مدونة خاتون...أول مدونة تتخصص في الكوميديا الواقعية بالشرق الأوسط *_^

تمنياتي لكم بالإستمتاع هنا

السبت، 1 مايو 2010

هؤلاء البشر مختلفون جدا

~ السلام عليكم ورحمة الله و بركاته~

أتمنى أن تكونوا في هناء و الايمان متنعمين
لقد أشتقت كثرا للتواصل معكم
جمهوري البريء المرح

~&~حـــمـــد~&~
أنا أنسانة يحبني الله
لأنه احاطني بمن أحاطني بهم أناس بقلوب أطفال نقية وعلى ذكاء و فطنة عاليه كذلك
قلوبهم بالحب و الإيمان عامرة يحبونني كما أنا و ينظرون لأخطائي على أنها جزء من كمالي
ربي أحفظهم لقلبي و أجمعني بهم تحت ظل عرشك يوم لا ظل إلا ظلك
أحبكمـ

~&~دعمني براسه~&~

مثل ما تعرفون صوت القطوة إنسانه عجيبة غريبة و الموازين عندها شوي ضاربة

معانه كصديقات إنسانة حنونة و متحمسة و مع الناس اللي ما تعرفهم

So

Cold & Care less

المهمـ ...المغزى هو كالتالي

بعد نهاية يوم طويل و شاق في الكلية أتجهة صوت القطوة لسيارتها و هي صديقتها الجديدة

التي لم تحصل منها غير الصدمات و التي لم تحصل على تفاهم و علاقة قوية أو أريحية مع صوت القطوة(حال اغلب البنات)*_^

ركبت السيارة و دقت السلف وحركة

شوي و إلا تحس في شي نط بويها ....بس بعد ما ادركت الامر و انتبهت للصوت ...

و ما لبث الصوت ليعاود الظهور لتحس انه اصطدم في مؤخرة السيارة شي

أوقفت السيارة لتسوعب ما حدث

و إذ بتجمهر خلف سيارتها و بما انه صوت القطوة لبيبة ففهمت انها قتلت احد ما

فاتصلت على أخيها و والدها

صوت القطوة :ألو ... ترى سويت حادث

شنو تتوقعون صوت القطوة سوت

الخيارات:

1*انزلت تجيك على ضحيتها

2*طلبت الاسعاف

3*اتصلت على الشرطة

4*حاولت أن تسعف الضحية

5*سألت أحد المتجمهرين عن حال الضحية

6*بكت و هسترت كما تفعل الفتاة الطبيعية

7*اغلقت الباب عليها و جلست كما ان شيئا لم يحدث شيء

بعد دقائق قليلة اتاها اخوها من الخيران الى المنطقة

ووالدها الذي نفس المنطقة اتى بعد اخيها

نصيحة: ترى يا شباب خففوا من السرعة لمن يصير فيكم شي

الضرر ما يوقف هني بل يتعدى و يصيب كل من يحبكم.

المهمـ

بعد فترة من التحقيقات و اللوية

اتصلت صوت القطوة لتخبرنا انها عملت حادث و صوتها ضاحك و بدات تضحك مهسترة و تقول دعمني براسه

ههههههه ككككاااااااااااااااااك ،و أنا أقول لها منو تقول ريال دعم سياتي براسه

!!!؟؟؟!!!

طلبنا منها تفهمنا و إلا الإخت طلع عليها واحد راكب سيكل و طار و ضرب بالخوذة اللي على راسه سيارتها

فكنا نقولها:لو سمحتي لا تقولين القصة علشان ما يضحكون عليج الناس

شنو دعمني براسه أهي اللي داعمته لكن اهو الغلطان صح

لكن تتهمة و تقول دعمني براسه عاد هاذي قوية و ما ترهم أبد

بس الادهى و الأمر انها ما فكرت تطل على الانسان و احنا كله نقول لها ليش ما كانت ردت فعلج الخيار رقم واحد

جان تقول : و انا شكو شعلي

هااااااا؟؟؟!!! غريبة هالبنت أنزين مو إلا رقم واحد على الأقل أي رقم إلا رقم 7 وايد صعب و قاسي

شريرة ؛d

~&~ اشوه ~&~

مقدمة: عندي ولد خال عجيب غريب ..ذكي جدا لكنه سريح كله في عالم خاص فيه

يلقب بـ"الشايب" لأنه يتكلم مثلهم و متعلق بالتراث وايد عمره بحدود 12 او 13

حياته تشبه حيات مستر بن الى حدٍ ما يعني كركتر عجيب

المهمـ

في أحد أيام الزوارة العائلية و نحن جالسين في أمان الله دخل ولد خالي"الشايب"

ليسأل والدته

الشايب: يــــما (و هو واضع يده على رأسه و الاخرى مسندها على الشرشوب)

الأم: نعم يما

الشايب: يما الساعة جم ؟

الام: الساعـ،،،ـة... أمممم اللحين ثمان و نص

الشايب: أشوه أبوي قالي قعدني الساعة ثمان

أنا:؟؟؟؟؟ !!!! لا مو ضج يا إلهي "Oh My GOD "

طبعا لمن استفسرت من الام ليش فرحان وايد أكتشفت أنه في احتمال كان يقعده الساعة عشر فهاذي معجزة

الجيل الجديد يبشر بمزيد من الانضباط

و شكراً

~&~ مدفية الكتاكيت~&~

تخبرني أغاثا الكويتية عن مغامرات الطفولة و روعتها

فقالت لي

أغاثا:عندما كنت صغيرة كان ابوي عنده قفص كله كتاكيت و أنا كنت أحبهم

فكنت أخذ لي كل ليلة كتكوت ألعب فيه و أدفيه معاي بالفراش بليل علشان ما يستبرد بره

لكنــــ

في شي كان غريب و معجبني !!!

أنه لمن أقوم الصبح القى الكتكوت ميت

و ما أدري ليش ... و ما أكتشفت السبب إلا بعد ما قضيت على عدد هائل منهم لمن جكني أبوي و فهمني

دي كانت أياااام (مساكين ماتوا خنقا)

هذا يا جماعة الخير الاجرام البريء و جعلوها مجرمة

و يمكن هاذي الطفولة كانت من أسباب ولعها بالجريمة .

~&~ الأجر المضاعف~&~

في أحد الأيام جلسنا على طاولة الطعام لتناول وجبة الغداء فذكرنا الحديث التالي:

لقد ثبت في سنن الترمذي باسناد صحيح عن أنس رضي الله عنه أن النبي صلى الله عليه وسلم قال:

من صلى الفجر في جماعة، ثم قعد يذكر الله تعالى حتى تطلع الشمس، ثم صلى ركعتين،كانت له كاجر حجة و عمرة تامة تامة تامة.

فقلت

انا :حلاته الواحد يكثر منها في رمضان و أيام الجمعة

جان تقول

كورماري:أي و حلاته بليلة القدر في الحج

جان تقول

جنجر:لا و بيوم عرفة أحسن شي

طبعا كل اللي على الطاولة في هاللحظة ظل ساكت و لا كلمه

و أنا قلت بقلبي خل نفصل على هالثنتين الفاصلين

انا : تصدقون إي والله حلاته نسويها في يوم جمعة برمضان ليلة القدر في حجة بيوم عرفه تخيلوا عاد الأجر لا و بوسط الحرم

و طبعا كرماري و جنجر من صجهم و يقولون الله بنسويها و بكل ثقة و قوة

هذولا بذمتكم شلون اشرح أو اوضح لهم ناس متخلفة حد الدوسة
أهني الطاولة ما قدرت تصبر و انفجروا ضحكا

و كرماري و جنجر كان وضعهم علامة تعجب و استفهام

!!!!؟؟؟!!!

جنجر و كرماري: ليش في شي!!!

ههههههههههههههههههههههههه

للتذكير: عمر كرماري على مشارف 18 و جنجرأصغر منها بسنة

و طبعا فهموا شالسالفة بعد ساعة و شي مع بعض الالتباس بالفهم و عسر هضم للمعلومات *_^

ترى إذا ينيت(جنيت) ما علي شرهة و إذا خربت الساعة البيلوجية عندي راح تعرفون منو موقتها *_^


هؤلاء المختلفون جدا صدقاتهم علينا كثيرة فهم يجعلوننا نبتسم و أجرهم على الله وحده
كونوا ذاكرين لله
استغفر الله العظيم الذي لاإله اإلا هو أتوب إليه
مو تنسون تصوتون (التصويت على اليسار )...و شكرا

هناك 41 تعليقًا:

  1. ولكم باك..

    فقدتج من غير شر حتى اقول لرفيجتي متعوده كل ويك اند تمرني خاتون ببلوقي صارلها جم اسبوع غاطه ..
    البوست عجيب ماشاءالله..

    صوت القطوه توقعت رد فعله وصارت صح هالسنه اغلب توقعاتي ضابطه خخخ

    صورة اللي موقف اشوه يشوق بسم الله عليه وخخخ حرام خاف ياخره ..

    كرماري كبر اختي استانس عليها ..

    بهالبوست فقدت زين :) الظاهر طاخه هالفتره ..

    ومشكوره..

    ردحذف
  2. خاتووووووووونة وينك يالبطه
    اشتقت لك ^_^

    اموت ع سوالفك والله تموتني ضحك

    وسعتي صدري الله يوسع عليك دنيا واخرة

    دمتي كما انتي

    ردحذف
  3. اهليييين بالغااااااالية ...



    اشتقناااا لج ولطلاتج العسسسل

    الله يسعدج البوست حدددده عجييييييييب ؛) ..


    امااااا صووت القطوه فديييتها عسسسسل موقفها حددده عجيييييييييب هههههههههههه طول عمرها حكيمة اسم الله عليها ؛)


    كوماري وجنجر هههههههههههههههههههههههههههههههه مووووووو صج هههههههههههههههههههههههههههه
    ياحليله جيبيهم معاج الجامعه على يوم ؛)

    ردحذف
  4. السلام عليكم ورحمة الله وبركاته
    شكرا شكرا لي هالدرجة تحبيني .
    أما دعمني براسه فحدها خطيرة أما على الإختيارات فأختار الخيار الأخير(جنا مو قارية القصة)
    ما شاء الله صج طيبة طالعة عليج يا خاتونة.
    أما الشايب فأشواإنا الساعة 8و نص إهي لو 8و 31 دقيقة جان شنو صار جان إنقلبت الدنيا فوق حدر قولي أشوى إنها كانت الساعة 8ونص.
    الله يرحمكم يالكتاكيت صج إشتقت لكم على إني ولا مرة شفتكم بحياتي لكن صج لكم وحشة.بس أغاثا صج بدعة الله يجزاج خير كنت لهم مثل الأم بس أشوى إنهم كانوا ما يعون لما ماتوا و لا جان إنتقموا منج.
    أما جنجر شنو هالفهلوة شنو هالذكاء والإبداع عاد يبتيها الله يرزقنا هاليوم إلي تنجمع فيه كل هذا البركات اللهم آمييييين.
    أما كرماري يعني صج وقت الوهقة معاج على الخط المرة الياية أخليها معاي عشان أقط البلوة فوق راسها.(وي عسى بس محد درى لحد يدري ها تراني حذرتكم ترى هذا كل حجي كرماري بدينا إنقط على راسها البلاوي)
    رورو الشخبوطة إشويشوي علينا عاد المرة الياية راح أسبقج و أحد التعليق الأول نطري بس إن دخلتي يا ويلج لا أتغشمر خلاص هذا التحدي راح يكون بينا و إن شاء الله أنا الفايزة.

    و ردا على طلبك يا أوركيد فغالي و الطرب رخيص لي طلة إن شاء الله على الجامعة بس ها ترى بس طلة و مومشكلة إذا تبين توقيع بعد على العين و الراس .

    يلا جني طولتها و هي قصيرة.
    مع السلامةو في حفظ الله ^_^

    ردحذف
  5. بوستك كالعادة ممتع مشوق وجذاب إ شاء الله دوم يارب :)

    دعمني براسه هذي إبداع طبعا أنا لو بالموقف ما اقولك جان دموع دموع ويمكن تلقين الريال اللي داعمته قاعد يرقص بس عشان يهديني :)


    أما ولد خالتك فهذا نفس حالتي زهايمير مستمر :)



    اما الكتاكيت فكسرو خاطري وخنت حيلي :(

    أما الأجر المضاعف فهذا حسسني إني بخير مرات الواحد يفصل بس الحمد لله توني في المراحل الأولى في الفصله :)


    وأخيرا عندي رجاء إن لاتطولين علينا الغيبة مرة ثانية

    لأن حيل نشتاق لج بصراحة :)

    ردحذف
  6. ههههههههه ..
    أضحكـ الله سنكـِ ...
    عاد قصصج تنفع مسلسل بلوجري لوولز ..
    أستاانس ع سوالفكم ...:)
    و ع فكره قبل فتره أول ما عرفت مدونتكم ..
    قريت كل البوستات تقريبا ...
    ----------

    سلمي على كرماري وجنجر ...
    (;

    ردحذف
  7. رورو الشخبوطة...
    سلام على الحلوين
    بصراحة أنت معذبة ناس عندي ميتين قهر منج بس قايمة و قاعدة تهدد بترد قبلج و هاذي 3 محاولة لها باءت بالفشل لووووول (يمكن لأن نيتها مو صافية)
    يا عيني عليج يا كونان يعني جكيتيها
    زين الزاد.. الله يسلمج لها بلاوي بس حبيت
    أخشها شوي ؛)Do U get me
    العفو حبيبة قلبي ^_^

    ردحذف
  8. kitkata ♥ ...
    حرام عليج أنا مو بطة ؛d صوت القطوة كل ما أقولها بسوي رجيم تقولي بالاسلوب الكويتي العنيف
    ويــــــع و اهي بترجع ههههههه
    بس هالشي يقودني حق stereo typing=لسمات العامة
    أي كل مرح بطة
    و أنا أشتقت لج اكثر و أشتقت حق تحلطماتج و روحاتج ورداتج *_^
    و يا حلو الدعوة و يا حلو راعيتها
    ^_^

    ردحذف
  9. أوركيدة...
    يا هلا بالمهلي و المهلي ما يولي ؛)
    العسل منج و فيج عزيزتي
    أما الحكمة بصوت القطوة خطيرة قررت أنه ما لا داعي تسعفة مدام هالجماهير على راسه اللي دعمها كاااااك
    كرماري و جنجروا تحف ما مثلها تحف مبدعين في دنيتهم و بخلق الله
    احاول ايبهم بس كرماري السنة الياية ويانا باذن الله بالجامعة فبس راح تكون الضيفة جنجرو *_^
    و حياج الرحمن يا بعد شبدي ^_^

    ردحذف
  10. جنجر...
    و عليكم السلام ورحمة الله و بركاته
    أولا : شقصدج بهالتعليق تبين تقصين على الناس و تبينين لهم أنج حكيمة و إنسانة طبيعية
    مهما تحاولين تدعسين حجي سنع لازم تطلعين على حقيقتج خخخخخخخخخخخخ لعبي غيرها هاااا*_^
    و صبح صبح يا عمي الحج *_^
    ثانيا:هين تطنزين طيبة علي أي طيبة علي أفتخر انا علمتها هالنوع من الطيبة ههههههه
    لا عادي يعني ما تعرفين "الشايب" راح يضحك ضحكته البريئة و يقول نسيت وراها ضحكة أحلى و أبرء
    أهم شي أنهم تدفوا و لو كان بأقسى و أصعب الطرق راح تكون آخر لحظة دافية
    توني عاد معلقة على اللي محترة انت منها ^_*
    أنا فاهمتج قصدج طلة بمعنى الكلمة هين بفتن عليج
    سلملم حافظج ربي ^_^

    ردحذف
  11. كوكتيل...
    أنت بنت طبيعية صوت القطوة بنت شريرة ههههه
    مدام انج نفس ولد خالي فمعناته أنج ذكية اهم جذي الاذكياء
    الكتاكيت اللحين في مكان احسن من اللي احنا فيه
    مدام انج مو حاوالين جنجر فانتي بخير لانها تعدي لوووول
    واي يا بختي يشتاقون لي وناسة طلع حضوري ملموس
    علشان خاطرج ما راح اطول *_^

    ردحذف
  12. سمو الأميرهـ ..ツ ...

    احنا قصصنا ما تخلص علشان بس خاطركم نبي ضحكة سنكم تدوم
    قراءة بوستاتي كلها اطراء يثلج صدري و ان شاء الله ما غثيتج بشي *_^
    و بالنسبة للسلام يبلغ عزيزتي؛)
    نورتي المدونة ^_^

    ردحذف
  13. جنجر اوكي اقبل التحدي خخخ..

    خاتون صج اهي جنجر ولا غيرها ؟؟

    عاد هالمره طولت يالله رديت بس هم حطيت رد قبلها حره حميصه خخخ..

    و صح احب كونان والمغامرين الخمس والالغاز البوليسيه :)

    ردحذف
  14. نمله النموله4 مايو 2010 في 12:49 ص

    صباح البرتقال

    قريت هالبوست 3 مرات بس مااقدر اكمله والسبب نشيدتج الدمويه
    انا قلبي رهيف مو مدعوم ع راسه بعده شكله مو ناوي يقوى ...

    بالنسبه لصوت القطوة
    تبي تبرر لنفسها ان مو اهي الغلطانه
    واللي يرفع ضغطي انها لي اليوم مو ناويه تعترف كلششش

    وولد خالج
    ههههههههههههههههههههههههههههههههههههههههههههههههههههههههههههههههههههههههههه
    في قمة الذكاء ,,, احسده على هالذكاء بس الله يعينه شكله بيروح وطي ,, يودي روحه بداهيه

    ..
    اما اغاثا
    (___________)
    لا تعليق
    @@

    ,,
    خاتونه بليز ابي اطر منج شي بسيط اوكي؟؟
    كثري بوستات انتي عارفه اوضاعي
    ملل
    واكتئاب
    و و و و و و

    وشكرا



    بس لا تنسين تذوقين البرتقال اللي فوق يقولولج طعمه رمان

    ردحذف
  15. ياهلاوالله من طول الغيبات
    والغنايم هالبوست الحلو الطريف
    تسلمين عليه

    مدونتك استراحة جميلة ومرحة
    وأرتاح فيها


    وكل الورد يا عسل

    ردحذف
  16. رورو الشخبوطة...
    صدقيني انت راح تفوزين لأنه اعرفها هالانسانة فاقدة بس احيانا يطلع منها يعني ممكن نعتبرها منافس
    اي هاذي جنجر الأصلية
    و حق جنجرو هذا الميدان ياحميدان (اتوقع اللحين جنجر ماتت من هالتعليق خخخ)

    ردحذف
  17. نملة النمولة...
    مساء الفراولة
    شرايج اشيل الاناشيد ؟
    و بعدين في تحكم بالصوت طفيهم
    I know صوت القطوة اللحين في مرحلة الانكار و اذا ما اعترفت راح تسبب لها عرقلة بحياتها (بس ما اظن ما اكو احد كثرها يضحك و ذاك المسكين الله يعلم بالحال و لا صلح سيارتها بعد ههههههه)

    ولد خالي هذا عسل صج كله مفهي بس هالنوعية ذكية و الله حافظهم يذكرني بطفولتي و في عنه قصص تضحك أكثر بالمستقبل *_^

    و اغاثا مشكلتها انها حنون هههههه

    و بالنسبة للطلب يا غالي و الطلب هبة
    و بما انه البرتقال بطعم الرمان فلا ضير من التجريب *_^ هذا الخراف و ما يسوي

    ردحذف
  18. الغدوف...
    يا هلا بالمهلي و المهلي ما يولي
    شكرا على الاطراء اللطيف اللي اعتز فيه
    و حياج الرحمن عزيزتي
    ورود جوري لقلبك*~

    ردحذف
  19. رورو الشخبوطة...
    تدرين جنجر اللحين عندي و تقولي تكفين شنو البوست الياي علشان اجهز رد
    و انا قلت لها هين ان ما فضحتج ، تبي تسبقج
    بس كشيتها ههههههاي
    و قاعدة تهدد مسكينه بدت تحس بالخسارة

    ردحذف
  20. نمله النموله4 مايو 2010 في 4:58 م

    لا خاتون ترى انا ما احب الهدوء لازم في ازعاج
    لا تشيلين الاناشيد
    بس لا تختارين اشياء تبجي مثل والله مايسوى

    ..
    اذا اغاثا حنون يعني عادي مو جديد عليها

    وعساج ذقتي البرتقال
    ترى يجلب السعاده
    هههههههه

    ردحذف
  21. ههههههههههههههه خاتون والله انك عسوله ودمك خفيف وتشرحين الصدر

    فقدنا مواضيعك الرايقه .. صوت القطوه والله شي عجيب ههههههه ولد خالتك مثل ولدي يزيد الله يخليه ويحفظه يارب
    اما جنجر وكرماري حلاة الموضوع والله .. اما الكتاكيت ياحرام عورني قلبي عليهم ..

    خاتون حبيبتي الله يسعدك ويوفقك يارب.

    سلامي لااحلى وردتين جنجر وكرماري

    ردحذف
  22. نملة النمولة...
    لازم تبجين على الاناشيد و تضحكين على الموضوع علشان ما تنسين انه الحياة فيها الاثنين(صج اني حكيمة زماني ههه)
    و البرتقال شغل عدل بس يقولج فيه طعم خوخ و عسل هالايام هههههههههههه

    ردحذف
  23. رندا الجنوبية...
    العسل منج و فيج رنودا
    و شرح الله صدرج بالايمان و طاعة الرحمن
    ما تفقدين غالي ان شاء الله
    عسى الله يحفظ يزيد و انشوفه امام للحرم
    و سلامج يا وردة يبلغ *_^
    حياج الله و بياج في كل وقت ^_^

    ردحذف
  24. اقعد من قدي ذاكرتني في اول الموضوع لهدرجه تحبيني

    اي و على طاري هالحادث (دعمني براسه !! ) اي مصره لي الحين لووووووووووووووووووووووووووووول

    الله يسلمج انا بكل هدوووء قاعده اسوق سيارتي


    و لا اسمع بصوت خفيف و شي انحذف فوق السيارة

    و انا يدوووب حسيت بالصدمه

    المهم اني وقفت على حارة الامان و انا مو متأكده من الي صار

    بالاول علبالي ان حادث صار وراي و شي انحذف منه و وصل لي عندي

    بعدين قلت لا يمكن يمكن شي طاح من سيارة

    المهم طالعت بالمنظرة و لا اشوف هالاخشبة توقف على ريلها !!!!

    بعدها عرفت ان الي انحذف فوقي بني آدم مو خشبه

    بس بما ان وقف على ريوله و قاعد يمشي ( حلات الروح )

    و لا ما شاء الله عليه مشى لي نص الشارع و سحب سيكل و وداه لي حارة الآمان

    المهم وقفو له شباب بس وقفو الشارع علشان ياخذ سيكله

    و مشو و خلوه ( مسجييين )

    طبعا انا اتصلت باخوي العود

    انا: الو
    اخوي: هلا صوت القطوه
    انا: وينك فيه
    اخوي: بجاخور بجبد ليش بغيتي شي
    انا: لا خلاص عيل
    اخوي: شفيج
    انا: لا بس جني اندعمت !!
    اخوي: جنج و لا اندعمتي ؟؟!!
    انا: ما ادري
    اخوي: انتي فيج شيئ
    انا: لا
    اخوي: خلاص عيل الحين جاي لج
    انا: لا خلاص الحين اقول حق ابوي
    اخوي : وينج في

    وصفت له المكان و بعدها دقيت على ابوي و قلتل لها و وصفت له المكان

    بعد دقايق و لا اخوي ياي ( قبل الشرطه )

    يا عندي و قال شنو صار

    قلت ماادري

    عاد راح اخوي و انا قاعده اطالع بالمنظرة

    وراح حق هالصبي المسكين الي محد عطاه وي واقف بروحه ( يعين الحين الي يسمعني يقول مهتمه )

    اخوي سلم عليه و اخذ من معلومات الحادث

    و ياني و قال هذا داعمج نطري خل اتي الشرطه


    بعدها يا ابوي و خواني الثانين

    راح ابوي يشوف شنو صار بالصبي

    و ياني و قال ما في شي ( علباله مهتمه هههههههههههههههههههه)

    بعدها يا الشرطي

    و حقق بالحادث

    بس على فكرة انا بااااااااااااااااااااااااااردة بالامور الي شذي بشكل مو طبيعي مو بس مع الناس الي ما اعرفهم حتن اهلي ان صار موقف يخرع تلقيني انا ابرد و اهدى وحده و بكل برود اقول ما حصل الا الخير

    و بعدين اذا مات انا مالي دخل اهو الي دايس فوق 120 و مو تراك و لا مسافة و اهو الي دعم يعني اهو متعمد انه يسوي حادث على قوله صالح العجيري اي اهو الي انتحر انا مالي اي شغل

    و ثاني شي لا اعرفه و لا يعرفني ليش عيل اتعب عمري و اهتم لامره اهو ما اهتم لعمره تبيني انا اهتم له خل يسوق عدل بالاول يعيني ان داس 160 او 200 بيوصل و خفف السرعه ما يوصل .... و الله حاله

    بس على فكره هم ( دعمني براسه ) بعد طبعت راسه انحفرت على سيارتي
    كااااااااااااااااااااااااااااااااااااااااااااااااااك

    مصرة على موقفي لي الحين

    آسفة على الايطاله بس لازم ابرر موقفي خليتيني انسانه شريرة

    و انا كلي برائة *_^

    ردحذف
  25. صوت القطوة...
    انتي بعد ردج هذا اثبتي التهمة على نفسج
    و بعدين شلون تسوقين بدون عيون شلون ما تنتبهين لو منتبهة جان عرفتي انه ادمي مو خشبة
    الحجي معاج ضايع الريال اللحين
    ما يذكر اسم امه و تلومينه
    طيش شباب عسى الله يهديه اتوقع اللحين تاب من الخرعة
    بس انت مشكلتج برودة ابد الدهر ما فيج حيلة
    لوووووووووووووووول
    و وردة جوري للبريئة(يصير خير)*_^

    ردحذف
  26. نمله النموله5 مايو 2010 في 3:14 ص

    صوت القطوة ليش انتي مصرة على اخطائج العجيبه
    اصلن اللي يسمع السالفه عبالهم داعمج باص وشايل سيارتج كلها
    وسايق الباص طلع من الجامه وراسه دعم سيارتج
    خلي هالمسكين بحاله اقصاه سايق سيكل
    بعدين ليش حاطين 3 مناظر بالسيارة مجرد زينه مثلا
    ترى قابله للاستخدام

    بس عاد تصدقين انا لي اليوم مستغربه من شي
    تدرين شنو اهو

    شلون ماشلعتي السكان
    العاده انتي اتلين السكان
    فالعجيب ان الحادث ما خلاج تشلعينه
    ..
    مادري متى تتادبين
    وتسوقين عدل وما تدعمين سيارات الجيران (هههههههههههههههه)
    >

    ردحذف
  27. الأخت الفاضلة :: خاتون ::
    تحية صباحية عطرة معطرة

    أراكِ رجعتِ بقوة ..)

    هؤلاء البشر مختلفون جدًّا ..

    وهذا النص ظريف ولطيف جدًّا ..


    خيالك واسع


    أطيب الأمنيات .

    ردحذف
  28. نملة النمولة...
    جك جك جك (تصفيق)
    هذا اللي نقوله من الصبح لكنها لي الحين مصرة ههههههههههه

    ردحذف
  29. محمد سعد القويري...
    حياك الرحمن اخي الفاضل
    اطرءك شرف اكبر مني تقديري لقلمك
    و ليس في اي من القصص خيال اطلاقا
    بل هي حقيقية 100% و من بشر حقيقيون 100%

    و أدام الله عليك السعادة في الدارين
    ^_^

    ردحذف
  30. صوت القطوه5 مايو 2010 في 6:08 م

    خاتون لا و انتي الصاجه الاخ متعود على الحوادث هالحادث ثالث حادث يسويه بالشهر الواحد و بكل ثقه يقول للضابط عادي متعود الاسبوع الي فات طلعت سيكلي من القراج اي ما صار له اسبوع و سوا هالحادث الثالث
    تخصص حوادث

    و اثبت و لا ما اثبت على الاقل في شي يميزني
    و رده فعلي غريبه

    و ترى لي الحين مصرة ليش اسال عنه و انا ما اعرفه

    ردحذف
  31. صوت القطوه5 مايو 2010 في 9:16 م

    الله يسامج يا نمله

    لا تخليني اقول بلاويج بالسياقه الي يسمعج يقول اسكت احسن وحده بالديرة تسوق ترى كلنا بالهوى سوى ها على الاقل انا ما صعدت على احد و لله الحمد

    ردحذف
  32. زين الزاد

    خاتوووووووووووووون انا اهني

    يه يه يه شهالزين شهالحلاة ...ذوقج حلو طول عمرج

    يا حلاة سوالفج ...


    صوت القطوه اسعقتني .. اشوه مو انا الي دعمته جان لميت الصبي من الخرعه .. وقمت ابجي عليه,,,


    خواتج ,,,يا حلاتهم فاصلات مثلي ,,,:*)



    روروووور وووو الشخبوطه ....يا بعد جبدي
    انا اهني ...كاااني ..حتى انتي حاسه اني طاخه لوووووول

    ردحذف
  33. صوت القطوة ...
    هههههههههههههاي

    ردحذف
  34. زين الزاد...
    الزين و الحلى منج و فيج يا بعد جبدي
    ما اظن احد يقدر يفصل و يطلع خارج التغطية مثلج
    لوووووووووووووول
    عيوني اشتاقت لج هذا 2 يوم ما اشوفج :(

    ردحذف
  35. نمله النموله7 مايو 2010 في 1:28 ص

    صوت القطوة لو سمحتي عن الجذب
    ترى انا ملا حظه ان هالشهر زايد جذبج
    انتي وبعض الناس
    !!!!!!!!!!!
    مادري ليش ياربي
    ___
    وثاني مرة لا تصعدين على سيارات زملائج بالكليه
    ترى سيارته بورش
    ..
    من قال انا عندي فضايح بالسياقه @@
    انا ماوقفت وسط الشارع صوب الشويخ والشارع ماشي
    ولا اللي وراي يضحكون
    كلش مو انا
    يقولون ان هذي انتي
    ..
    عاد تصدقين يا خاتون من ساقت صوت القطوة
    وانا اشوف الناس تموت بدون سبب
    الحين شكلي عرفت السبب
    ههههههههههههههههههههههههههههههههه

    لا عصبين علي صوت القطوة بعدين اسير مريضه

    ردحذف
  36. كااااااااااااااااااااااااااااااااك احلى شي ان الاحادث الي قلتيهم يا نمله صارت قبل لا اسوق
    مما يدل على انج انتي الي سويتيها

    اعترافج عجيييب
    و يالظالمه بوووورش عاد


    انا الي اعرفه انج صعدتي فوق احد بالكليه بس منو ما ادري

    حرام قطعتي قلب صاحبها

    و انا الي اذبح الناس ها


    الله يستر عليج بس

    خاتون مدونتج صارت اعترافات لووووووووووول

    *_^

    ردحذف
  37. أقول حجيات بطلوااااا
    سويتوا المدونة مسنجر
    هذا اللي يعطي وي حق يهال ؛d
    Stope !t !mmed!ately
    و تراكم وحده فيكم بلوة أكثر من الثانية و ستروا على نفسكم ههههههههه*_^

    ردحذف
  38. انا برد اخر مره خخ..

    هالمره سبقتها بعد انا من شفت انج منزله بوست قحصت خخ واختي تسولف اقولها عقب داش تحدي قعد تصفق وتناقز تشجعني خخخ..

    واشووه ماغششتيها :)

    ردحذف
  39. رورو الشخبوطة ...
    لا تحاتين أنا ما أحب الغش بس اهي تحن تبيني أغششها
    على البركة أستحقيتي الفوز بجدارة
    و جنجر لا تبجين هارد لك
    الفوز مو شي سهل
    كااااااااااااااااك مسكينة هههههه

    ردحذف
  40. مساء الورد
    مدونتك عجيبه ...... اضحكتني من القلب ....
    قصصك رائعه .....
    جنجر وكورماري .......فصله و حدهم مووووووو صج
    الكتاكيت الله يرحمهم ... وين لجان الرئفه بالحيوان من أغاثاااااا....اما الذكي الي بعايلتكم يذكرني بالعبقري .... بو وليد
    مدونتك مثل سلة القريقعان فيها من كل لون ونوع
    دمتي بود

    ردحذف
  41. السيف...
    مساء الايمان و طاعة الرحمن
    هدفنا هو ابتسامتكم
    كرماري و جنجر من زمن آخر
    و أغااثا كان غرضها انساني و بريء لكن تجري الرياح
    و قرقيعانا هالسنة أحلى و أكثر تنوع
    حياك الرحمن
    ^_^

    ردحذف

حياكمـ،،،