مدونة خاتون...أول مدونة تتخصص في الكوميديا الواقعية بالشرق الأوسط *_^

تمنياتي لكم بالإستمتاع هنا

الاثنين، 13 ديسمبر، 2010

شالسالفة شصاير؟؟؟

... السلام عليكم ورحمة الله وبركاته ...
ألف مبروك لقطر وشي مفرح أنه هالحدث الهام بيصير في دولة عربية
وعقبال المزيد من التقدم و الأفراح لأختنا قطر ...موفقين *_^
بالنسبة لسياسة في الكويت ما أبي أتكلم وايد بس بقول كلمتين ولي حرية الرأي اللي يتفق حياه الله
واللي مومتفق معاي قد يكون رأيه صحيح بس أنا ما عرفته
"رأيي صحيح يحتمل الخطأ ورأي غيري خطأ يحتمل الصواب"
1.اللي رفع الكرت الأصفر للحكومة "عيب" ولو كنت بأي دولة أخرى و من ضمنهم أمريكا وأحمد ربك على الحكم المخفف
ويا من ترفع الكرت الأصفر شقصدك ترى ما نبدل حكومتنا لأنهم الأفضل ولو بدر منهم خطأ.. الحاكم ولله الحمد لم يمنعنا من الصلاة فلا نرضى بغيره ،وبعدين بأفكاركم راح تفتح علينا إيران وراح نكون مدخلها على الخليج أتمنى من اللي دزوك وصفقوا لك وحطوا الكلام على لسانك وورطوك وحرقوا قلب أمك يوقفون "بس كافي كافي"
2.ماله داعي حركة الأعضاء كان ممكن تكونون أرقى بندوتكم وكنتوا ناوينها على جذي وإلا من وين طلعوا المصورين
واللي يبي يعدل في البلد يرجع البوقات اللي باقهم "سبحان الله كل واحد دخل ما عنده شي طلع من المجلس وفي مخباته تضخم" وكل اللي وعدوا وعود صوتوا بالمجلس ضد أفكارهم "ذمم رخيصة وسهلة الشراء"
3.ياليت الحكومة فككت التجمعات بالماء أفضل "يكفي الزل و البيت بيعفن"
4.الديمقراطية بالأساس "ديمولوخية" كما قالت الشاعرة إيمان بكري ... لكن تبقى في الكويت أفضل من غيرها وأنزه من غيرها

نرجع لعنواني الأصلي"شالسالفة شصاير؟"
البلوقر عندي ما يطلع ولا شي أنا حاطته على اليمين من
ساعة.. ورزنامة..صور ...إلخ
هل حصل معاكم هالشي من قبل ؟
هل تعرفون شلون أحل المشكلة؟
هل تنصحوني بنقل مدونتي؟ كيف؟
ما العمل؟
أشعر ببعض الاحباط:(

...تحديث...

هناك 43 تعليقًا:

  1. Allah yester 3ala deratna o ya7fith'ha inshallah

    o 3ala blogich wiiiiiiiiiiiiiii ;/ana 9arat feniiiiii o rad bro7aaaa!! madri sh9ar bilthab6!:s o al7een blogich mafeeh shay ..

    ردحذف
  2. السلام عليكم

    خاتون قلنالج العالم الي عايشين فيه عالم يجري خلف المصالح الشخصية و كل واحد يبي سوي نفسه بطل علشان الناس يقولون شوفو فلان شنو سوى و ما سوى

    و لو تقولين كافي من اليوم لي عقب باجر سادين اذانيهم ما اعتقد راح يسمعون الشمع الي حاطينه باذنهم شمع قوي صعب الانتزاع و العياذ بالله

    و مجلس الامه صار جنه لبيده كل واحد يغلط على الثاني بصوب نسوا الهدف الاساسي الي دخلو المجلس علشانه

    امممممممممممممم او يمكن ما نسوا يمكن يكون هدفهم ملا الجيوب مو خدمه الشعب و الكويت و الكلام و الفكر الي كانوا يدعونه قبل دخول المجلس كان مجرد وسيلة للوصول الى الهدف

    ما اقول الا الله العالم عن النوايا بس ان جانت هذي نواياهم عسى الله يهديهم

    خاتون انا اقول لا تغيرين الرابط
    لانه الساعة و الرزنامة و الصورة موجودين

    طالعين معاي
    يمكن الخلل بشبكة النت

    فلا تتسرعين و تندمين مثلي

    و في الختام ما اقول الا الله يحفظ ديرتنا من كل شر
    و في امان الله *_^

    ردحذف
  3. السلام عليكم
    ربنا يحفظ الجميع ويهديهم ويوفقهم للافضل
    http://www.ourlife-accountant.blogspot.com/

    ردحذف
  4. السلام عليكم ورحمة الله و بركاته

    ✿بعين الله .. الله يصلح الحال ... مبارك لـ قطر و عقبال ما ياخد الكأس أحد الدول العربية يا رب

    ✿بالنسبة للقائمة الجانبية في مدونتك عندي ظاهرة و ما فيها مشكلة !!


    ✿مودتي للغالية خاتون ✿

    ردحذف
  5. خاتون غيري الويندوز
    او غيري المتصفح
    تحياتي

    ردحذف
  6. ان لم تستحي فاصنع ما شئت

    خرفان مو اوادم ....جنه ما وراهم والي

    ردحذف
  7. احس اني اللي يصير تمثيليات :)

    طالعه عندي الشغلات اللي تقولين عنها ..
    تعدل الوضع؟

    ولا للحين اذا للي الحين اتوقع من متصفح الانترنت او البلوقر تنح وهالشي وارد بشده..

    ومرسي..

    ردحذف
  8. المدونة ما فيها إلا العافية وصح لسانج باللي قلتيه.
    الله يحفظ الكويت!

    ردحذف
  9. الأخت الفاضلة :: خاتون ::
    أسعد الله أوقاتك بكل خير
    وأتمنى لكم أوقاتا رائعة بعيدة عن عواصف المشاحنات وغبار المهاترات ..

    دمتم ودمتِ بخير ،،)

    ردحذف
  10. أختي خاتون شحــالج؟

    أنا بعد حبيت أهني قطــر، بالرغم من انه الأغلبية مب عايبنهم، لكن هذيل اللي عارضوا مب فاهمين شي، دعوة كاس العالم لقطر مب أمريكا هذا بيزيد السياحة و بقوة في الدول العربية بشكل كبـــير .. يعني الفايدة مب بس إلهم للدول العربية و بالأخص الدول الخليجية ..

    أما بالنسبة للي حاصل في الكــويت، شي يعور القلب الصراحة ..
    أنا بتكلم وياج بصــراحة، بس يليتج ما تحسسين من الكلام اللي بقوله، ما بقل أدبي بتكلم بحرية بس إن شاء الله ما أطلع عن دائرة حرية الرأي و التعبير ..

    * الجويهل، يمكن عنده فكر معين و هدف صحيح، لكن مب معناته عندك الحق، إنك تقل أدبك في بعض الأحيان و فلان و فلان و ولد فلانه، والسب، صح الطريقة اللي أستخدمت معه غلط بس يتأدب شوي، لكن الجويهل المفرووض ما يستخدمون وياه هالطريقة لسبب إنه سوا فلم و كان هو بطل الفلم و بجدارة، واايدين كانوا مب صوب الجويهل لكن الحين هم مع الجويهل، و هذا مكسب له.. أستغفر الله ما أدري ليش أحس هذا تمثيل ساعات، لأنه شي غريب انا أحيد إنه هناك مشاكل بين الجويهل و السعدون فشي غريب..

    * ثاني شي اللي صار مع النواب ما أعرف شو الموضووع بالضبط، بس بعد لازم يكون هنالك إحترام لرجال الشرطة و الداخلية، و ما يعترضوون طريقهم، و هم نواب عيب تدخلوون ضرابه ويا الشرطة مهما كــان.. لازم الشرطة إلهم إحترامهم، هم الحين يعلموون عيالهم إحترام القائد و القيادة و الدولة، إذا النائب مب متأدب مع رجال الداخلية كيف هذا يكون نائب.. المفرووض يرضخون لكلام رجال الشرطة خلاص ماشي نقاش عندهم شي، يناقشوونه على مجلس الأمة أو قضية ..

    * أنا أشووف اللي قاعد يستوي عندكم أبدا مب ديقراطية، و إنتي قلتيها برووحج، أنا أشوف بعض الإعلاميين عندكم من أمثلتهم الورع و بو عبيده، لازم في بعض الأحيان يتفاخرون بنسبهم، و عليهم شوي حركات، و يكونون في صف اللي هم راضين عنهم و نفس الشي جويهل .. شي غريب الصراحة ..
    الديمقراطية، مب هي قلة أدب و أقدر أكتب اللي أباه و أقدر أرشح فلان و علان ..
    ولما أكون نائب، أقدر أهزء و أقوول اللي أباه و أخاطب الشيخ كأنه عضو .. لااااا هاي مب ديمقراطية

    ترا في شركات تمشي الديمقراطية فيها لكن لازم يكون هناك إحترام للقائد، و كلمته تمشي، و حتى في الإجتماعات الموظف مايقل أدبه على المدير لكن يبدي رايه بكل أدب و إحترام .. و خلاص

    يعني أنا بقولج صح نحنا في بلادنا ما عنا ديمقراطية نفسكم لكن أنا مرتاحة بهالنظام و نحن يمكن صعب يطبق علينا نظامكم، لأنه نظامنا فدرالي كل إماره و نظامها، و من إمارة لإمارة يختلف، مثلا دبي في حرية الرأي و التعبير أكثر هي و أبوظبي من الباقي ..

    نحنا مرة إستوت عنا سالفة بين قائد شرطة دبي ضاحي خلفان و رئيس تحرير جريدة الإمارات اليوم سامي الريامي، كانت المشكلة كبيرة و اااايد، لدرجة إنه صاروا يستظيفونهم في الإذاعة و على طوول حاكم دبي زقرهم و إجتمع فيهم و محد يدري شو صار عند الحاكم و طلعوا من المكان و كأنه ما كان شي و تسكر الموضووع، لأنه موضووعهم ممكن يسبب فتنه فحل الموضوع بسرعة ، و مب لازم الناس يعرفوون كل شي في كل الأموور يعني نفس قضية الجويهل لازم يكون هناك أمر من الشيخ إيبهم كلهم، و يسكتون الموضووع و اللي يستحق العقاب يتعاقب ..

    بس أتمنى ما تحسسين من كلامي، لأنه أنا مقهورة من اللي يستوي في الكويت، و المشكلة إنتو عندكم أحزاب وطنيه و المفروض تكون موحده، و الله يعينكم و الله ..

    و يـــــــــحفــــظ بلادكم .. و تبقى دار أمن و آمــــــــــان يارب

    ردحذف
  11. السلام عليكم

    أسأل الله أن يصلح الأحوال، ويوحد الصفوف.

    إن كنت تقصدين القائمة الجانبية فهي تظهر عندي بشكل جميل، جربي استعمال جميع المتصفحات..
    دمت بخير ودامت

    ردحذف
  12. Bint ilKuwait...
    إي والله عسى الله يحفظ الكويت من كل مكروه ويرد كيد كل حاسد بنحره
    أشكر تفاعلج حبيبتي
    حياج الله
    ^_^

    ردحذف
  13. لا لا لا مايسير احباط بهالجو الحلو ؛)
    انا باجر بنور الخالديه
    خنشوفج
    نونو

    ردحذف
  14. مبروك لقطر الحبيبه الله يوفقهم
    وكلامك السياسي خاتونه مادري شسالفته هههه ^_^
    قائمتك الجانبيه مضبوووطه

    ردحذف
  15. طموحه...
    وعليكم السلام

    للأسف هذا الحال ...يظهر حاشهم داء الشهرة

    أهم ما منهم فايدة لكن أحنا الشعب اللي بيدنا الخيار نقدر نغير "إذا الشعب يوما أراد
    الحياة فلا بد أن يستجيب القدر"

    لا وأنت الصاجة يدرون ليش ادخلوا
    المجلس علشان يغرف ويعبي مخابيه

    تقدرين تقولين أنه اللي يسونه قبل الانتخابات مسرحية علشان يكسبون ثقة الشعب وبعدين يغدرون
    فيهم لكن في شغله نسوها اللي يرشحون
    "المؤمن لا يلدغ من حجر مرتين"

    لا تحاتين ألحين بعد مساعداتج
    النبيلة ضبطت الأمور

    آمين يارب عسى الله يحفظ ديرتنا من كل شر
    في أمان الكريم
    ^_^

    ردحذف
  16. مدونة رحلة حياه...
    وعليكم السلام
    تسلمين آمين يارب
    ولي زيارة قريبة

    ردحذف
  17. ✿ ثلاثـہ أنامل وقلم ✿ ...
    وعليكم السلام ورحمة الله وبركاته

    آمين يارب العالمين
    أشكر مشاركتج وتفاعلج عزيزتي


    الود موصول لك أيضا عزيزتي
    ^_^

    ردحذف
  18. سواح في ملك الله-...
    فعلا غيرت المتصفح وضبطت الأمور
    شكرا جزيلا على النصيحة القيمة
    أشكر تفاعلكم

    حياك الرحمن ^_^

    ردحذف
  19. غير معرف...
    صاجة يا زيووون *_^
    هذا الحاصل

    ردحذف
  20. رورو الشخبوطة...

    فعلا تمثيليات علشان يشيشون
    الشارع ويحققون مصالحهم

    الحمد الله تعدل
    المشكلة طلعت بالمتصفح
    أشكر تفاعلج حبيبتي


    حياج عزيزتي ^_^

    ردحذف
  21. Seema* ...
    الحمد الله ألحين ضبطت الأمور
    أشكر تفاعلج
    يارب عسى الله يحفظ لنا بلادنا وبلاد المسلمين
    ^_^

    ردحذف
  22. محمد سعد القويري...
    تسلم ما قصرت
    آمين يارب العالمين
    ويحمي بلاد المسلمين

    حياك الرحمن دوما
    ^_^

    ردحذف
  23. AM.SA.CHANNEL...
    الحمد الله بخير دامج بخير

    يستاهلون أهل قطر وإن شاء الله منها للأعلى

    وبعد بتعرف دول العالم على دول الخليج وبيعرفون العرب منو وشنو وأنه أحنا مسالمين وذوق


    أبالعكس أنت ألتزمتي ادب الحوار
    وحاورت وتكلمتي بطريقة راقية عزيزتي

    الجويهل ما عنده سالفة واحد من الدسائس على
    الشعب الكويتي وهدفه تمزيق وحدة الصف وإثارت
    الفتن والكويتين أغلبهم ما يحبونه
    طبعا أحنا ضد المزدوجين وضد التحزبات لكن مو معناته انه نقل أدبنا مثل ما سوا
    صح مفروض ما يطقونه لكن "هذا ما جنته براقش"
    والناس أغلبهم بسيط شيشهم وعطهم جم كلمة
    تنم على الوطنية يشيشون وأهو ما خله لنفسه صاحب

    صاجة أهي تمثيليات وأحنا الجمهور الساخط
    وقريبا سوف نغلق التلفاز ونعيش بسلام

    عين العقل عزيزتي بالنسبة للي قلتيه عن النواب ورجال الأمن معاج مية بالمية

    * أحنا عندنا ديمقراطية لكن في ناس قاعدة تحاول تشوها لأنهم ما يبونها لأنها تفضح لعبهم، الورع وبوعيدة مالهم وزن عندنا بالكويت وعلى فكرة بالكويت جمهورهم قليل أحنا نطالعهم عشان نضحك

    اصاجة لكن البعض أساء استخدامها
    ويبيله قرصة أذن شوي

    ومعاج لكل أنسان مقامه ومكانه

    بالضبط هذا الصحيح واللي نبيه وتعودنا عليه
    لكن في وجوه نحس من دخلت المجلس وأهم عافسينه

    فعلا نظامكم حلو لكن أحنا ما ينفع
    لنا لأنه الكويت صغيرونه ولنا أمير واحد ما ينفع لنا ...وعسى الله يبارك لكم بديرتكم يارب

    عين العقل والذكاء في التعامل مع الامور
    ما شاء الله

    بالعكس أحنا الشعب الكويتي متفهم ويسمع كلمة الحق عليه وله له واللي قلتيه كلام مأدب وفي وجهة نظر سليمة عزيتي ... أحنا عندنا أفكار مختلفة أنتجت احزاب لكن المجلس كان يوحدهم لو أفهمواالمغزا نفس اللي قبلهم

    يارب يحفظ بلادنا وبلاد المسلمين
    حياج الرحمن عزيزتي
    ^_^

    ردحذف
  24. أبو حسام الدين...
    وعليكم السلام

    يارب الله يصلح الحال آمين

    أشكر نصيحتك طبقتها
    ولله الحمد ضبطت الامور

    أشكر تفاعلك
    حياك الرحمن
    ^_^

    ردحذف
  25. غير معرف ...
    نورتي الخالدية نونو بس
    أنا ما قدرت أشوفج للأسف
    ياليت نشوفج مرة ثانية
    حسافة طافني
    ^_^ miss U
    يبيلنا يمعة بنات *_^

    ردحذف
  26. ẽмan.н ♥...
    عسى الله يوفقهم ويقدمون أفضل ما عندهم

    ههههههه ما ألومج السياسة تعور
    القلب وما لها قوانين ثابته
    ريحي بالج منها

    الحمد الله الحين اضبطت الأمور
    أشكر تفاعلج
    حياج الرحمن عزيزتي
    ^_^

    ردحذف
  27. سلـآموَوَوَ . . .

    منٍ صدقسٍ السيآسه عوآر رآسٍ
    و خلسً بعيده احسنٍ لسٍ
    =D"

    و الف مبروكٍ لـ قطـرٍ استضآفه كآس العآلـمٍ
    و الله يقويهم يَ ربٍ (FFFFFF)"

    :|

    امـآ شسآله شصآيرٍ
    انـآ مَ استخدم بلوقر فـ طآلعه منهـآ =P

    ردحذف
  28. لا لا
    الفرص ما تتكرر
    >>هذا درس لج :*)

    انا وقفت صفقاتي واجتماعاتي وعطلت شغلي وجايتكم بمكانكم وانحشتي عني
    لذلك طرت علي فكره جهنميه جهنوميه
    خوش مغلب ...<<
    ..
    عشان تحطينه بللستته الذكريات عند زين الزاد
    ومرة وحده كتبي مواقفج
    ابيهم ضروري مروري
    :*)

    نونو

    ردحذف
  29. » ضيـۈنــہ‘...
    وعليكم السلام

    صاجة بس من حر مافيني حبيت اشارك *_^

    إي والله عسى الله يوفق أخوانا القطرين المهمة صعبة

    يعني ههههه لا تحاتين انحلت المشكلة *_^
    حياج الرحمن دوما ^_^

    ردحذف
  30. نونو...

    هههه عادي نحن بنزوج في عقر دارج

    يا النصابة نص الكليات معطلة يعني
    أوريدي ما عندج أشغال يا النصابة

    شنو بعد الله يستر منج بس لا يكون فيها عض هههه


    شنو القصص اللي تبيني أحطحهم
    send me @ please to let me know

    Maybe U will see me this days in U'R dream
    وأحلام سعيدة أنا فيها هههه*_^

    ردحذف
  31. انتي بتزوريني !!!
    خخخخخخخخخخخخخخخ
    ههههههههههههههههههههه
    لوووووووووووووووووووووووووووول
    بالحلم قصدج
    فوق انج نحشتي عني تعطيني وعود وهميه << خلاص اصلن صرت ما اصدق :/
    ..
    لا هالمره مغلب مختلف :*)
    ..
    جيكي ع ميلج بدز لج اللنك
    وتكتبين المواقف ضروري
    نونو

    ردحذف
  32. اي صج
    @ 3 بيحطوني ع mbc3
    ابي جمهور
    :)

    ردحذف
  33. نونو...
    حتشوفي بمرج بس مو هالكورس لأنه زحمة وبيعزل السوق
    وان شاء الله بمر واحط المواقف لا تحاتين

    الساعة جم ههههههههههههههه
    اي فهمت قصدج شفتج وشفت الاعادة
    لووووووووووووووووووووووووووووووول
    خخخخخ *_^

    ردحذف
  34. لحقي يا بنت لحقي
    جكيت منتدى بايقين كل بوستاتي @@


    قياديه طموحه

    ردحذف
  35. اشتري لك ان كان بالإمكان مساحة خاصة بك بدل هذه الاستضافات التي وإن كانت متنفسا الا أنها لا تعطيك كل الحرية

    ردحذف
  36. قيادية طموحة...
    شسم المنتدى عفية حطي لي الرابط بشوف
    أكيد عشان حلوين خذوهم *_^

    ردحذف
  37. محمد ملوك ...
    هل تعني منتدى لأنني لا استطيع يحتاج وقت وجهد ومزاج
    الحمد الله حلت الأمور
    شكرا على الاهتمام
    ^_^

    حياك الرحمن

    ^_^

    ردحذف
  38. مساء الخير على الغالين :)

    فعلا مؤسف جدا مايحدث في البلد عزيزتي بإعتفادي أنه بسبب أن كل واحد قاعد يسوف وين مصلحته ونسو المصلحة الوطنية

    ونوابنا الأفاضل ما أقول إلا الله يهديهم بدال مايصيرون عون صارو فرعون ويبون يشبون الفتنة :(

    أما القصيدة مالت دي ملوخية ففعلا حلوة ومعبرة وفيها هم يضحك وهم يبكي :)

    دمتي يألف خير يارب :)

    ترى كنت قاعدة أحاول أدش المدونة صار لي كذا يوم ما كانت تبطل عندي :(

    فسوري على تأخير الرد :)

    ردحذف
  39. صباح الورد
    كيفك يا عسل :)
    ..
    لقطر مبروك ولكل العرب
    ..
    ستبقى الكويت منارة نعم ستبقى
    كلي أمنيات لأهلنا في الكويت بالخير
    أزمة وتعدي
    أصلح الله حال العباد والمسلمين في كل مكان
    ..

    كوني بود

    ردحذف
  40. كوكتيل...
    مساءالخيرات

    هو الوضع ما تصفين ... نعم قد أشرت لموضع الخلل الحقيقي هم النواب ... هذا ما يحصل عندما نختار نواب التأزيم مرة تلو الأخرى
    ممكن الواحد يوصل وجهة نظره بس بأسلوب أرقى وياحبذا الواحد يبدأ يصلح بنفسه وراح تتصلح الحكومة

    عسى الخير والبركة والأمطار تعم بلادنا وبلادالمسلمين

    حبيبتي إن ما دشيتي مدونة خاتون فأنت داشة قلبها
    لا تحاتين ... أحنا بس اشتقنا لج*_^
    حياج الرحمن دوم عزيزتي^_^

    ردحذف
  41. الغـــــدوف...
    صباح/مساء الورود والرياحين
    الله يسلمج أنا بخير دامج بخير
    ..
    تستاهل قطر وان شاء الله من تقدم لآخر
    ..
    عزيزتي أخجلتيني ككويتية من طيب أصلج
    وكلمتج الغالية على قلبي عزيزتي
    كلامج يدل على رقيج ورقي أخلاقج وعسى الله يحفظ ديارنا ودياركم وديار المسلمين ويتمم عليناالنعم بالحفظ يارب
    آمين يارب
    ..

    أنا بود دام الناس الطيبة
    تمر على مدونتي عزيزتي ^_^

    ردحذف
  42. قياديه طموحه22 ديسمبر، 2010 12:40 ص

    ان شالله راح اطرش لج اللنك بالايميل خلال هاليومين لاني شوي مشغوله بامتحاناتي

    ..
    تصدقين خاتون عندي اون لاين كويزالساعه 4ونص الفجر :(
    شهالعذاب

    والدكتور داز لنا announcment
    يتشمت شوفي شكاتب

    ((الرجاء الصلاة ركعتين مع الدعاء لي بعد الصلاة:)

    ارتداء ملفع وقت اخذ الاختبار

    القسم على قرآن ان لا تكلمين أحد (حتى الجن) او ترسلين رسالة قصيرة من المبايل

    خخخخخخخخخخخخ
    !!؛

    ردحذف
  43. قيادية طموحة...
    دكتوركم صجي وإلا جذبي؟
    عبيط أو موصاحي ؟
    وليش هالعذاب شكو؟ الفير
    ما وراكم مخدةأو صلاة ماوراكم دوامات
    يعني أشكره يبي وحدة تروح عليها نومه
    استغفر الله ... الله يشفيه بصراحة
    استفسار أخير ملح ولازم ينعاد عنده كرت أحمر (وبالمشرمحي مينون؟؟؟)
    ههههههههههههههههههههههههههههههه
    ههههههههههههههههههههههههههههههه
    خلاص لا تحاتين بدعيلج
    وعسى الله يوفقج وشدي حيلج
    بالدراسة ولا تلعبين *_^

    ردحذف

حياكمـ،،،