمه من زين الزاد
    بس نسيتي تقولين يتلي تهايم من ورا راسج يا خاتون هانم :))) نسيتي تقولين اني حمالت الاسيه :"(

    اليوم وانا انبش في ايميلي جان اشوف شي انتي دازته عني من زماااان .. والحين اقرا مره ثانيه شي انتي كاتبته عني..
    وهذا تاااكيد لا طريت شي يطلع بويهي فجأه

    ردحذف
  10. مسZنظارة :
    يا هلا بيج هلا و بجيتج هلا
    الله يبارك فيج حبيبتي...الكلام كله صج و حقيقي لا تنكرين... مدام مصادقتني لازم تيج تهايم هاذي ضريبة صداقتي الطيبة...دزيلي هالأيميل بعوان طارئ علشان أشوفه ؛)نورت المدونة*_^

    ردحذف
  11. منو قال اني منزعجة من طلب ابوي بالعكس حسسني اني صج طباخة شاطرة ( انتي بس نطري اقولج شلون اطلعت وياي الطبخة تموتين ضحك تحسين صج وحدة تحت ضغوط دراسة و يوعانة )
    بس يبيني اسويه للدوانية تدرين شنو يعني انا اسوي حق 4 اشخاص مو 10 اشخاص هنالك فرق
    و زين الزاد ناصحتني في اشياء وايد مو شي واحد فديتها و الله
    بس تعالي منو قال اني بسوي شي في يجمعة البنات و اذا منتو رايحين شحقه انا اروح بالله ؛)

    ردحذف
  12. السلام - شحالج خاتون؟
    شدعوه جذي كاتبه بلاوينااول امدحي بعدين اخذي راحتج كيفج -- لاتفضحينا

    ردحذف
  13. صوت القطوة: روحي زيووون هناك أنا في احتمال بعد أروح(علشانكمـ بس؛)

    غير معروف: ما زلتي غير معروف عرفي بنفسج ما عندنا وحده فها عرج إيماراتي إلا مسـZنظارة ؛)بس عالعموم و عليكم السلام و الرحمة و حالي يبشر و يسر...لا يكون أنت انشتاين؟

    ردحذف
  14. الحور و الحو جمال اثنينهم اخوان من ام :)


    خاتون ابي ابطل مدنتي لكن للاسف ماكو وقت و لابتوبي ظرب


    زين الزاد

    ردحذف
  15. حبيبتي هناك فرق بين الحور و الحول
    الحور =العين كلها بجنب واحد مثل الحالمة
    الحول = العيون تصير أتحاد بمعنى آخر كروس بمعنى أخير X

    أنتي إذا ما ضرب عندج شي ما تصيرين زيووون كارثة *_^... نترقب المجونة المؤجلة لإشعارٍ آخر :)

    ردحذف
  16. السلام ..

    وناسه خوش وصف..

    اللي مر علي بالبلوق زين وانيشتاين و كرماري أحمر..

    وضحكتني ع بنات صدام..

    وانا قبل كنت اقول كولكتر خخخ..

    وخخ ضحكتيني ع هالجمله لانه وايد اسمعها(شاطرة بالمدرسة و (غبية) بالحياة العامة..)

    وناسه تشرفت بمعرفتكم ..

    ومرسي خاتون..

    ردحذف
  17. رورو الشخبوطة...
    و عليكمـ السلامـ و الرحمة

    ويــي يظهر كولكتر خطأ شائع و د.صادق جعفر قال:الخطأ الشائع صواب *_^لووول

    و أحنا تشرفنا بوجودج العطر حبابة
    ولكمـ رورو العزيزة ^_*

    ردحذف
  18. دايـــــــــــمن مبدعه مثل اول مره شفتج فيها
    الله يوفقج ودايمن ان شاء الله للاعلى والافضل

    مدونتج ابـــــــــــــــــــــداع مو طبيعـــــي

    موفقه خاتوووووونه^_^

    ردحذف
  19. حبيت بعد اسلم على حبيباتي الي ما تواصلت معاهم من فترة طويــــــــــــــــــله زين الزاد وبطه ضعيفه
    تر خاتون مو هينه يابت شخصيتكم عدل خاصة زين الزاد مادري شلون انحصلج كل ما ادز مسج ما تردين اكيد بعد امضيعه تلفونج لووووووول ^_* ام محمد بعد

    فاقدتكم وايد ان شاء الله راح اتم اتواصل وياكم بالفترة اليايه وخاتونه لا تزعلين بعد خو انتي معاي دايمن احصلج

    حبيبتي اظن الحين عرفتي منو انا
    عاد كيفج حوسي ودوري وفكري ولو اني عارف انج عرفتيني منو الحين

    ردحذف
  20. غير معرف...
    حياج الله دوووم "مدام شوشو"*_^
    أو نقدر نقول"البنت الهادية" *_^
    و من ذوقج حبيبتي
    أكيد آي نو يو سويت هارت
    *_^
    حياج الله دوم و البيت بيتج وترقبي صور
    ولدج "بو عبد الله" يعني ضيحتو على يدي *_^ههههه

    ردحذف
  21. حبيبتي خاتونه
    كلج ذوق يا قلبي
    الله يحييج
    فضحتيني@_@ خلينا على البنت الهادية احسن
    لووووول

    ردحذف
  22. البنت الهادية...
    هههههههههههههههههههههه
    لوووووووووووووووووووووووول

    ردحذف
  23. ههههههههههه أهم شي باربي تقليد مادري ليش هالإسم عجبني

    ردحذف

حياكمـ،،،