~ مـــمــنوع {فاصل} نــعــيـــش ~

فــاصـلــــ،،، و راجعينـــــــــــــــ،،،

قصيدة أعجبتني سحرتني تقريبا منذ الللحظة الأولى من قراءتها

للشاعر ~فايق عبد الجليل~

بعنوان

~ممنوع نعيش~

دنيا يسر

دنيا عسر

يا بكم اللي ينكر

و باكر يعيش اللي يعيش

و باكر يموت اللي يموت

و أسمـ اللــه وحده ينذكر

هاذي الحياة

الواحد اقوى من العشر

و الألف يعادلهم صفر

لازم نعيش

لازم نشوف

و نمارس المد و الجزر

كل الشواطي اليوم بكت

خطت على الساحل شعر

لا تحزنـــــــــــون

باكر مراكبنا تمر

و يضحك رملنا و السدر

و أسمـ اللــه وحده ينذكر

ممنوع نعيش

لكن نعيش مثل القدر

نشرب قهر

نآكل صخر

و نحول الشوكة زهر

ممنوع نقول

لكن نقول

بكل حذر

الأرض محتاجه مطر

الأرض محتاجه مطر

و أطفال مدينتنا بكوا

تحت المرازم و الشجر

ممنوع نقول هذا>> صنم

ممنوع نقول هذا>> بحر

ممنوع نقول هذا>> جبان

ممنوع نقول هذا>> بحر

ممنوع نقول

حتى الكلام اصبح خطر

لكن نقول

نقدر نقول بكل حذر

الأرض محتاجه مطر

~~~

تصوروا ،،، قالت لي وحده من البنات أنه واحد من الدكاترة اللي خذيت عنده الكورس اللي فات و ظلمني بالتقدير(القريد)

أنه عطى واحد من الشباب اللي من فئة ثور و انهد على برسيمه و لا يدري الكرة مستديرة و إلا مسطحه

أعلى من قريدي و اهو طول الامتحان يحاول يغش مني و مسوي مصخرة بالكلاس

فلمن سألتها السبب شنو تتوقعون قالت

طبعا الدكتور أجنبي (سكوتلندي)

قالت: الله يسلمج،الشباب يرشونه

أنا: بشنو واسطه بعد ؟

قالت :لا يا حظي ببطل خمر

أنا: !!!!!!!!!!!!!!!!

استغفر الله ، و حسبي الله و نعم الوكيل

~ الله على الظالم و المظلوم له الله ~

دمتم منتصرين و إن كان لابد مظلومين غير ظالمين

~ في أمان الله ~

~ كل عام و حبيبتي بخير ~

السلام عليكم أهل الكويت و محبينها في كل بقاع العالم

كل عام و محبوبتي الكويت بألف خير

عيدي يا كويت يا روح و بلد أنا لج غنيت بروح و جسد

يا كويت يا أحلى بلد

لقد عجز اللسان عن التعبير عن مكنونات القلب

فحبي لك سرمدي أبدي يا بلداً عشقت ترابه

و أستنشقت عطره

~رائحتها~

فللكويت رائحة

كرائحة الندى على الورق بالصباح الباكر

و البخور في فترة الظهيرة و العصر

و رائحة المسك و العنبر في المساء

~جمالها~

الكويت تشبه الجمال في كل ألوانه

البدائية و المعمارية جمعت كل أنواع الجمال من الشرق للغرب

~صوتها~

و لها صوت الكويتي المؤدب يتردد في شوارعها كلمة لو سمحت آمر حياك تبي أدليك

و عند ابواب منازلها حياكم هاذي الساعة المباركة اللي شفناكم فيها مو تقاطعون العين اوسع من الدار

و عند جمعياتها و مساجدها و اسواقها يسمع صوت الخردة التي تسقط في أوعية المساكين أصمت قليلاً و أسمع تلك الاصوات

التي تعلن عن طيبة هذا الشعب و أحيانا لا تسمع صوتاً لأن المتصدق قرر أن يستر الصدقة و يضاعف بالعطاء

~شكلها صورتها~

عندما تطل من أي نافذة بالكويت سواء نافذة منزل أو سيارة فأنك ستفهم معنى وطن و ستفهم معنى البيت

و ستفهم معنى الجمال و الرقي الحضارة و البساطة و سترى أن أغلب الكويتين وجوههم مبتسمه

الليل في الكويت غير موحش أطلاقاً يشبه القصيده

و النهار بها يشبه الانطلاق السريع في سيارة مكشوفه

و تناول الآيسكريم على شواطئ البحر و يشبه الطفل الفرحان الذي يركض بجنون على العشب

كم انا محظوظة لكي أعيش في هذا البلد الطيب البسيط و احمد الله صباحاً مساءً لأنني

أشمه أنظره أحسه أكلمه و أقبل جبينه صباحاً و مساء

وأحمد الله أنني وصلت للعمر الذي سوف أرد به جميل هذا البلد

الذي علمني معنى العلم و الثقافة و الحرية و علمني أن تعلم السياسة و الحديث بها حق مشروع

و قد علمني هذا البلد ان الصدقة تطفئ غضب الرب

و أن الصدقة و فعل الخير هي التي اعادته في سبعة اشهر حتى أن الحمل يأخذ أكثر من ذلك

لقد أطلت في حديثي و لكن لا تلموني فمعشوقتي و حبيبتي هي الكويت

التي أحبها الزائر و المقيم قبل الكويتي نفسه

هي أرض مهما وضعت بها من خير أو شر فإنها لن تثمر سوى الخير

أحبكِ يا كويت العز .

؟؟؟ليـش؟؟؟ أو ليشااات؟؟؟

~ السلامـ عليكمـ و رحمة الله و بركاته~

شلونكمـ ؟ شخباركمـ؟

عساكمـ على طاعة الله

و بالهنا و العافية متنقعين

ياللا صار وقت نخليكمـ شوي تتبسمون

ليش حطوا زل ؟

كعادتنا أنا و زين الزاد أخذنا نتجول بين مكاتب الدكاترة

بين تسليم هوم ووركHome Work و بين سؤالQuestion

المهمـــ يا محفوظين السلامة و إلا نلاحظ شي كدر خاطرنا ألا و هو

أنه الجامعة قرر تحط زل على الممرات اللي بقسم الدكاترة لأنه

الأرضية خشبية و تسويsqueaks و علشان جذي ضاق خلقنا لأنا كنا نحب هالصوت
و أكتئبنا مو عارفين شلون نوقف هالشي و أصلا ما في مجال فقررنا نستسلم للأمر الواقع

فقلت حق زيوووون "هاااا شرايج" و ألقيت نظرة شريرة على الطريج اللي لحد اللحين ما نفرش

و زيووون وافقتني فقمنا نمشي بخطوات سريعة رايحين رادين و على شكل دوائر

على كل الممرات اللي ما حاشها النفط (أي لم يطالها الزل= السجاد)

و ظلينا نسوي هالشي كاليوم لين أكتمل الفرش و قمت آخذ بنات بعد غير زيون إذا كانت مشغولة

و إذا أي أحد بيروح مبنى الدكاترة ما عندي مانع أكون مرافقة

وداعاً أيها الازعاج الطفولي البريء

حاولت أسوي أزعاج مع الزل بس ما ضبط يللا ندور بدائل

أي و صج في دكتور أجنبي شايب مسكين طلع يطل من مكتبه شسالفتنا علباله ضايعين هههههه

ليش طفلة هههههاي!!!!؟

كانت زين الزاد تمشي مع قروب من بنات خالاتها و خالاتها و فجأة يلتفتون و ما يلاقون "شوشو"

وينها وين راحت وي لا و مو معاها موبايل ألحين تعال دور وين بنلاقيها كله آخر الناس

و إلا تلمح زيون و "بشبش" مكان الاستعلامات جان تروح لهم زيون و تقولهم

زين الزاد: تكفون عندنا بنت ضايعة

رجل الاستعلام : شسمها شوشو الفلاني

فقام الريال و ما قصر ينادي بالمايك: الطفلة شوش الرجاء التوجه لمكتب الاستعلامات

هني زين الزاد حطت أيدها على راسها و نزلت راسها وقامت تضحك

و كل البنات و اليهال قاموا يضحكون

طبعا مال الاستعلاامات!!!!!!!!!>>>شالسالفة مو خوش عايلة

و يكرر رجل الاستعلامات:الرجاء من الطفلة شوشوأو من يجدها التوجه لمكتب الاستعلامات

و جلس رجل الاستعلامات لتلقف الطفلة الباكية

و في هذه الاثناء دخلت فتاة بسم الله ماشاء الله طول بعرض تعد طويلة جدا يبدوا من ملامحها انها بالثانوي

جان تقول: خير أنا شوش بغيتو شي

كاااااااااااااااااااااااااااااااااااااااااااك

هههههههههههههههههههههههههه

خخخخخخخخخخخخخخخخخخخخخخ

لووووووووووووووووووووووول

مسكين الريال أنصدم صدمت عمره كلش مو نفسة الصورة اللي رسمها

و طبعا هني زين الزاد ما مسكت نفسها غشت من الضحك من هول المنظر

و زفوا شوشو أنتي وينج دورنا عليج ما لقيناج

شوشو:شسوي مالي خلق امشي بسرعة

و تركوا الرجل المسكين في ذهول و صدمته

و الله العالم هل سيعود للنطق من جديد

لووووووووووووووووووووووول

طبعا مو أسمها شوشو أسم مستعار *_^ههههه

ليش أختار ما أبي ؟

هاذي مقلمة صوت القطوة مالت الجامعة >>>>صج فشيلة

المهم صوت القطوة لمن طلعتها من الجنطة جان كل البنات ينون عليها وااااي نايس كيوت

زين الزاد طبعا ما تقول جذي كيوت كول تقول وي يا حلوها و يا زينها شغل ما لأول

و اللي تقول اللا أنا الخروفة الوردية و الثانية تقول انا الزرقا و كلمن قام ينقي

جان تقولي صوت القطوة و أنتي ما نقيتي يللا اختاري

جان أعترض و أقول لاااا و ألف لاااا >>>اعصابج حجية

لا أخفيكم سرا أتهموني بالغرور و قاموا ينقون خروفه حقي

لكن أعترضت و برطمت قلت انا أن كنت فبكون الذيب اللي بالمقلمة جان أسحب كلامي

و أقول أنتوا الخرفان اللي بالمقلمة و أنا الي أشيل المقلمة

الكل بهاللحظة كان بيقتلني لكن كيفي

ماااااااااااااااااااااااااااااااااااااااااابـــــــــي

اللي يبي يصير خروفة خل يصير مابي يعني مابي يعني مابي >>> من صج يومها عصبت لوووول صج ياهل

ليش نرضى!!!

ليش نرضى بنصف التطور(طبعا ربع بس للتمليح) و الحضارة و العدل

يقولون لي أهلي اللي من دول خليجية أنتوا يا الكويتين طماعين شتبون أكثر من جذي

أسكت و أطالعهم

أسمع بالتلفزيون ناس يرفعون من شأن المشاريع و المنشآت اللي تحت عيونا و ندري أنها فاشلة و بالية

أسكت و أطالعهم

أسمع دكاترتي بالجامعة يقولون لنا حمدو ربكم أنتوا تدرون شكثر يكلف الراس فيكم جامعة الكويت

تدرون المبالغ الضخمة الي تنصرف عليكم جم تدرون و تدرون لو أنتوا بأمريكا و إلا بما ادري وين و ين..

أسكت و أطالعهم

و بعد سكوت دام و تفكير عميق و طويل و بعيد عن التحيز للشارع و الفقراء

أكتشفت التالي

أي بنظل نطالب بأفضل من جذي لأنه نصف الظلم عمره ما راح يكون عدل و لو رضينا راح يصير ربع العدل = العدل

آسفه الموضوع مبدأ شمعنا لمن الطالب ينقص عشر واحد ما يخلونه يدخل الجامعة اللي يبيها

و بعدين يطلبون منا نرضى و أهم نقصوا منا أعشار كثير

لمن يقولون أن الطالب الكويتي كرسيه أغلى من كرسي الطالب اللي بجامعة هارفورد

أقول لا جذب غلط لأنه لازم المدخلات تساوي المخرجات و بقوانين الرياضيات الحسبة تطلع غلط

مو أحنا اللي نهتم بالاعشار أقصد بالعشر *_^

و الغلط غلط ما ينسكت عنه و لمن باجي الدول أوصلت للي وصلت له لأنهم سكتوا

طبعا أكيد أحنا أحسن من غيرنا لأنه المنابر لنا مفتوحه و علشان جذي

ما راح نقطع الآمال

لأنه الكويت الأمل فيها كبير

و في حمل و غلط كبير كله علا عاتق الشعب لأنه

ما أخلصنا بعملنا .. لأنه ما دورنا طريج المال الحلال .. لأنه رضينا بالهدية(الرشوة) .. لأنه نخاف نجرح شعور وايد من طقة طال عمرك و نبههم على غلطهم يظلون بشر يرحمون على الاقل ممكن تقدر تحمي جم مليار من الضياع و توفرهم للأجيال القادمة

و هاذي الكويت و صل على النبي

يقول المثل الروسي:

إذا كنت ديكا فارفع عقيرتك بالصياح

أما إذا كنت دجاجة فضع بيضتك و اصمت

* أنا ما أفعل *

مع السلامة و مع الجمال الأزرق^_^

تعرف على شخصيات المدونة(معـ الصور؛)...

~X~سوالف~X~

~*~السلامـ عليكمـ و رحمة الله و بركاته~*~

إن شاء الله كلكم بخيرو صحة و سلامة

عندي فاينلات ادعولي بودع مدونتي شوي بهذا البوست

يلا حياكمـ

كنابل(بطانيات) يشبون ضو

تقول لي الراوية أغاثا كما نلقبها

رحت لج ذاك اليوم الجمعية (السوبر ماركت) لأنه يقولون منزلين
خوش كراسي باخذ لي جم واحد حق طلعت البر
و آخذ العيال معاي ...
سفطت أغاثا ..أنزلت.. عتبت باب الجمعية
و إلا بدخلتها مع مرة عيوز عاد أغاثا تموت على شي أسمه سوالف أول
والعيايز و كل شي من التراث و الماضي
عاد تلاقوا عند مستلزمات البر و التخيم
CAMping StuFf
لغير الناطقين باللغة الفرنسية>>>يكون أنكت يعني

المـــــهــــــــمـــ

العجوز:ها يا بنيتي .. جنج ياية اتشرين غريضات حق البر
أغاثا:إي و الله خالتي

العجوز:يا بنيتي ..ليش يايبة عيالج وياج اللحين يشوفون

هالبقيات و اتشفق قلوبهم عليهم

أغاثا: بعد شسوي

العيوز:يقولج عاد ناس ماتوا و ناس حيو و صار و

استوى (قرقرقرقرقرقرقرقر)

أغاثا(بداخلها): شلي بلشني و يا هالعيوز ..لا حول و لا قوة إلا بالله

تعال فلان تعال فلان

العيوز :قرقرقرقرقرقر لي اللحين ...أي عاد سمعتي يا بنيتي

أغاثا :أي أي الحمد اله بعد شنسوي اي أي >>ما تدري شتقول

المهم تهرب أغاثا و تروح عند قسم ثاني عن طريق التسحب
لكن هيهات هيهات لا مفر
و تتلقى مع العيوز مرة ثانية

أغاثا(بقلبها): هووووه ما نخلص يعني اليوم
العيوز: ها أنتي هني عاد أقولج ......قرقرقرقر
أغاثا: حجية يقولج في هناك ذااااااااك القسم أقول تشوفينه
العيوز: أي ها وين؟ أيــــه

أغاثا: يقولج في كنابل تخليج من الدفا تشبين ضو
العيوز:وين أهووووصج ..عيل من رخصتج يا بنيتي
أغاثا: Yes..Yes..Yes

bel!eve !cAn flY!

و من هذه الحادثة نستفيد أحدالطرق المئة

للهرب من العيوز اللي بالعة راديو
و شكراً

كشته بالكلية

باختصار هذا قروبنا كاشت بأحد حدائق الكلية اللي محد يقعد فيها

غيرنا فاستغلينا الفرصة و قلنا نسويلنا picnic
على قدنا و نتريق على هالجو و الخضرة و بالمرة نطلع من مووود الدراسة
و الحلو فيها أنها صديقاتنا اللي ما شفناهم من زمان شفناهم
و اللي مو حلو أنه أنا أنهز برستيجي
لأنه مو متعودة أشيل شي "بابا" حبيب ألبي مدلعني ما يخليني أشيل شي
و يو صديقاتي النحيسات شيلوني جياس جني حمالي لي درجة لمن شفت سيارة مارة
جان أتعومس و ألف ويهي علشان محد يشوفني و أهم غشيانين ضحك علي اهم متعودين أنا لأ

أهي أهي أهي :(

و الادهى و الأمر أنه الطاولة ما كفتهم و قاموا شالوا طاولة ثانية
مصنوعة من الحديد و حطوها يم طاولتنا صج يفشلووون الحمد الله أني ما كنت واقفه وياهم

امبدعين بدنيتهم ماشاء الله ...؛)

الكتاب

و محبوبي من الدنيا كتابي فهل أبصرت محبوباً يعارُ

أيا مستعير الكتب دعني فإن بإعارتي للكتب عارُ

الإغماء و الحريم

(1)

الأولى:

في أحد الأيام كنت زعلانة مع زوجي حسيت أني بالغت الكبرياء يا وخيتج و ما يسوي

المهم حبيت أراضيه بس بطريقة غير مباشرة فقلت

ما يبيلة خطة الإغماء اللي صارت نفس جودة حفظ الأموال تحت المخدة

لوووووووووووووول

المــــــــهــــــــــمـــــــ

و حاولت أطيح بدون ما أتعور فقمت مسكت واير التلفزيون اللي بالصالة اللي يم الدار علشان أتمسك فيه

و أطيح و أطق بريلي(برجلي) صوب الباب عشان ينتبه

المــــــــــــــــهــــــــــــمــــــ

يه وقت التنفيذ و ياك الموت ياتارك الصلاة

و أنا أحاول أنزل مو بس أنا اللي نزلت إلا نزل علي شي ثاني

و إلا و إذ بــــــ التلفزيون فوقي

لووووووووووووووووووووووووووووووووووووول

مسكينة بغتها طرب

جان يطلع ريلها يصرخ شصار شصار

و يها معترض "لا حول و لا قوة إلا بالله " شسويتي كسرتي التلفزيون

طبعا مسكينه أخنقتها العبرة من العوار و من الريل اللي يفكر بالتلفزيون و نسى المسكينه اللي تحته

لووووووووووووووووووووووووووووووول

(2)

اخرى تقول:

كنت مزعلة زوجي شوي فقمت قلبتها عليه و أنا اللي زعلت

و صرنا أحنا الأثنين مطنقرين قلت ما أبي أطول الزعل

فلجأت لحيلة الإغماء

كنت حامل لكن ضحيت شوي المهم طحت بنعومة و شويش علشان الحمل

و إلا تركض الخادمة ماما ...ماما

لا اخفيكِ سراً يتني الضحكة لكن أبيت إلا أن أكتمها و أطرف عيني لأرى النتيجة

و إذا به مسكين حايس و ما يدري شنو يسوي و يحاول يقعدني فلانه فلانه

المــــــــــــــــــهــــــــــــــــمــــ

سويت نفسي صحيت و الضحكة بتنفجر لكن أبلعها رغما عنها

و بدأت باتهامه انه أهو السبب في أغمائي فنسى الزعل

هههاهههههاهههاي ما يجيبها إلا حريمها

فديت قلبك و كلمن يحبك

يا ختي يا زين هالوي و هالضحكة

عسى الله أن يجعله من الذرية الصالحة و يعينه على بر والدينه و يطرح فيه البركة

و أيي اليوم اللي أخطب له فيه و أشوفه أحسن مهندس

"أشتقت لج كبر الكون بطة ضعيفة "

تعرف على شخصيات المدونة(معـ الصور؛)...

*Stuff & More*

~ السلام عليكم و رحمة الله و بركاته ~

من بعد غيبة قد طالت أشتقت فيها لمدونتي و أشتقت للفوائد اللتي أقتطفها من مدوناتكم
لقد سلبت الإمتحانات Mid terms وقتي و ها أنا في حالة شبه هدنه معهم *_^

This week ! feel like this man but ! a womany way

*_^but at the End ! survived & achieved

Thanks Allah on the stregnth

*The feild Trip*

هالأسابيع اللي فاتت قضيناها رحلات أي "field trip"

طبعاً أنا ما احب الرحل بس هالكورس وايد أستمتعت بالرحل لأنها كلها بنات و ما فيها شباب و خذينا راحتنا
و كنه فاهمين شنو ينقال و الدكاترة كانوا يبون يعلمونا (هذا البوست رحلة و الياي رحلة ثانية *_^)

و هاذي بعض الصور

[منطقة الخيران وما حولها من مناطق تنفع الطلبة الجيلوجين لأنه فيها مظاهر السطح متنوعة و مكشوفة]

دريولنا عاش عاش .. دريولنا بيب بيب *_^

أحد مصادر التلوث القريبة من منطقة الخيران في بلدي حيث الحياة البحرية و البشرية تتضرر So I obJect

أحد مرتفعات الخيران حيث أن الواقف عليها يستطيع رؤية مساحة شاسعة من الشاليهات

و قد تمت مطاردتنا بركاب البقيات و البانشيات لأنه شكلنا غريب

لكن الدكتور سفل فيهم كااااااااااااااك زفوهم ويك ويك ويك

و قال الدكتور : الازعاج البشري راح يوجهنا

و بالتالي في سبيل العلم لازم نطنش

بعد بكل وقاحة يقولون للدكتور انهم يبون يورونه منطقة أحسن هههههاهههاي ما شاء الله طلعوا دكاترة ^_^

و طبعا الشي اللي ما تعرفونه عن "خاتون" أنها شاطرة و إذا ما جاوبت كل الاجابات تموت و الحمد الله جاوبت تقريبا 99% من الأسئلة لين بديت أحس أنه في ناس نقهروا مني فتركت 1% لوووووووووول و بالنسبة للصورة اللي فوق سألنا الدكتور ليش جزء منها أدكن من الثاني هل أهو تحول بنوع الصخر طبعا الكل ألف من مخه بس أنا قلت يمكن organic matter مواد عضوية و كانت الأجابة صح Yes طبعاً جاوبت إجابات أذكى منها بس كانت الإجابة مهمة علشان أحطم رقم قياسي أدري Nerdطبعا الدكتور منعنا ننزل و نصور هالصورة ما كنا نري بس لمن شفنا الشريبcrab يركض نطينا قبــــــــــــــــه لوووووووول

و هذا طبعا ماي طالع بوسط اليابس شكله عجيب و فيه كائنات بحرية داخلة و حواليه بعد طبعا شلون تكون ؟
الله يسلمكم هذا الماي مهاجر من البحر (خاصية شعرية) و صعد على سطح اليابس بالاضافة للأمطار و طبعا بيوض الحيونات تنتقل مع الماي فنلاقي في حياة بهالمكان و حده كان شكله آسر على الطبيعة

و هذا دكتورنا و هو يشرح

و هذا على ما أظن أعلى مرتفع بالكويت ياما شهد طيحات و طبعاً

غير نقوش الطلبة و السواح بس النهاية بصراحة الشخابيط معطيته شكل

و هاذي الصخرة وروني ياها البنات و قالوا سألي الدكتور لأنها عمرها ما مرت علينا من قبل بس قالوا تشبه Conglomerat

أنا بصراحة قلت لهم أنها مو صخرة لكن سألت و أحس عصب علينا و أسمها !Artificial إن شاء الله السبلينق صح

و هذا يعني أنها حصى مع سمنت و يمكن هاذي أثر لشاليه أو طوفه كانت مبنية منه ! يعني مو صخرة ^_*

و هني باص الرحيل قد آن أوانه ^_^

~بالختام أشكر تلفوني جدا على تحمله لأكوام الرمل و التقاط هذه الصور الجميلة~

*كريبو بستايل شتوي*

طبعا أول ما شفت هالكوب عجبني فعلى طول رحت أطلب و إلا اللي تشتغل طلعتلي واحد أحمر جان أقولها ما أبيه عطيني هاللون و اللا ما أشتري و طبعاً لانه أهو الحجم الأكبر فالتوصيات تقول لهم بيع الاغلى و طبعا سوت لي شو لأن الكوب بعيد و صار تحت ما لها خلق تطلعه و قامت تقول: يعني ما تبين هذا ليش ما تحبين الأحمر؟ و في طالب واقف و على قولة صوت القطوة كان يضحك علي ...أنا أقول ما عنده سالفه كيفي أبي هاللون طبعا على بالي بنفسجي طع رمادي مو مشكله أهم شي عفستها سويت اللي براسي هههاهههاي

*بالعكس*

هذا الكتاب عجيب لازم ينحط كمرجع للتحفيز

المؤلفين أهم : محمد الفوزان ~هيثم المحيميد

الكتاب بالعامي أنا أصلا دايما ما أحب العامي وايد لكن الكتاب كان مشوق جدا

نصيحتي ~اشتروه~

طبعا هالكتاب عرفتني عليه زين الزاد و قام يتنقل بين أيدين بنات قروبنا لكن أنا أشوف أن كل وحده لازم تشتر نسخه

من أجمل العبارات "لو أننا فعلنا ما نحن قادرين عليه لصعقنا انفسنا"

توماس ايديسون

* بمناسبة الكريسماس *

بمناسبة الكريسماس !

أحب أقولكم

"كل عم و أحنا شكو :-P

*_^

*Gastropoda*

هاذي صورة للرسمة اللي رسمتها علشان أشرح المحاضرةClass Gastropoda شرايكم برسمي؟

و صج كان شرحي بيرفكت و الدكتورة مدحته الحمد الله.

*محول زين مو زين*

زين الزاد و هل تعرفون من هي زين الزاد ... هاذي البنت خطرة على نفسها و على المجتمع

كنا قاعدين بالكلية و الا زيون تطلع لابتوبها تبي تشتغل على موضوع بالبور بوينت و إلا تطلع محولها و أسلاكه مكشوفه جان تنبها

صوت القطوة و تقول لها :زيون هذا أسلاكه مكشوفه لا تتكهربين

زين الزاد:لا عادي متعودة يبي لنا لزاق علشان يصير عازل

~جان تركب البلاك~

و تقول(حق صوت القطوة): ها طلعت شرارة

صوت القطوة:!!!!!!!!!

أنا:!!!!!!!! هيو أنتي شفيج

زين الزاد:أهو لمن يطلع شرارة يعني اشتغل

~ما أخفيكم سرا كل اللي على الكرسي وياها و حواليها اخترعوا لأنه الكراسي معدنية و متصلة

صج بدعت هالبنت بالأوادم و الأدهى و الأمر أنها فخورة بنفسها و لمن رحنا نقعد يمها

تقول رفعوا طرف هدومكم لاتحترقون و ابتلش فيكم !!!!!

و لغاية الآن زيون ما فكرت تشتري محول يديد و تنطر الشرارة تطلع علشان تعرف اشتغل و إلا لأ؟!!

؟!؟شنو الدبرة معاها ما أدري مينونة خالصة ؟!؟

و لمن نزفها تقول : هو علامكم ما في شي عادي عادي !!!!

آسفه على الإطالة و

Hope U enjoy !T

تعرف على شخصيات المدونة(معـ الصور؛)...

~ميمو لماما~

~السلام عليكمـ ~

قرأت مقال في مجلة "Parents" و قد أعجبني كثيراً

فأحببت مشاركتكم به أحسكلماته جداً touching

HopE U l!ke !t

كاتبة المقال هي:ميري مولر

المترجمة:خاتون (ان شاء الله تكون واضحة)

هاذي صورة المقال في المجلة

~ المقال يقول ~

ميمو لماما
ملاحظة لماما : لديك الكثير من الدروس التي سوف تعلميها لصغيرك،لكن هو لديه بعض الكلمات الحكيمة لك أيضاً.

لا تتوقعي مني الكثير.أنا أود أن أفعل ما تطلبين لأجعلك سعيدة،لكنني لا أزال صغيراً.

أوفي بوعودك. من أجل الثقة~عندما أصبح مراهقا ستفهمين لماذا كان مهماً.

ضعي حدوداً. فأنا لا أستطيع في الحقيقة أن آكل صندوق كامل من البسكويت،لكنني أريد أن أرى هل يمكنني أن أفلت بفعلتي .

لا تدعيني أعتقد أنك كاملة. أشعر بتحسن أكبر عندما أعرف أنني لست الوحيد الذي يخطأ أحياناً.

دعيني أفعلها. أنا أعرف أنك تستطيعين فعله بصورة أسرع و أفضل،لكن أحياناً الخبرة أكبر معلم .

لا تسأليني باستمرار إذا كنت أحسن التصرف. أنا لست حتى متأكداً من معنى ذلك ،لكن إن كنت سيئاً فلن أعترف بذلك.

لا تحاولي التفاهم معي عندما تنتابني نوبة غضب. ثقي أني~لا أسمعكي من خلال صراخي.

كوني صبورة. فأنا أفعل كل شيء لسبب ما،لكنني ~لا أعرف كلمات كافية حتى أشرح لك السبب.

أحبـLove Meـينـي. حتى عندما أشاغب~فأنا سوف أكون بهذا السن مرة واحدة .

توقفي عن الخوف من الفوضى! هناك دائما وقت للتنظيف~لكن كم مرة نحاول أن نصنع فطائر الطين؟




تعرف على شخصيات المدونة(معـ الصور؛)...

كل شـي(العيد)أي شي

،،،السلامـ عليكمـ و رحمـة الله و بركاته،،،
و بعد السلام يحلى الكلامـ

وايد صارت في أحداث هالجم يوم بس لوية الـM!d TermS حلت على جدول حياتي

فـالـ Stress is starting over

و ما قدرت أنزل بوستات منفصلة بس عن خاطري بنزل الصور الي صورتهم عن الحسافة
وايد صار أكشن هالجم يوم و تعلمت حكمـ وايد بعدين بنزلهم *_^

هاذي عفسة العيد

و هاذي عيدية غير شكل على قولة" دنيا أسعد سعيد "

و هذا الحسن اليوسفي بالعيد

هاذي ديرتي بالعيد الجو هالسنة بالعيد كان بديع و كله رحمة
ما بعد المطر

و هاذي شركة ككاو يابوها بكليتنا بمناسبة العيد "أنا مو من عشاق الككاو" لكن البنات حيل عجبهم و أسمه

"Crisp House"

تقدرون تختارون الككاو اللي يعجبكم و تدزونه للي تبون مع كرت أهداء حركه حلوة هذا موقعهم : http://www.crisphouse.com/

الوجه

الظهر

و هذا النوع الي شرته "صوت القطوة "و ذوقته للصبايا و كان خفيف و معاه جوكليت صوص

توقعته دسم بس عشاقه كانوا يقولون واااو باختصار

سين سؤال:بما أنه كل مدارس الكويت غابت الثلثاء و الأربعاء و الخميس و يدرون مسبقاً أن هالشي بيصير ليش ما عطوهم إجازة و ريحونا ؟؟؟!!!

لا و اليهال يوم الثلثا كل من مواعد أهله يآخذونهم الساعة 9 ص هذولا طبعاً الشطار اللي مداومين ليش مداومين ما أدري !!!

و قبل فترة سألت العزيزة "بنت جابر" عن كلمة كانت ترددها دايما بالإنجليزي فقالت : am very Sorry !

فقلت بأقتبسها و أقولها للعزيزات على قلبي قالوا لي نبي مدونتج تمثلج أكثر تكلمي فيها عن السياسة اللي تعشقينها و تتنفسينها

تكلمي بأسلوبج الثقافي اللي نعرفج فيه

am very Sorry !

ما أقدر أنا هني بس أبي أسترخي و أسخر هالجانب اللي يحب اللعب و المرح من شخصيتي في هالمدونة و ما أقدر أوعدكم لكن علشان خاطرج بحاول أفتح لي مدونة ثانية تذكرج بخاتون السياسية و اللي تآكل الكتب *_^ و ما يصير خاطرج إلا طيب

*و مسج توه يايني من زيون فديت قلبها حده عجيب فحبيت أشاركم فيه:

ليس تعبا في حفر الأرض ،لكنه تعب في حفر الكنز..

Catch your dream and run with it there is time

~و في الختام~

تعرف على شخصيات المدونة(معـ الصور؛)...