مدونة خاتون...أول مدونة تتخصص في الكوميديا الواقعية بالشرق الأوسط *_^

تمنياتي لكم بالإستمتاع هنا

الجمعة، 23 أكتوبر، 2009

!!! مستحضراتنا و بلاوينا !!!

وسواس زين الزاد،،،

قصة بيض الزهيوي ،اهي قصة قالتها النملة لزين الزاد و من هنا بدأت المعاناة فما أن تلمس زين الزاد شيئاً إلا و غسلت يدها و عقمتها

حتى انها كانت تعقم عدساتها الطبية (سابقاً الحمد الله الحين النظر صار 6/6)،حيث كانت سابقاً تحط المحلول على اصبعها و تلمس بصبعها عدسة عينها و أحيانا تشيل العدسات و تحطهم على راحة ايدها و تغمرها بالحلول يكون تعقمها (أدري لوصة و حوسة ) لكي تطريها يكون يعني شاطرة لكن بعد أن سمعت هذه الحكاية فانها تستعمل المحلول مثل اقطرة على العين مباشرة علشان تطري العدسة خو البنت مهملة ما تيب العلبة مالت العدسات لأنها ثقيلة يمكن!!! (مجنونة و فنانة هذه الفتاه ).
البراطم،،،

في احد الا يام ذهبت لصيدلية لشراء زبدة ترطيب الشفاه العادية ،دخلت الصيدلية
انا :لو سمحت عندك زبدة يبيلو (غيرت اسم الشركة علشان الدعايات هههه)
الصيدلي:معندناش
أنا:انزين..ما عندكم نوع ثاني
،،جان تطيح عيوني على زبده شكلها عجيب و من نوع راقي باين عليها طبية و غالية قلت اكيد هاذي زينه خل نجرب،،
انا: خلاص عطني ها ذي
الصيدلي :دي !!
أنا :أي هاذي
و بعدها رمقني الصيدلي بنظرة و ابتسم ،و أنا أتحلطم بداخلي قطيعته شيبي هذا
المهمـ ... عطاني ياها و مشيت ، و من ثم بديت استخدمها (الله وكيلكم ) 3 ايام و بدا المفعول يطلع أصبحت شفاهي منتفخة كالمنطاد و بدات تحكني على بالي حساسية فعلشان جذي ما حطيت على حلجي شي فرجعوا كسابق عهدهم ،ثم عدت للزبدة فعاد الانتفقاخ فتاكدت أن الزبدة اهي السبب فرحت أدور العلبة مالتها و الا مكتوب أنها لنفخ الشفايف و كان الوضع كأنه احد صاب علي ماي بارد أنزين متى يخفون بعد بنطر مثل المرة اللي فاتت شلون بواجه الناس اشوه أنه عطلة و قلت لأمي فقالت و انا أقول منين لج هالبراطم ، يا جماعة كنت احس بثقل البراطم ما اقدر احرك راسي عدل خفت يصير في رقبتي شي من الثقل ،و جنجر تتطنز و تقول شتبين بعد لا عملية و لا بطيخ ، و عانيت بعدها من التهابات في الشفاه فلحد ياخذ شي و يتهور نفسي و اذا طالعكم الصيدلي جذي عرفوا انه في انه و من هني عرفت سر الابتسامة اللئيمة .


بديت أكبر ،،،

في أولى جامعة بديت أحس أني قاعدة اتقدم بالسن و ان التجاعيد راح ستغزو وجهي (طبعا كان عمري 17 ونص)،حيث عدد الشموع بدا يزيد فقررت تدارك الأمر

و بما أن غرفة والدتي لا تخلو من كريمات الشد على الرغم انها ما تستعملها

بس ما تبي تكسر خاطر خبيرة التجميل

فقلت انا بحلل الفلوس لانهم غالين عاد انا ما احب شي غالي لوووول *_^
وما قصرت كل يوم استعملهم بسكات و لما توريني امي كريم من هالنوعية و تسألني هذا شنو تبرق عيناي فرحا فاتله(أجره) و اقول مرطب و اخذه و اقب(اهرب) لانهم فايضين عندها و تمر الايام و انا أستخدم و أراقب بشرتي أحس ياجماعة أنها قامت تنمط مثل المطاط و تشد و أصبحت تلمع كالنايلون المشدود أو البالونة بشكل أصح و ما هي إلا ايام و انبطت و أنفجرت

أي وجهي انبط و انشقت عيوني المسكينه لأنها اكثر منطقة ركزت عليها و كل البلى يحوشها ههههههها
و كانت أولى صرخاتي أمام المرآة
أأأأأأأأأأأأأأأأأأأأأأأأأأأأأأأأ
عندما رأيت الشق في عيني من كثرت الشد و اصبح جزء من الجلد مكشوف و بدا يلسعني أي شي ... و بطلت من يومها ألمس كريمات و قطعت على نفسي عهد قابل للتبديل و التحريف إن لزم الأمر(كلام حريم لوول)

و هو أن أبتعد عن أي كريم شد
أنا أعتب على شركات هالكريمات ليش ما ينبهون ممنوع على الأطفال ترى مو مكتوب!!!

لكن بو طبيع ما ييووووز عن طبعه الحين ما استخدم هالنوع من الكريمات الا في فترات متباعده^!^ و غالبا لمن تكون عيوني مرهقة من السهر كله في سبيل العلم يهون ^_^
هااااا شرايكمـ بتصميمي وتصويري أنفع أصممـ دعايات؟؟مو؟


دكتورة ماما ،،،

لمن نستمرض ما نروح الطبيب على طول أول ما تشوفنا أمي توصف لنا الدوا و تشتريه من الصيدلية
الأمراض و وصفات ماما الطبية :
-النشلة و الحساسية =زيرتك أو تلي فاست أو كلارانيس +فبروسيل لمن الخشم يقفل
-عوار البطن =بينكرو فلات و نسيت +ديسبوتالين
-الكحة =مضاد حيوي إجباري حتى لو رفض الطبيب وصفه توصفه أمي لنا إي ليش ما أدري الفايروس غير البكتريا ما ينفع لكن أمي تصمم لازم مضاد+ دوا الكحة اللي عليه العشبة الخضرا +الحلاوة الحمرة +ستربسيل+حبة مص البيضة اللي عليها شعار قوس المطر
-الامساك=أجيولاكس
-و البندول لجميع الحالات تقريبا يدخل مرافق
و هنالك وصفات أخرى لا تحضرني حاليا ^_^


هل استخدمتوا مستحضر تجميلي بطريقة خاطئة؟ و شنو كانت النتيجة؟

هل وصفتوا أدوية من قبل حق نفسكم بدون إستشارة طبية ؟

ليش أحنا بالكويت أو بالأصح بالدول العربية كل واحد فينا دكتور نفسه ؟

وليش أستعضنا بأمهاتنا عن الدكتور؟هل لأنها حفظت أمراضنا و الأدوية المناسبة؟
تساؤلات حيرتني جداً،،،؟!؟!؟
~بحفظ الله و رعايته ~

هناك 20 تعليقًا:

  1. السلام..

    خخ عاد توني بسالج شنو ماركة اللي يتفخ رفيجتي تحب هالسوالف بس مدام مو زين مابي استاثم فيها..

    وكريمات التجاعيد ماتنفعنا معروف انها لفوق 25 مادري ال30 اذا مو ال90 :p

    انا امي كدويه دايما بندول وحبه حمرا ودوا ازرق وبلستان << مادي اسمه بالضبط شلون..

    كاكل عوار البطن مره والامساك موز وطلع اهو موزين يزيد الامساك خخ و اذا دايخه عصير برتقال وهم روب مع سماقبس نسيت لشنو بالضبط..

    ونثق بامهات لانه الاطبه صاروا فشله استغفرالله..

    خوش بوست ماشاءالله..

    مرسي..

    ردحذف
  2. رورو الشخبوطة...
    و عليك السلام و الرحمة زائرتي الجميلة و الأنيقة

    لا تستآثمين برفيجتج تسوي تهيجات للبشرة حول الشفايف
    أدري أن كريمات الشد حق الكبار بس لازم أتعبث *_^

    بس صراحة أمج أرحم من أمي بالأدوية وصفاتها سيفتي مو نفس أمي أدويتها تضرب بالعميق ...و على قولتج الأطبة فشلة الله المستعان ...الموز كله ألياف و بوتاسيم يسوي إمساك لكن الحليب البارد و العنب يحل المشكلة أما عصير البرتقال وصفة صحيحة لأنه الفيتامينات و تسوي تنبيه عالي
    U R S0 Welcom ^_^
    U ThinK My Post Great because U 've Great EyE

    ردحذف
  3. شكلها خوش خلطات وان كنت متأكد اني ما راح اجربها ولا حتى افكر ، صج صج الله يعيينكم يا البنات على هالتزيين والمكياجات .. لا وآخ شي ما يعجب رياييلكم بعد ^^

    ممكن نستفيد منكم مستقبلاً ونرشد زوجة امسقبل على مدونتكم ووصفاتكم ^^


    < مدنة ورقة >
    http://wara8ah.blogspot.com/

    ردحذف
  4. Mr.Mask...
    لا مو خوش خلطات و لا تجربها^_^
    وصفاتي دمار ما أنصح أحد فيها أنصح الناس الابتعاد عنها بالأصح...أمممم مكن ننصح بأدوية ماما
    غراسيس على المرور
    WElc0Me

    ردحذف
  5. اسعدني مروري الاول لمدونتج خفيفة الظل
    :))
    و اتمنى تشرفيني في مدونتي المتواضعه اللي هم تحتوي على ارشيف ما اتذوق

    تحياتي :)
    اخوج
    ريمس

    ردحذف
  6. لووووووووووووووووووووول خاتون طلعت هذي سوالفج
    عاد طافني البراطم ما لاحظت زياده في الفوليوم :q


    وانا اشوف الجنطه ثقيله اثاري العده كلها داخلها
    على فكره جنطة خاتون تلقى فيها ورقه يعني نوت والباجي عباره عن شنط صغيره تحط في وحدة كريمات والثانيه فيها عدة المانيكير والثالثه فيها مكياج مع انها ما تحط مكياج في الدواام
    ولا تلقون بعد ولاعه بس هذي سوالف مايكرو لا يروح بالكم بعيد ؛)

    وعن قريب يمكن نلفى فيها بلسم بس مو حق الشعر البلسم عند خاتون متعدد الاستعمالات

    زيون مبدعه والحين بعد عشان الافلونزا الديتول ما يطيح من ايدها لوووووووول

    هالبوست انا عشته على ارض الواقع وكل يوم يمر علي :)


    M!sS-science

    ردحذف
  7. reemas...
    يا هلا ومرحبا بقدومك زائر مرحب به
    مرور راقي قد أسعدني و أتمنى فعلاً أن تكون مدونتي خفيفة ظل ^_^
    غراسيس على المرور
    Welc0Me

    ردحذف
  8. M!sS-science...
    ههههههههههههه كاااااااااااااك لوووووووووووووول
    ليش فاضحتني يا الظالمة ...ذكرتيني بأول ما تعرفت عليكم لمن كنت أقولكم مدو أيدكم و بعدهاأحط لكم جل على أيدكم و أنتوا علبالكم حق أيد و عجبتكم ريحته و سألتوني عنه جان أقولكم أي ريحته حلوه هذا جل شعر كانت عيونكم طالعة برة من الصدمة "وبقلوبكم شالمينونة"
    كانت أيام ...هاذي جنجرو اللي تحط بلسم الشعر للأيد مو أنا خخخخ
    أنتي مو بس عشتي هالبوست على أرض الواقع أنتي كنتي جزء منه لوووووووووووول
    حياج صديقتي اللي فاضحتها أنا و زيون في كل حته *_^
    لا تستانسين قريبا بتشوفين بلاويج مكتوبة هنا *_^ Just Wait Sweet Heart^_^

    ردحذف
  9. حساااااااااااااااااااااااااافة ما شفت براطمج
    عاد انتي ما حطيتيهم الى بالعطلة جان ضحكنا شوي *_^

    يحليلج يا خاتون
    اي على فكرة الدكتور موجود في كل بيت مالا داعي نروح الطبيب بس تمرضين روحي عند امج و اهي توصف لج الدوه هقوتي حفظو لان حتن امي شذي لوووووووووووول


    هالبوست حده عجيب ... ناطرين الاعجب منه


    صوت القطوه

    ردحذف
  10. صوت القطوة...
    يا الله حيها ...شخباري من زمان مو مشرفتنا هووون
    لا ما أتوقع تبين تشوفينهم أمي لمن كانت تشوفهم ما تبي تجرحني و تقولي شفيج طلع لج براطم و ظنت أنه من العياب لووووول..و أنا ما حسيت إلا لمن ثقلوا ههههاهاي ..بعد حتى أمج خلاص عيل ما في بالكويت نقص دكاترة لووووول مفروض يقفلون المستوصفات بس الجراحين يخلونهم على ما يتعلمون أمهاتنا منهم ^_*

    ردحذف
  11. السلام عليكم ...

    عاد الله يهداج انتي بالاول رلمن تروحي الصيدليه
    انتبهي واقري المضمون بالكريمات
    ومن هالاشياء ..

    طيب ولمن الصيدلاني قلتي له عطني هذا هو بعد ليه
    ماقال عنه او وصفه العتب عليه ..

    وترى حتى انا جيت بستعمل كريمات مدري وش له
    ووين يحطونها اصلا بس امي منعتني
    قالت توك صغيره لاتخربي بشرتك
    زين اني طاوعتها ولا كان رحت فيها ...

    موفقه خاتونه وانتبهي لشفايفك ^_^

    ها خفو ولا لسى ..؟؟

    ردحذف
  12. جنات...
    مفروض ...أقرا لكن أنا عمياني على طول الشكل حلو يعني المضمون حلو هههههههأي و الله صاجة الصيدلاني أهو الشرير ...زين سويتي يوم سعتي نصيحة الماما
    أفا عليج خلاص مرة ثانية بتأكد عدل مدل ...
    خفو لووووووووووووووول حلو السؤال الاستهزائي الظريف ههههههههه^_^

    ردحذف
  13. الله عليج خاتون ليش ما قلتيلي عن الزبدة وانتي تعرفين مشكلتي المزمنة مع البراطم وبعدين بالنسبة للادوية تظل امج ارحم مني انا عندي جنطة هاند باج للادوية بس انا دواي الاساسي اهو الثلج وتعرفين سالفتي وياه واخيرا nice post ..........بنت جابر

    ردحذف
  14. اهلا اهلا^_^
    بيض زهيوي احنا خلينا نتقبل الزهيوي عشان نتقبل بيضه
    لأنها ثقيلة يمكن..
    ههههههه مو يمكن الا اكيد :)

    عجبتني حركة الدعاية وانا اول ما قريتها قلت اكيد كاتبتها غلط ..
    اجل ابتسم ابتسامه خبيثة..داري انك ما دريتي انه ينفخ .. خلاص ان شاء الله بجيب لك هدية كرتون يبيلو ^_^ عشان ما ترجعين له

    كبرت:(
    حتى انا كبرت

    انا معقده بسالفة الادوية ما اخذ الا اشياء شعبية ..قلت لكم كبرت عجزت ..
    واذا مرة مرة مرة تعبت اروح عند الطبيب واخليه يوصف لي..

    الى اللقاء

    ردحذف
  15. لووووووووووووووووووووووووووووووووووووول ..
    :p وآي وآي عّجيبةْ ..
    عِندج قصص من الف ليلة وليلة
    مدري الف تجِربة وكريم >- ملقني :p

    هل استخدمتوا مستحضر تجميلي بطريقة خاطئة؟ و شنو كانت النتيجة؟
    اممم .. مرات من الطِفآقة الجِميلة فيني
    اشتري كِريمآت بس لمآ اسوي سيرج بقوقل يطلع مضره
    والحمدلله ربي يحبني ان شاء الله :")


    هل وصفتوا أدوية من قبل حق نفسكم بدون إستشارة طبية ؟
    ويييييييييييييييييييييه ياكثرها
    خصوصاً ادوية مالت اول .. خلطي مرة مع مدري شنو
    يطلعلج كتكوته <- - فاصله

    ليش أحنا بالكويت أو بالأصح بالدول العربية كل واحد فينا دكتور نفسه ؟

    1-لأننا عِرب :) نِحب المعرفة ونضحي بأرواحنا
    عشّان نِكتشف
    >-رقع
    2- لان عيزانين نروح للدكتور :p
    <- - يقنع اكثر ها !

    وليش أستعضنا بأمهاتنا عن الدكتور؟هل لأنها حفظت أمراضنا و الأدوية المناسبة؟
    لأن قلب الام دليلها :) ..
    و ثاني شيء لانها اكيد مجربة لووووووول ..




    يعطيج العافية ..
    الله يونسّج بالعافية .. :) ونسّتيني
    و فرحتي اساريري ..
    صآجة وجِدان اختي :") تنحبين بسّرعه ..
    مالومهآ والله تِدخلين القلب


    بوركتِ ع المدونة والتدوينآت
    الرائعه

    ردحذف
  16. بنت جابر...
    ماني معلمتج عن الزبدة لأني أدري أنه سوالفج دمارٌ في دمار و يا ما كان لك أصص و حكايات...أما البراطمـ لأمرج لله لو يايتني ذيك الأيام جان تبرعت لج تكفي فريج هههههههههههههههههاي
    أما بالنسبة للأدوية فلا تعليق وصفاتج محظورة بس لو يدرون الدكاترة جان شقوا جيبهم...أهو ثلج أهو جلي أهو برد أهو خرابيط أصلاً جنجر تقول لي المريض عندج سعيد حتى يشفى لووووول ...يسعدني مرور قارئة بمستواك و ذوقك نورتي البوست^_^

    ردحذف
  17. ابتسم^_^...
    يا هلا بالمهلي و المهلي ما يولي
    مشكورة حبيبتي على كرتون يبيلو تراهو وصل *_^
    يحليلج نفس ادويتي شعبية وأحيانا
    باسكن روب (علشان الدعاية لووول)أو هاقن و بس (همن علشان الدعاية )
    أبوي أكثر واحد يروج "للمرة" و الاعشاب و قمت أدلعه "أبو مرة" ههههه و كال مرة يهب لنا بدوا شعبي شكل كله من عمتي الله يسامحها و احنا ناكلها ^_^
    ترى الشباب شباب القلب *_^ههههه
    حياج و بياج

    ردحذف
  18. نبراس...
    ياحلوج و يا حلو ييتج حدها مفرفحة (ترا صفة جديدة *_^)
    و الله منتي هينة تسوين سيرج بقوقل أممممـ يبيلة
    أنزين إذا خلطنا مرة مع راس تمساح عوي شيطلع؟ خخخخخخخخخخخ ههههههههههههههههه
    لأنه العرب عبثة قصدج و كسولين أمممممممممـ
    يبتينا رايت ...مبروك ربحتي الجائزة الكبرى بالاجابة على هالسؤال
    أما قلب الأم دليلها هاذي ما عليها كلام ما في بعد أحسن من جذي ^_^
    الله يعافيج و يخليج و بيت مكة يوديج
    ونسج الرحمن بطاعته قولي آميـــــــــن
    كلن يرا الناس بعين طبعه لأنج أنتي و وجدان حبايب فتحبون الناس
    و حياج الرحمن المدونة مدونتج و المكان مكانج ^_^
    ~بوداعةَ الله ~

    ردحذف
  19. الأخت الفاضلة :: خاتون ::
    تحية عطرة
    وبعد
    أختي أعتذر عن تأخري في المتابعة
    وذلك لظرف انتقالي الجديد إلى الرابط
    http://www.qwiriat.com/
    وعلى ذلك أكرر الاعتذار

    أما بالنسبة لهذا النص المبدع
    فأنتِ مبدعة دائمًا في رسم البسمة على الشفاه ورغمًا عنا ..
    الحياة تجارب
    وخيرها بغيرها

    أجمـ تحية ـل

    ردحذف
  20. محمد سعد القويري ...
    حياك الله أخي الفاضل
    و شكرا على المرور الراقي
    الذي تتحفنا و تحرجنا به دومـاً
    ...~*شكراً*~...

    ردحذف

حياكمـ،،،