مدونة خاتون...أول مدونة تتخصص في الكوميديا الواقعية بالشرق الأوسط *_^

تمنياتي لكم بالإستمتاع هنا

الأربعاء، 22 سبتمبر 2010

شرايكمـ؟!؟


~السلامـ عليكمـ ورحمة الله وبركاته~

شلونكمـ؟ شخباركمـ؟ عساكمـ بخير؟
أتمنى أن تكونوا بخير وتعلوا وجوهكمـ
الإبتسامة ^_^

وتفضلوا هالبوست وإن شاء الله يكون خفيف على قلوبكمـ
فكرت في عنوان حق هالبوست وأعتقد أنه شرايكم ينفع لكل قصه من قصصه

...كليلة ودمنة...
في تساؤلات وحيرة وناس ومن ضمنهم بعض صديقات لي ولخواتي يدزون لي إيميل على إيميل المدونة
يستفسرون شسالفة كليلة ودمنة اللي موجودة بالمدونة
بصراحة في بادئ الأمر مافهمت؟!!
بس...لمن رجعت لمدونتي وطليت عليها بديت أضحك
وفهمت شالسالفة
السالفة يا محفوظين السلامة
أنه في من الشخصيات اللي بالمدونة أسمهمـ
"صوت القطوة،،النملة،،كرماري لها صورة فار،،وجنجر صورة دياية"
الموضوع صدفة ما كان متعمد
وإذا بتعرفون شسالفة التسميات ومنو صوت القطوة و صديقاتها تفضلوا هالرابط


..My Name is Khatoon and iam not a terrorist..
يسألوني ليش أخترتي أسم خاتون يعني خلصوا الأسامي ؟!
خاتون لقب لي أمي تناديني فيه من يوم كنت صغيرة لأني كنت أتكلم بالأوامر ولازم يتم التنفيذ
يعني كنت Bossy
وأمي تسمع انه خاتون أسم تركي معناه الملكة
ومأخرا تناقشنا باللقب مع خالتي "أغاثا الكويتية"
وطبعا طلعت المعنى من النت
سيدات الطبقة العالية لدى الترك قديماً هذا اللقب يقابلها بالعربية سيدة من سيدات الطبقة الراقية لزوجات وبنات الملوك

يعني أسم حلو وما راح أنطر الأسامي تخلص علشان أختاره *_^
يعني بالنسبة لأمي= My Princess

...بوسعد شيصير لي؟!...

مدونة بوسعد

أخذوا هاللغز اللي راح يخليكمـ تعرفون شلون أحنا إخوان اقصد شلون نصير لبعض *_^

شلون يصير أحد ما أخوك واهو لا من امك ولا ابوك ؟

تصدقون في ناس وايد ما اعرلافوا الحل إلا بعد فترة !!!

ومن الناس اللي شايفتهم شخصية خارج النت غير بوسعد

طموحة...قيادية طموحة... طموحة مملوحة (أهي ما تعرفني بس انا اعرفها وخذيت معاها كذا مقرر)

شسالفتي ما في وحدة طموحة بالكويت ما اعرفها ...وانتوا تعرفون احد شخصيا من المدونين والمدونات ؟؟؟

أخت بوسعد من أمه وابوه وحدة من شخصيات المدونة تقدرون تعرفونها؟؟؟

على العموم حتى لو عرفتوها ماراح أقول صح ولا غلط*_^

...نوتات زين من زين الزاد...

جاءت في يوم من الأيام زين الزاد وهي تعدنا بمفاجأة

طبعا زين الزاد مولعة بشي أسمة طور ذاتك او التحدي و الفوز

وقروبنا كله من هالطقة ونحب الدورات اللي تتعلق بتطوير الذات

أو الطاقة اي شي ممكن يخلي منه افضل ..فعرضت علينا فكرة وايد حلوة

الفكرة هيــ...أنها يابت لنا نوتات Zain ولكل شهر في نوته على عدد أيامه

قالت لنا لازم ندون كل شي نسويه في كل يوم طبعا بس الاشياء اللي تعتبر إنجاز

مثلا: سويت رياضة..قريت كتاب..كتبت مقال..نزلت بوست..زرت أهلي..تواصلت مع صديقاتي.

وبصراحةوايد ستفدنا وقمت اراقب يومي عدل ... ومن هذا المنبر أقول شكرًا زينونتي حبيبتي لأنج مبدعة.




...زين الزاد والبر...

خلونا نتعلمـ من هالموقف ونتعلم من صاحبة الموقف المذهلة "زين الزاد"
تخبرني زيون تقول:لمن أيي (يأتي) يوم الجمعة و أقرا سورة الكهف ...ولمن اخلص أمي تقولي
زين الزاد قريتي سورة الكهف ... زين الزاد ترد عليها لا يما قاعده أقرأ السور القصار بعد شوي بأبتدي بسورة الكهف
طبعًا انتوا اللحين تتساءلون شنو الغريب وليش جذبت ؟؟؟ ووايد اسئلة تدور في بالكمـ أنا أقولكمـ شنو الغريب
الله يسلمكم والدة زين الزاد ما تقدر تقرا عدل لأنها ما كملت دراستها وبسرعة طلعت من المدرسة وما تعرف تقرا عدل
فزين الزاد ما تحب تحسس أمها أنها أحسن منها أو انها قرأت بسرعة وأن والدتها أقل منها فتفضل لو أنه امها تحس بالتفوق عليها

طبعًا لمن دريت بالقصة وزين الزاد كانت تقولها لي على عجل ولا جنه شي مهم
وكنا في عزيمة وحريم وإزعاج وزحمة وأنا كنت قاعدة يمها وأيرها (أجرها) من هدومها وأمسك أيدها وأحاول
ألف ويها علي وأقولها أنت زيون تسوين جذي ليش تسوين جذي وأهي تجاوب بسرعة وكل شوي أعيد السؤال
وأهي ترد ببساطه وفي بعيونها نظرة إستغراب لي
أنا عيوني غورقت بس أهي ما حست فيني لانها لاهية و الإزعاج مالي المكان
بصراحة كبرت زين الزاد بعيني وصغرت بعين نفسي لأني احيانا أحاول اتبارا مع امي وأستانس أفوز عليها طبعا لاني أحس أمي شي كبير وموسوعة من الكتب و الثقافة ... يمكن هالشي يونس امي لكن زين الزاد سوت شي أنا ما قدرت اسويه
قمة البر في الوالدة ... و مافي عجب التوفيق و حب الناس اللي تمتلكه والنفس الحلوة...أحبج زين.


...الأصنصير الله يستر!!!

مسز نظارة أو مسزز سينس تعرفونها صح

المهم تقول في هذاك اليوم الجميل قررت أني أروح لمكتبة الجامعة بالهندسة و ادرس لي جم كلمة من باب التحضير للامتحانات المهم دخلت المكتبة حاضنة كتبها وعليها جنطتها و مرش باتجاه الأصنصير ما شاء الله جندية علم

المهم توصل تطلب الأصنصير تنطر و إهي تنطر جان تحس في أحد مجبل عليها و إلا شاب معاه كتبه و عليه لحية خفيفة

قالت: اشوه محترم بينطرني أصعد مهو صاعد وياي(=لن يصعد معي) المهم جان ايي يوقف يم الأصنصير بعد

جان تلف جسمها بعيد من الإحراج و فجاة تسمع صوت ضحك خفيف و يتكرر جان تلف ويها شوي طلع اللي قاعد ينطر معاها الاصنصير جان يفتح باب الاصنصير جان يمسكه و يضحك ويقول

الشاب الغريب:الله يستر... ويطالعها

ما تخفيكم الأنسة مس نظارة أمرا كانت بتبطها ضحكة على خبالة الله يستر استح على ويهك و بقلبها هذا المحترم طاح حظه المهم دخل الأصنصير ومسكه وقال لها تفضلي

مسز نظارة بقلبها و اهي فيها تفضلي ياروح أمك (الكلام السابق بالمصري)بعد الله يستر

جان تقول لا ما بي و ظلت تنطر الحمد الله بعد ما نزل لها مرة ثانية علشان تصعد خخخخخخخخخخخخخخخ مسكينه مواقف الاصنصير تعبانه يعني ليش ما نطرها تصعد اهي ياية قبلة و باين عليها من النوع المحترم بس اهو اللي مو محترم ما عليه مسزز نظارة جيل تعبان و انت الكبيرة .


...هدية...

كانت هاذي علبة الهدية اللي تلقيتها من صديقتي صوت القطوة او طموحة
ووايد عجبني طريقة تغليفها على الطبيعة أحلى وصدفة مشت مع داري
كنت بصور لكم الهدية بس تكيسلت وكانت ساعة عجيبة وايد حلوة
مشكورة وايد ذوقج حلو ولج مستقبل في الحرفيات عزيزتي *_^



...مريم نور تصرح :أنتوا بتآكلوا زبالي...


في أحد المرات اللي نزلت فيها مريم نور للكويت وتمت عزيمتها من قبل احد البيوت في الكويت
وطبعا عزيمة يعني أكل و من النوع الزبالة اللي تقول عنه مريم نور في برامجها
وبدت تراقبها اللي وصل لي من خلالها القصة وأهي عند البوفيه
تقول: شاهدت مريم نور و شفتها وياليتني ما شفتها كانت مريم نور
تغرف وتعلف من هالزبالي على قولتها...أستغفر الله نعمة الله...
جان تتقدم منها وتقول لمريم نور
أستاذة هل الاكل هذا اللي تقولين عنه الزبالة ليش تاكلينه
مريم نور:مرة وحده ناكل زبالة ما بي ضر
وااااااااااااااااااااااي شنو هالإنسانة ما تدري انه وايد ناس غيروا الـLife Style والسبب اللي تقوله.
Hey... Missy what R U saying
مستحيل تكونين حارمة نفسج من الأكل فترة طويلة من هالزبالة وتآكلين بهالطريقة لاني من النوع اللي ينسى يآكل
فلمن ارجع اكل شي بسييط حتى لو توست جبن قلاص أرجع على طول وصار بالنسبة لي شي طبيعي لازم أرجع بعدين معدتي تتأقلم
آسفة لوعت جبدكم بس كنت حابة أثبت شي أنها ما رجعت دليل على انها متعودة تآكل من هالزبالة ...اتوقع انها كانت تروج فقط للإيروبك و هالنوع من العلم و الكتب و الدايت واكبر دليل انه الناس لمن قامت تعرفه قللت نشاطها.
BiG Lier
فترة من حياتي كنت اتابعها وقاطعتها لمن قالت لا تكلون لحم
No way ولمن قالت لاتشربون حليب شربوا سباع العيش والصويا وقولوا لنفسكم انه حليب نباتي خخخخخخخخخخخ مينونة هالمرة وأنا مفترسة ... وأنا اقول منين هالمتن.

...طالب=دينار...
العنوان اهو اللي قالته وحدة من الناظرات في أحد المدارس الخاصة هالناظرة من أصل أجنبي (يمكن أمريكية او بريطانية)
كانت تأشر بسبابتها على الطلبة الكويتين بالمدرسة وتقول دينار دينار وأهي تلوي حلجها وتعدهم...حقد عجيب!!!
يعني الطالب الكويتي اهم ما فيه فلوسه واهو مايعنيها...طبعا الأهالي اشتكوا عليها.
...أنبوبة إختبار...

" خالي مساعد"
شخصية يديدة على المدونة راح اتكلم عنها بعدين


بس بشكل موجز: رجل في الستين لم يسبق له الزواج نكته ومثقف حد الدوسه عنده معلومة بكل شي وعن اي شي
حياته اشبه بالنكته.
في جلسة حميمية أسرية كان فيها أم جدتي اللي أهي جدة خالي مساعد ومعهم تجلس زوجة خال

"خالي مساعد" وأختها.. زوجة خاله بإختصار وأختها وهما من أصل عراقي يتميزن بخفة الدم والثقافة

كان بهالمرحلة خالي مساعد في الثلاثينات ومعاهم وأحد ثاني من خوالي
المهمـ ... خالي مساعد يحب يوصف بجمال النساء ويحر المتزوجين ويبين لهم انا فاتتكم في وحده أحلى من اللي خذيتوها

فقام يسولف ويقول...
خالي مساعد:ذاك اليوم وأنا بالسوق جان أشوف ذيج الوحدة الحلوة الوردية قاعدة تشرب بطل ماي

الجدة: أي

خالي مساعد:وإلا تصدقون عاد(لا اكيد ما نصدق) واهي تشرب الماي جان يبن الماي وأهو يمر فبلوعومها (يللا عاد يللا مصختها)

...أوووخ قويــــــة قويـــة ودنا نصدق بس قويــــة...

جان ترد عليه أخت مرت خاله وطبعا اهي من العراقين اللي دمها خفيف وعفوية جدا وقالت له:

ههههه(ضحكت)... هاااي أنبوبة أختبار مساعد مو حورمة
...طبعا ويهه قام يقط الوان وقام يقول لأ اهو مو في الحقيقة أأا ممم (خلاص خالي اسكت ما عندك سالفة...

وطبعا الكل قام يضحك ومسكوها عليه "أنبوبة اختبار" طبعا الغرض يحر خالي اللي قاعد لانه متزوج


وإن شاء الله كنت خفيفة عليكمـ
~دربكمـ خضر~


الشخصيات في هذه المدونة مع الصور *_^

هناك 34 تعليقًا:

  1. 1. ماشاء الله عليكم "كليله ودمنه" شكلكم حدكم فني وتهبلون وتونسون الله يحفظكم وخليكم حق بعض .. :)

    2.مافهمت اشسالفه خان :\ ؟؟

    3.وااو خاتون يعني جذي .. توني ادري .. مره كنا فاصلين وقاعد نستعبط .. وحده منا لبست عبايه راس - بدون احجاب - وطلعت اذانيها ومثلت انها وحده عشقانه ..والله نسيت السالفه .. المهم ان سمينه الشخصيه خاتون .. فلزق ابالنا انها وحده اسحيله وهيليقه :) عذرا شوهنا اسمج ;q

    4.لوول اما الرابط بينج وبين " بوسعيد " فسهله الجواب اخوج بالرضاعه :) .. > ان شاء الله صح :\

    5.وااو فكرت النوتات حدها نايس ... انا اتبعها مع مكرت صناع النجاح .. بس بروحي يعني مو مثلكم قروب :) ماشاء الله عليك .. مفيد وايد الي اتسونه :)
    بس سؤال من وين احصل نوتات زين هذي .. ما اعرف عنهم شي و اول مره اشوفهم :(؟!!

    6.ماشاء الله عليها هالبنت .. عيني عليها بااارده واله يحفظ لها اميمتها ويطول بعمرها .. وتشوف اعيالها .. صج قمت البر .. ربي يرزقها ويرزقنا هالبر واكثر منه بعد .. الله يوفجها .. ادمعت عيني :")

    7. سالفت الاصنصير تمسني شخصيا بما انها واقعه في الهندسه .. لووول عادي عادي شاب هندسه مو فارقه وياهم .. ومواقف الاصنصير بالمكتبه لي الراااس .. وقلت الادب حدث ولا حرج .. بس سخيف هالصبي ..و الله انا يكبرون بعين الشباب الي اكون واصله بعدهم وعلى ييتي ينفتح الباب .. واهما يخلوني اركب وينطرون الي وراي .. يحسسوني ان شبابنا خووش شباب ..;q

    8.و الهديه عليج بألف عافيه .. وتهنين فيها .. والتغليف حدا نايس وسمبل :)

    9.لووووووووووول شخباري مريم نوور .. منو يطاعها الحين .. بس صاجه الانسان اذا كان موقف عن الاكل مو على طول يقدر ياكله بكميات .. خخ اهم شي مالت عليها و على برنامجها .. ومساكين الي يسمعون كلامها لانها فاااضيه ع الاخر :)

    10. مافهمت سالفت الدينار .. هل القصد ان الطالب الكويتي يسوى دينار واحد فقط ؟ او تقول هالكلام دليل ان احنا عايشيت بخير ؟

    11.لووووووول يحليله خالج والله نكتتتتتته :)

    مدونت تونس وسوالفج اونس :)
    تقبلي هذرتي :$

    ^_^

    ردحذف
  2. صوت القطوة تتحدث

    السلام عليكم و رحمه الله و بركاته
    يا هلا و غلا بخاتون
    ولهت عليج لدرجه اني مخطط اني المج اول ما اشوفج لمه تكسر ضلوعج فجهزي حالج اول يوم
    انا منج احط اسفنج على شان لا اتعور

    فقدناج يوم الاثنين طافج ليش ما زرتينا بالباي فورس بس يالله اليايات امثر ان شاء الله

    زيون فديتها كل شي فيها حلو و الصراحع انا وايد استحي من نفسي لين اشوفها و اشوف تصرفاتها صج غير عسى الله يخليها لميمتها و خلي امميمتها لها و بارك فيهم ان شاء الله

    مس نظارة مسكينه وين ما تروح تصير فيها مواقف

    اي و زادو عدد ابطال المدونه وناااسه

    خاتون ابي الايام تركض بسرعه بسرعه

    و ها من الحين اقولج اول يوم مو تشلين شلايلج بسرعه على البيت ياويلج

    ترى حدي ولهانه عليج و اخر مرة طلعتي بسرعه
    فانا اطالب في تعويض

    و البوست مالا داعي اقولج اكيد حلو و ممتع و اكيد انتي دايما خفيفه ظل علينا

    بس اقولج شي ذكرتيني بنوتات زيون من زمان عنهم وي اكيد راح تغلبوني واي على النسيان

    خاتون تصدقين عقلتي يناديني قطيوة مو بس انتو هههههه

    ردحذف
  3. تدرين اني أحبج؟ ;p
    حيل أستانس لما أقرا سوالفج..عيّل "مثقف حد الدوسة؟!" مصطلح عجيب ما قدرت أمسك نفسي من الضحك :)

    "زين الزاد" ..اللهم يبارك فيها ماشاءالله عليها :)
    الأصنصير بدّع! أشكره هالتعليق؟ لول مو صاحي!
    مريم نور..يقولج اللسان الطويل دلالة على اليد القصيرة!
    كلمة للي تغيروا للأفضل منها واصدموا انها تسوّق لشي لهي نفسها ما تسويه.. ما عليه, انتوا تغيرتوا (بسببها) مو (لها). فبالنهاية رايكم فيها ما يأثر.
    الناظرة كان لازم أحد يشتكي عليها..حسبي الله ونعم الوكيل.

    ردحذف
  4. حيرتينا مع ألغازج يا ملكة ;)
    انا مع حديث الفجر بسيطة بوسعد اخوج بالرضاعة،
    واخته من امه وابوه أتوقع طموحة، عاد قوليلي اذا صح ولا لأ p;
    **
    ماشالله عليها زين الزاد .. أثرت فيني وايد :))
    الله يزيدها بر وإحسان
    **
    راعي الأصنصير مو من صجه! الله ستر
    **
    عليج بالعافية الهدية ;)
    وخالج موتني من الضحك، واي يحرون الرياييل الي جذي يشيشون الباجي p;

    بوست حلو وخفيف أمتعتينا :)

    ردحذف
  5. واخيرا قدرت أحدر المدونةD:

    ===
    طلعتي برنسيسة مثلي
    D;

    ===

    امممم اتوقع بوسعد يصير أخوج

    ===

    لوووول موقف الأصنصير
    حليلها ربيعتج
    انصدمت منه أكيد

    ===

    سوالفج حلووة
    وبووست يونس


    يعطييج العافيه خاتون

    ردحذف
  6. ~حَدِيـثُ الفَـجْـر~...
    1.تسلمين حبيبتي ويخليج لحبايبج ومحبينج *_^

    2.مو سالفة خان بالعكس خاتون مالج شغل بالعنوان بس جذي لأنه العنوان ما يدل على الموضوع مثل ما أسمي ما يوحي بمعناه*_^

    3.لا عادي ما أزعل عاد أسمي الصجي حده بعيد عن خاتون حده تراثي مافي مسلسل ما طلعت فيه ههههه

    4.صح وربحتي معانا أنج عرفتي الإجابة لوووول لا بس ذكية غيرج لعوزني على ما فهموا

    5.عندي المذكرة بس اتكيسل أكتب..الله يسلمج زين الزاد تلف وتحوس أنا ما أدري بس أظن أنه الشركة وزعت على الموظفين وعطوا اختها مجموعة وأهي خذتهم من اختها لانها ابتلشت فيهم بس أسألها وأرد لج خبر إذا تعرف من وين ^_^
    6.إي والله هالبنت حبيبة وتستاهل كل الخير و بالنسبة للدعوة ولج مثله يارب.

    7.صحيح صاجة لو خليت خربت في وفي بس صديقتنا ذاك اليوم الحظ ما واتاها.
    8.الله يعافيج ^_^
    9.إي والله فاضية وبتيوعنا بس إستفدت منها علم الطاقة وعرفت إنه في ناس فرود وكواك بهالمجال

    10.قصدها أنه على كل راس فيكم تزيد فلوسي وأنت بالنسبة لي فلوس مو طالب وإنتاج.
    11.حده نكته هاذي أبسط وأملق نكته في له سوالف عمي تضحك أكثر.
    ونسج الله بالإيمان وطاعة الرحمن
    في هالمدونة ما ابي احد يعتذر عن قرقته لانج مثل ما تشوفين عبارة عن بيت وسوالف تنقال بالزوارة بس احنا زوارتنا مو الخميس ههههه*_^


    حياج الله دوم عزيزتي ^_^

    ردحذف
  7. صوت القطوة...
    ويدور المايك دورته الطبيعية ويرجع لي
    خاتون تتحدث

    وعليكم السلام ورحمه الله وبركاته
    يا هلا بالمهلي و المهلي ما يولي

    واااي مجربة هاللمات لا تذكريني رحميني
    إتقي الله في الضعيفين المراة و الطفل وانا الإثنان في آن واحد...يا إلهي ما أبي أخرب شكلي من اول يوم ويقولولي متنانة ههههه


    جان قلتولي كنت أبي أمر ما
    أدري ليش ...سلمتي على د.غنيمة*_^
    يحليلها اشتقت لتحلطمها

    يارب آمين و يخليها لنا ذخر
    وأخت ونجتمع في الدنيا والآخرة

    مسكينه مع أنها تكسر خاطري مفروض ما يصير حقها هالمواقف لأنها مهما تتصرف تظل متشنجه ما يبين تصرف ههههههههههه

    بعد في نيو هيروز جست ويت سويت هارت

    لا تركض حرام عليج أكثر من جذي
    خلينا نستمتع بالأيام

    لا قاعده لي ال6 عندي لابات

    أنا إذا شفتج بدوس بانزين وأقب لا يحوشك فيها تكسر ضلوع إذا بتلميني لمي وياي زين الزاد عشان نتقاسم الألم خخخخخخخخخخخخخخ

    أنت لمن تمدحيني اخاف من كثر ما تمدحيني قمت اشك بنفسي هههههه وايد ترفعين فيني وتدرين ما احب هالشي بطلي هالسلوك الشائن

    أيواااا أيواااا عيل في احتمال أناالمركز الاول

    قلت لج أنا بصراح بقول كلمة حق في عقلة
    أنه اهو بصراحة رجل حكيم ويهتم بالناس ويوديهم البقالة ههههههههههههه أشتقت له يبيله آي ماكس مرة ثانية خخخخخخخخخ
    حياج الله حبيبتي
    ^_^

    ردحذف
  8. ههههههههه موتتني من الضحك سالفة خالج

    و على اللغز عادي .. اخوان دنيا او اخوان بالرضاعة او شي

    عجبتني فكره النوته .. فكره رائعة بصراحة

    و سالفة الاصنصير .. الشاب مفروض ينطر :s

    بعدين البنت كانت قبله بعد ليش الدفاشة

    ملبوس العافية انشالله الساعة

    مريم نور و لا اواطنها .. كل شي عندها لا تاكلون عيل شناكل

    و سالفة الناظره هذي غير شغلة بعد .. انتي ياية مفروض توجهين و تكونين قدوه

    شنو قاعده و تقول دينار دينار .. اليهال بحطون ببالهم كل شي بدنيا فلوس

    اسفة اذا طولت عليج

    و يعطيج العافية

    ردحذف
  9. Seema*...
    و أنا بعد أحبج *_^

    ونسج الله بالإيمان وطاعة الرحمن..عادي أنا أحيانا أسلوبي صبياني فالحجي يكون صاعد على بعضه

    وين زيون تقرا عاد تحب الناس يمدحونها
    ويدعون لها واهي تصرح بهالشي هههههه

    حده مو صاحي أتوقع مخه ضارب من
    الدراسة أو أول مرة يشوف بنت ههههه

    أي نعم ... قمة الحكمة اللي قلتيه

    حياج الرحمن دوم عزيزتي
    ^_^

    ردحذف
  10. BookMark ...
    هههههه
    صح ليش محتارة يا سلام عليج
    عاد طموحة مو طموحة ماني مجاوبة اخاف ما يرضى لمن يرجع للنت أو أخته ترضى تعرفون فأهي تجاوب لأني ما أستشرتهم *_^
    **
    يارب ولج مثله آمين
    **
    عمري ما سمعت بأعبط منه هههه

    **
    الله يعافيج

    فعلا أهو يضحك ... بس كل الحريم يقولون له ياكرهك على سوالفك بس تعجبني أمي شلون تتعامل معاه تحقره وتضحك فييأس منها

    عساج دوم مستانس وسعيدة
    حياج الله دوم عزيزتي ^_^

    ردحذف
  11. سمو الأميرهـ ..ツ ...
    حياج الرحمن بأي وقت ^_^

    ===
    شفتي شلون *_^
    ===

    صحيح بس نص درجة

    ===

    لي يومج مصدومة ومتعقده

    ===

    الله يحلي دنياج ويونسج بطاعته و الإيمان


    الله يعافيج حبيبتي
    حياج الرحمن دوم عزيزتي ^_^

    ردحذف
  12. Katkoota xD ...

    دوم الضحكة الحلوة يارب

    شلون اخوان دنيا صبي ما يصير لا الثانية صح ههههه

    تسلمين انت الرائعة ^_*

    تقول مسز نظارة ...هذا الفعل تخلف

    الله يعافيج

    ما أدري ناكل صخر ...يا معودنه خل ناكل قيمر ولا همنا هههههههههههه

    بالضبط هذا المفروض لكن الحقد و الحسد و العنصرية عمتها ... تصدقين عاد انج ذكية وتلقطينها على الطاير لأنه فعلا طلبتها حاليا أغلبهم علبالهم الدنيا فلوس ودنانير

    جم مرة اقول لحد يتأسف كثر ما طول الرد أحس أنه الموضوع ياز لكم وأنكم أصدقائي ومرتاحين هني *_^

    الله يعافيج و يحميج
    حياج الرحمن دوم عزيزتي
    ^_^

    ردحذف
  13. مادري ليش ماشوف بوستاتج الا عقب..

    اليوم شفت البوست وقريته نصه ورحت السوق وعقب رديت اكمله خخ..

    بو سعد يصير اخوج بالرضاعه خخ..

    حبيت فكرة الرزنامه..

    وبالعافيه الهديه تتهنين فيها يارب..

    ومريم نور خل تستريح :\

    والناظره بطت جبدي :\

    ومرسي..

    ردحذف
  14. اول كنت مستغربه من لقبك بس بعد ماعرفت اللحين معناه زال العجب وحبيته بعد

    مريم نور=عجوز قريح انسانه مالها قبول ابدا عندي وعند اللي اعرفهم وهي زبالي

    اما الناظره ياغريب كن اديب والله مافيه حيا ولا مستحا

    زين الزاد ماشاء الله عليها موقفها مؤثر والله
    الله يعينا على برهم ويرزقنا رضاهم

    ردحذف
  15. السلام عليكم

    جميل بوركت.
    كنت سأسألك يوما عن معنى كلمة خاتون ولكن الحمد لله لخصت علي السؤال بأن شرحتي الكلمة.
    دمت بخير خاتون.

    ردحذف
  16. تحية طيبة...
    قرأت موضوع الالحاد القيم وتركت تعليقا عليه...نتمنى ان تستمري بوضع المواضيع التي ترد شبهاتهم اذا صادفتيها...
    الموضوع اعلاه ممتع والاختيار للاسم موفق...
    تحياتي الطيبة...

    ردحذف
  17. صباح الخير على الحلوين :)

    يله نبلش :)

    أولا عجبتني حيل فكرة النوتات لأن فعلا لما الإنسان يكتب شنو سوى في يومة من أمور ذات هدف ومعنى حيل يتطور لأن كل يوم راح يحس إنه يبي يسوي شيء حلو مميز عشان يكتبة وجذي أهو قاعد يطور نفسه من غير ما يحس وايد حلوة الفكرة ماشاء الله :)

    وحييل عجبني بر الزين مع والدتها بصراحة
    وإن شاء الله يارب يبرونها عيالها عقب مثل ماتسوي مع أمها بصراحة شيء جدا جميل :)

    أما سالفة الأصانصير فهذي للأسف وايد تصير بس شنقول كل واحد يدل على شخصيته وأدبه :(

    ويعطيك العافية غاليتي :)

    ردحذف
  18. خاتون

    صراحة اسماء الشخصيات مره عجيبة وتضحكني
    بالحيل ^^

    يؤيؤيؤ طلع اسمك مو خاتون اجل وش اسمك <== العذر لقافه زايدة هههههههه
    من جد استغربت يوم شفت ان خاتون لقبك بس تصدقين
    مره لايق عليك

    اممم فكرة زين الزاد في النوتات وكتابة وكتابة الانجازات روعه واعجبتني بالحيل انا ياكثر النوتات
    الجديده عندي مافكرت اسويها


    زين الزاد خوووش بنية ربي يخليها لأمها
    بر الوالدين عظيم .. خلتني افكر اني اخلي امي اهي
    دايم تصير افضل وتفوز مع ان امي دارسة وجامعية ^^


    الشاب اللي بالاصنصير مايستحي على وجهه
    المفروض يحترم اللي جاي قبله =(

    خاتونة بالعافيه عليك ع الساعه

    ومريم نور مره بعد احنا جت لنا في احدى الندوات
    بالاحساء تخيلي تقول لاتاكلون كل شي لونه ابيض ههههههههههه احسها تستعبط على عمرها


    الناظرة الاجنبيه بصراحه غريبه عجيبه زين
    اشتكوا عليها هههههه

    ههههههه يضحك خالك يحر المتزوجين اجل
    والماي يبين من بلعون الورديه ياسلاااام ههههههههههه


    مميزة خاتونة في طروحاتك لاتطولين
    علينا

    ردحذف
  19. ربي يكمل زين الزاد بعقلها ويحفظهآ لمن يغليها ..
    اما خالك رهيب
    هههههههههههههههههههه

    ربي يخليه لكم

    وبيني وبينك موقف الأسنسير مفروض ماتخليه يدخل قبلها

    تقول انا جايه قبلك خلاص ومن سبق لبق :p

    ( وبيني وبينك هالناس ماتفهم حتى مع هالكلام راح تنحرج اكثر )

    ههههههههههههه

    بوست رهيب رهبنه وحلو مره يعطيك العافيه غلاتي ولايحرمنا من هالبوستات اللي ترد الروح

    سلمي لي ع الوالده ^ــ^

    ردحذف
  20. رورو الشخبوطه...

    ما أدري بس عقب قبل على طول حياج حبيبتي *_^


    رايت


    الله يعافيج حبيبتي

    مشكلة مريم نور ما تعرف تستريح وأهي تدعي للسلام



    ويلكمـ ^_^

    ردحذف
  21. مبدعه...

    حبتج العافية عسولة

    صاجة بخصوص مريم نور ... مفروض على الناظرة تكون أكثر ادب


    آمين يارب العالمين ويعينج ويعينا جميع على بروالدينا

    حياج الرحمن دوم عزيزتي

    ^_*

    ردحذف
  22. أبو حسام الدين ...
    وعليكم السلام

    لقبي دوما يثير علامات الاستفهام
    واتمنى أكون قد أضفت شيء بهذا البوست
    حياك الرحمن أستاذ أبو حسام

    ردحذف
  23. OPENBOOK...

    لا تحتاج ان تبهني فأنا لا أهمل
    ردودكم حتى لوكانت على اول بوست
    وإن شاء الله أكتب المزيد وأقرأ لك أيضا

    حياك الرحمن دوما

    ردحذف
  24. كوكتيل ...
    مساء/صباح الخيرات والليرات *_^


    بالضبط هذا اللي حصل ما أقدر أتحمل يعدي يومي بدون 6 إنجازات على الاقل وهالشي يخليني أحس بالرضا عن نفسي

    يارب آمين يارب العالمين ويرزقنا وياها البر

    بالضبط "الاناء بما فيه ينضح"

    الله يعافيج يا الغلا

    وحياج الرحمن دوما عزيزتي ^_^

    ردحذف
  25. ẽмan.н ♥ ...

    فعلا انا معاج الاسماء تضحك وأهي وليدة ضروفها هههه

    أسمي يبتدي بحرف الميم وهو أسم خليجي قديم وهمن الاتراك لهم نصيب منه ...حزر فزر

    تصدقين في البداية كنت اعترض لمن تناديني امي فيه بعدين تقبلته أسرع من ما تقبلت أسمي

    عيل يبيـــــله تسوينها جربي بس مع القروب
    بيكون في دعم وتحدي ويشجع على الاستمرارية


    عسى الله يحفظ لنا امهاتنا يارب ويعينا على برهم

    المفروض لكن من علامات الساعة أنه راح نشتكي من ضياع الاخلاق

    اللع يعافيج وبيت مكه يوديني ويوديج *_^

    مريم نور تبهرج للخمس دقيايق بعدين تكتشفين انها مينونة ومحتاجه لعلاج نفسي لكن أحيانا في كلامها حكم ومثل ما يقول المثل "خذ الحكمة من أفواه المجانين"


    عاد شدعوه شكوتهم قدمت واخرت لكن....

    أي خالي أحيانا نحيس بس قلبه طيب >>>ما أدري شلون تصير بس احيانا ترى تصير

    المميزة طلتج البهية عزيزتي


    وحياج الرحمن دوم
    ^_^

    ردحذف
  26. متهوره بٌلطف ...

    هلا والله بالطيبة الغالية متهورة

    يارب آمين ولك مثله حبيبتي ..

    فعلا خالي رهيب وألذ مع الحليب خخخخخ

    يا معودة لمن قال اللي قاله ما بغت الاعمرها

    لا عادي هالنوع ما ينحرج وإلا جان ما نطق



    يا حلو عباراتج السعودية...حلوة "مرة"
    ولا حرمنا طلتج البهية عزيزتي

    الله يسلمج يوصل ولوالدتج أيضا سلامي

    حياج الرحمن دوم

    ^_^

    ردحذف
  27. حلو أنك تعرفين أحد شخصياً عنده مدونه
    وفكرة النوتات جداً رائعه
    زين الزاد وموقف برها بوالدتها كان أجمل
    الله يجزاها خير
    وكيثر من أمثالها

    الهديه , تستااااهلين وأكثر
    البوست ممتع كالعاده
    ومرح

    يعطيك ألف عافيه
    دامت لحظاتك بود
    :)

    ردحذف
  28. كلما أقرا جزء أقول برد عليه لين وصلت لآخر جزء ونسيت اللي بقوله
    بس باختصار البوست حده ممتع ودايما مميزة باسلوبج وخفة دمج
    وخاصة النبذة اللي ذكرتيها عن الشخصيات اللي معاج

    يعطيج العافية حبيبتي :)

    ردحذف
  29. انا شخصيا اطالب ن تظل هذه التدوينه فتره ...
    خخخخخخ

    زين الزاد

    ردحذف
  30. الغـــــدوف ...



    يارب الله يكثر من أمثال زين الزاد
    ويعينا وياج على بر والدينا

    حبيبتي تسلمين

    من ذوقج عزيزتي

    الله يعافيج ويحميج

    دامت لحظاتي ولحظاتك بود وعلى طاعة
    ^_^
    حياج الرحمن دوما صاحبة دار
    *_^

    ردحذف
  31. Amwaj ...
    هههههههههههههه وايد تصير
    حبيبتي من ذوقج وطيب أصلج

    انا أحب أقرى النبذة بين فترة والثانية
    وأندهش من وصفي الدقيق لهم هههههه
    الله يعافيج حبيبة قلبي

    حياج الله دوووم وكل يوووم
    *_^

    ردحذف
  32. غير معرف(زين الزاد) ...
    يووومــآ منج ههههههههه تحبين المدح وبنفس الوقت تستحين وتسوينها غشمرة هههههههه

    ليش وقعتي زين الزاد وقعي قلب خاتون *_^

    ما أبي أقول حياج مومحتاجه *_^

    ردحذف
  33. وعليكم السلام ورحمة الله وبركاته ..

    أهلاً خاتون

    دخلت مدونتك هكذا صدفه من مدونة ...........

    ماشاء الله جميل جداً أدام الله هذه الروح المرحه " أسأل الله لك الجنه

    شكراً لك

    ردحذف
  34. الكاتبه آسيه الحدادي...
    يا هلا بالمهلي و المهلي ما يولي

    دخلت مدونتك هكذا صدفه من مدونة ...........

    عزيزتي رب صدفة خير من ألف ميعاد *_^

    تسلمين عزيزتي روحك الأجمل ...
    آمين يارب العالمين ولك مثله

    العفو عزيزتي نورتي المكان

    وحياج الرحمن دوما هنا *_^

    ردحذف

حياكمـ،،،